बालाजी तांबे हे वैद्य, हकीम, डॉक्टर किंवा वैदू यापैकी काहीही नाहीत हे येथे निदर्शनास आणून देऊ इच्छितो.

जास्त त्रास होतो असे तुमचे म्हणणे आहे.म्हणजे उंची(तुमची) मध्यम असल्यामुळे पाय टेकत नाहीत का ? असे असेल तर पाय दुखत असतील. एसीच्या गारव्यामूळे पाय खास करून पोटर्‍या दुखतात.गुडघे दुखल्याचे ऐकीवात नाही तरीपण गुडघ्यापासून नडगीपर्यंत गरम कापडाचा पट्टा गुंडाळून बसत जा. (पूर्वी पोलीसाच्या पायाला गुंडाळलेल्या पट्ट्या असायच्या तशाच पट्ट्या.) ही गुडघे दुखी वाढत जाते आहे असे वाटल्यास नक्कीच एका पेक्षा जास्त तज्ञांना दाखवा. पाठीच्या मणक्यांचा एक्स रे काढून घ्या. संधीवाताची फॅमीली हिस्ट्री आहे का ?

मुंबैत आलात तर गोरेगाव पूर्व येथील डॉ आश्विन सामंत यांना भेटा. अत्यंत निष्णात ऑर्थापेडीक तज्ञ आहेत. पत्ता= Samant nursing home Gr. floor, yashodhan, plot no 5, jaiprakash nagar, goregaon(east) tele no 26860695/268606960 EMAIL =snho@vsnl.net

हा एक संधिवाताचा प्रकार असावा असे वाटते, मिपावैद्य स्पा यांनी वर सांगितल्याप्रमाणे, कारण मला देखिल पोट बिघडले की शरीरातील जोड दुखणे हा प्रकार होतो. अजुन एक , तुम्हाला गुडघा आहे आणि तो दुखतो हेच विसरायचं जमतंय का बघा, अवघड आहे. पण मागच्या वर्षी मला डेंग्यु बरा झाल्यावर पण जे तीन चार महिने वेदना होतात, त्यावेळी डॉक्टरांनी हेच सांगितलं होतं, ५-६ दिवस तयारी करुन पुणे - गोवा - पुणे असं १५०० किमि गाडी चालवुन फिरुन आलोय त्यानंतर. अवांतर -- ''नवीन डॉक्टर कडे आत्ताच जाउन आलो.'' म्हणजे डॉक्टरच नविन आहे का तुझ्यासाठी नविन आहे ?

नमस्कार तुम्ही सर्व प्रकारचे उपय करत आहातच, त्यात तुम्हाला लवकरात लवकर यश मिळो. डॉ चिपळूणकर यांच्या सल्ल्याप्रमाणे उपाय करण्याने निश्चित फायदा मिळेल, असे वाटते. इथे काही स्वानुभवाधिष्ठित मुद्दे मांडतो आहे: शरीराचे वजन, वातावरणाचा दाब आणि जमीनीचा उलटा दाब या सर्वांचा गुड्ग्याच्या सांध्यावर सर्वात जास्त परिणाम होत असतो. योग्य असे बूट घालण्याखेरिज घरात सुध्धा नरम व जाड सोल असलेल्या चपला सतत घालाव्यात. प्रमाणाबाहेर होणारा वीर्यनाश हा दांधेदुखीस मदत करतो, त्यामुळे असे होत असल्यास योग्य ती काळजी घ्यावी. घरी जर एसी असेल तर खोलीत रुंद तोंडाच्या भांड्यात वा बादलीत पाणी भरुन ठेवत जावे. म्हणजे खोलीतल्या हवेतील सर्व पाणी शोषून झाल्यावर एसी आपल्या शरीरातील पाणी खेचतो (त्यामुळे घश्याला कोरड पडते, सांधे दुखतात), त्या ऐवजी बादलीतील पाणी वापरले जाईल. हा उपाय ऑफिसातील एसी च्या बाबतीत काम करतो कि नाही हे ठऊक नाही, तरी करून बघता यावे. पायाचे स्नायु बळकट होण्यासाठी पाठीवर उताणे पडून हळूहळू पाय गोलाकार फिरवणे हा साधा व्यायाम करावा. फार जास्त चालणे सध्या टाळावे आपले शरीर व एकंदरीतच सर्व जीवन हे विश्वातल्या अगणित गोष्टींशी निगडित असल्याने ग्रहांचे भ्रमणाच्या अभ्यासातून आपल्या आयुष्यातील घटना सांगता येऊ शकतात. ज्योतिषी सांगतात ते उपाय, उदा. अमुक खड्याची अंगठी घालणे वा शनी ला तेल घालणे असले उपाय करण्याची गरज नाही, परंतु हा त्रास तुम्हाला किती काळ भोगावा लागणार आहे, हे वाटल्यास चांगल्या ज्योतिष्यास विचारावे. सर्व इलाज करून देखील फायदा झाला नाही, परंतु कालांतराने ग्रहस्थिती बदल्यावर रोग आपोआप बरा झाला, अशी अनेक उदाहरणे बघायला मिळतात. पुढे कधी जमेल, तेंव्हा विपश्यना शिकून घ्या. कामाची विद्या आहे. शिकून जर रोज सवय ठेवली, तर अनेक समस्यांपासून सुटका मिळू शकते. शुभेच्छा.

चिंटू, तुमची गुडघेदुखी आता नाहीशी झाली काय? नसल्यास एक साधा सोपा उपाय करून पाहा. नेहमीच पाठीवर झोपा (एका कुशीवर नको) आणि पायाखाली एक उशी घ्या. आठवडाभर करून पाहा. फरक पडला नाही तर दोन उशी घेऊन पाहा. या उपायाने नक्कीच फरक पडेल. दोन आठवड्यात सकारात्मक परिणाम मिळतील. अर्थात हे करत असताना डोक्याखाली देखील उशी घेउनच झोपले पाहिजे. डोक्याखाली उशी नसेल आणि केवळ पायाखाली उशी ठेवाल तर अ‍ॅसिडिटीच्या भयंकर दुष्परिणामांस सामोरे जावे लागेल. गेट वेल सून!

तुमच्या गुडघ्यांचा चंद्र आणि मंगळ यांच्याशी होणारा कोनही खूप परिणाम करतो हे येथे नमूद करू इच्छितो. आता गुडघ्याचा कोन बदलणे खूप अवघड आणि वेदनादायक असू शकते म्हणून त्या ऐवजी चंद्र आणि मंगळ यांच्या आकाशातल्या जागा बदलल्या तरी तोच परिणाम मिळू शकेल (संदर्भ : आइनस्टाईनचे सापेक्षतेचे तत्त्व किंवा डोंगर-महम्मद तत्त्व). आम्ही अशी चंद्र आणि मंगळ यांची स्थाने बदलून देतो. त्याचे दरही माफक आहेत. आपण अनुभव घेऊन पाहू शकता. [टीप: काल सायंकाळी उशीरा काही मिपाकर आकाशातल्या चंद्राची जागा बदलल्याचे बोलत होते. त्यावेळी इतर लोक त्यांनी प्राशन केलेल्या द्रवांचा परिणाम आहे असे सांगून त्यांची दिशाभूल करत होते].

ईश आपटे यांची गुडघेदुखीची थिअरी खरी असेल तर आता पुढील वाक्ये ऐकल्यावर काय समजायचे? १) एखादे काका सदस्य विकांता ऐवजी सोमवारच्या कट्याबद्दल म्हणता की कृपया सोमवारी कोणत्याच कट्ट्याला मी येउ शकणार नाही हां, गुडघे दुखतात. २) सुटीवरुन पुन्हा कचेरीत आलेल्या एखाद्याची खुशाली विचारता "हो हो सहल मस्त झाली फक्त जरा गुडघे जास्त दुखत आहेत इतकेच." ३) फोनवर एखादी सासु नातेवाईकांशी आमंत्रण नाकारताना म्हणते की 'हो हो कालच मुलगा-सुनबाई सहलीवरुन आले. तसे आम्ही मोकळे आहोत पण दोन आठवडे तरी आम्ही तुमच्याकडे येत नाही. अहो आम्हा चौघांचेही गुडघे फार म्हणजे फार दुखत आहेत. असो चिंटु तुम्ही मराठी संस्थळे वाचत रहा, चर्चांमधे भाग घ्या मग बघा गुडघेदुखी आहे हे पार विसरुन जाल. हा पण मग डोकेदुखी वाढली म्हणुन धागा काढू नका म्हणजे झाले!

एखाद्या र्‍हुमेटोलॉजिस्ट + आणखी एखाद्या मानसोपचार तज्ज्ञाचा सल्ला घ्या. बर्‍याचदा बरीचश्या दुखण्यांची कारणे मनोकायिक प्रकारात मोडतात. असो. तुमच्या प्रकृतीला लवकरात लवकर उतार पडो ही देवाचरणी प्रार्थना !

तुमच्या गुडघ्याच्या एक्सरेचा डिटेल्स नीट दिसतील असा एक फोटो काढून इथे चिकटवा, त्यानंतर कदाचित काही सूचवता येऊ शकेल.

तुम्ही तुमच्या रक्तातील यूरीक अ‍ॅसीडचे प्रमाण चेक करून घ्या. युरीक अ‍ॅसीडचे प्रमाण वाढल्यामुळे सांधे वाकवताना प्रचम्ड दुखतात. बहुतेकवेळा हे छोटे सांधे असतात उदा बोटांची पेरे. मात्र गुडघ्यातील सांध्याना देखील अशा वेदना होउ शकतात यावर होमीऑपॅथी मध्ये उपाय आहे.

संधि सुधा वापरुन बघा.... सहन शक्ति वाढवा.... आमचे पण दुखतात.. दाक्तर म्हणतात बदलुन टाका.. पण भिति वाटते..

या धाग्यात फक्त कोलगेट आणि वज्रदम्ती वापरून बघा एवढेच लिहायचे र्‍हायलय

अलिकडील काळात अनेक जणांच्या गुडघेदुखीच्या ( knee pain ) वाढत्या समस्या ऐकुन , मिपा संकेत संस्थळ वर याबद्दल काही अनुभव कथन आहे का हे बघताना हा धागा दिसला . माहितीपुर्ण अनुभव कथन आहे . याच संबधी अन्य एका धाग्यावर लिहिलेला प्रतिसाद इथे पेस्ट करत आहे . माझ्या माहितीप्रमाणे पेन मॅनेजमेंट तज्ञ जास्त करुन त्यांच्या संधिदाहांत knee pain , joint pain , hip pain संबंधी pain management clinical procedures मध्ये inflammation / पाणी / सुज शरीराबाहेर काढण्यासाठी अ‍ॅस्पिरेट पद्धत व स्टिरॉइड्सचे इंजेक्शन चा वापर करतात . बरेचदा शरीरातील अनेक विशिष्ट सांध्यांमध्ये खुप वापर झाला / झीज झाली तर तेथील बाह्य भागावर सुज येते . हि सुज साध्यांच्या आतील भागांमधे दुषित पाणी / synovial fluid / joint inflammation / joint effusion या स्वरूपात जमा होते . अल्ट्रा सोनोग्राफी , एम आर आय या माध्यमांमधुन याचा तपास करता येतो . अल्ट्रा सोनोग्राफी , एम आर आय यांच्या रीपोर्ट मधे याचा उल्लेख effusion / joint effusion किंवा fluid असा होतो. हि सुज शोधणे व ती extract करणे / शरीराबाहेर काढण्यामधे orthopedic तज्ञांपेक्षा pain management तज्ञांचा जास्त उपयोग होतो . हि सुज extract करणे / शरीराबाहेर काढ्ण्याच्या कृतीला joint aspirate procedure असे म्हणतात . त्यानंतर joint inflammation कमी व्हावे म्हणुन मेडिकल मान्यताप्राप्त स्टिरॉइड्सचे इंजेक्शन चा वापर केला जातो . गुडघेदुखी व अन्य सांधेदुखी कमी होण्यासाठी या pain management clinical procedures चा उपयोग होतो . अनेक मोठ्या hospitals मधे pain management तज्ञांचा वेगळा विभाग असतो तसेच त्यांची क्लिनिक्सही असतात . या विभागातर्फे गुडघेदुखी व अन्य सांधेदुखी या संबधी operations postpone करणे वा टाळण्यासाठी अनेक पर्याय उपलब्ध असतात जसे की - स्टेम सेल थेरपी , प्लासमा सेल थेरपी , पी आर पी इंजेक्शन्स . हे उपचार minimal surgical/ non surgical invasive technology / therapy या नावाने ओळखले जातात ,