राष्ट्रीय स्वयंसेवक संघ - बुद्धीभेद करणारी एक भयानक संस्था?

ह्म्म. सुट्टीवर आहात काय ?

मला वाटत आपण हा धागा जरूर वाचवा कल्याणकर सरांचे पुष्कळ लेखन वाचण्या सारखे आहे http://www.misalpav.com/node/17187

मिपाकरांचे मत जाणून घेण्या आधी या संघटनेबद्दल तुमचे मत काय आहे हे स्पष्ट सांगावे. अभिज्ञ.

आम्हाला काय वाटतं ते जाउद्या, प.पु.राहुल बाबा याबद्दल काय म्हणतात ते जास्त महत्वाचं आहे

आज राष्ट्रीय नेते माननीय दिग्विजय सिंग यांच्यासारखी समतोल व्यक्ती अशी महान व्यक्ती जर संघाला एक भयानक संस्था म्हणत असेल तर ते निर्विवाद सत्य असलं पाहिजे.

आताशा मिपावर ब-याच भिती बद्दलचे धागे यायला लागलेत, एखादा मानसोपचार तज्ञ आहे काय मिपावर जो समुपदेशन करु शकेल सगळ्यांना, आंतरजालीय समुपदेशन वैग्रे. आम्हाला तर प्रसारमाध्यामातुन मुन्नी आणि शिला नंतर जलेबीबाई ऐकु येते, मध्ये मध्ये दिल्ली बेलीचे ट्यं ट्यं असे बुच मारलेले संवाद ऐकु येतात. मग कार्स २ चे मस्त मस्त आवाज, अजुन लिटिल चॅम्प्स च्या पोरांनी म्हणलेली गाणी, मी मराठी वरचा नियाज का रियाज शेख, आमचा गाववाला, लई भारी गाणी म्हणतो, एकदा त्यानं त्या फुलांच्या गंधकोषी लई भारी म्हणलं होतं, खास कव्वाली स्टाईलनं. असलं काहीतरी बघत ऐकत जा की, कशाला उगा नको त्या लोकांच्या बडबडीकडे लक्ष देता आहात ?

माननीय दिग्विजय सिंग यांच्यासारखी समतोल व्यक्ती.... :) :) :) :) :) :) बरं ते जाऊ दे.. कोणते काम ही संस्था करते? काही काम खरच करते का? अजिबात झगमगाट न करता, आवाज न करता आरेसेसचे लोक आदिवासी शिक्षण / अतिरेक्यांच्या हल्ल्यात मारल्या गेलेल्यांच्या मुलांचे शिक्षण आणि अशा अनेक कामांना झोकून देऊन करत असतात. हिंदुत्त्वाबाबत त्यांची मते अतिरेकी असली तरी या समाजकार्याकडे दुर्लक्ष करुन चालणार नाही. वीस वर्षापूर्वी दिलेल्या देणगीतून शिक्षण केल्या गेलेल्या मुलांचे अहवाल आणि प्रगतिपुस्तके दरवर्षी आम्हास येतात. आरेसेसच्या हिंदुत्ववादाशी माझे कितीही मतभेद असले तरी अशा कामांसाठी दिलेल्या पैशातली चवन्नीही हडप होणार नाही याची खात्री असलेल्या दुर्मिळ चोख प्रामाणिक संस्थांपैकी ती आहे. माहिती नाही म्हणून दिली.

श्री. आंसमा शख्स हे सध्या मिपावार रोज धाग्यांचा रतिब घालत आहेत. त्या धाग्याच्या अनुषंगाने प्रश्न विचारले अथवा लेखना संदर्भात शंका उपस्थित केली की मात्र ते सरळ पळ काढतात अथवा उडवीउडवीची उत्तरे देतात. संपादक मंडळ अशा तकलादू , बिनबुडाच्या व केवळ केवळ आणि विद्वेष पसरवणार्‍या लेखनाची दखल घेऊन संबंधितांना योग्य ती समज देईल काय ? अन्यथा दुर्लक्षित पॅंथरला या प्रकरणात जातीने लक्ष घालावे लागेल ;)

मतं पट्त नाहीत पण सिद्ध करण्याची वांझोटी मेहेनत का करायची. आणि तुम्ही उल्लेख केलेल्या "अनेक मान्यवर" मंडळींनी देखील त्यांचे विधान सिद्ध केले आहे का????? आणि तुम्ही म्हणल्या प्रमाणे त्या आरोपात जर तथ्य असेल तर तुम्ही सिद्ध करा

राष्ट्रीय नेते माननीय दिग्विजय सिंग यांच्यासारखी समतोल व्यक्ती सुद्धा राष्ट्रीय स्वयंसेवक संघ ही बुद्धीभेद करणारी एक भयानक संस्था आहे असे म्हणतात

या धाग्याचा जीव वरील वाक्यातच संपला....त्यामुळे पुढील लिखाण वाचू शकलो नाही ! क्षमस्व

मी लहान होतो तेव्हा पासून आर एस एस च्या शाखेत जायचो. एक तासाच्या ह्या शाखेत व्यायाम, सुर्यनमस्कार, सांघिक खेळ व्हायचे. नंतर एक शिवाजीची किंवा पृथ्वीराज चौहान, झाशीची राणी इत्यादींच्या कथा व्हायच्या. कधी कधी संस्कारांबद्दलच्या छोट्या छोट्या गोष्टी सांगायचे. (शिव खेरा च्या यु कॅन विन हे पुस्तक आत्ता आले आहे त्यातल्या गोष्टी आम्ही खुप पुर्वी शाखेत ऎकल्या होत्या). शेवटी नसस्ते सदा वत्सले अशी प्रार्थना व्हायची. कधीही कोणा बद्दल वाईट शिकवले नाही. राष्ट्रसेवा करण्या साठी नेहमीच प्रोत्साहन दिले. माझ्या मनात राष्ट्राबद्दल जे चांगले विचार येतात ते शाखेतील शिकवणी मुळे. काम काय करते असे विचाराल तर राष्ट्रप्रेम वाढवते मुलांमध्ये. बाकी गगनविहारीनी लिहीले त्याला सहमती.

तुम्ही धागा सुरु करण्यापूर्वी मत बनवला आहे का?? पुर्व ग्रह दुषित नजरेने बघु नका !!

आज राष्ट्रीय नेते माननीय दिग्विजय सिंग यांच्यासारखी समतोल व्यक्ती सुद्धा राष्ट्रीय स्वयंसेवक संघ ही बुद्धीभेद करणारी एक भयानक संस्था आहे असे म्हणतात हा शख्स गंभीरपणे लेख लिहितो आहे की खेचतो आहे इथल्या सगळ्यांची. साला एवढा वेळ मला हा लेख गंभीरपणे लिहिला आहे असे वाटत होते. पण हे वाक्य परत वाचल्यावर हास्याची चिळकांडी उडली ना राव. साला हे म्हणजे सीताराम केसरी आणि लालूप्रसाद यादवला प्रामाणिक आहेत किंवा ओसामा बिन लादेन आणि दाउद पापभीरु आहेत किंवा अझहर आणि जडेजा सच्चे क्रिकेटखेळाडु आहेत किंवा माधुरी गुप्ता आणि हुरियतचा गिलानी देशप्रेमी आहेत असे म्हटल्यासारखे वाटते आहे. चंमतग आहे सगळी.

गंमतीदार लेख. रास्वसं वर टीका किंवा आक्षेप घेतल्याचा भास होईल अशा रीतीने लेख लिहिला आहे. परंतु तो एका संघीयानेच विशिष्ट प्रकारच्या प्रतिक्रिया याव्यात अशा उद्देशानेच लिहिला आहे. लेखात वापरलेली दिग्विजयसिंग आणि राहुल गांधी यांची वर्णने पाहता लोकांनी संघाच्या बाजूने तुटून पडावे असा उद्देश स्पष्ट दिसतो. लेखात विचारलेले प्रश्न अगदी नेव्ह (Naive) सारखे विचारले आहेत. परंतु त्यांची काय उत्तरे अपेक्षित आहेत हे प्रश्नातूनच स्पष्ट होते. प्रस्तुत लेखकाने नुकतेच काढलेले ख्रिश्चन धर्मांतराविषयी काढलेले धागे पाहता ते संघीय असल्याबाबत कसलाच संशय उरत नाही.

कोणी चांगले काम या देशासाठी करु लागले की जे भ्रष्टाचारी, दुराचारी आहेत त्यांना त्याची भीति वाटू लागते आणि मग ते त्यांना संपवण्यासाठी त्यांच्याविषयी अफवा पसरवतात, लोकांना त्यांची भीति घालतात. काँग्रेसने अनेक वर्षांत हेच चालवले आहे. आरएसएसची सगळी मते पटण्यासारखी नसल्याने मीही लहानपणीच शाखेतून बाहेर पडलो. पण त्यांच्या सच्चा देशप्रेमाबद्दल मला कधीही शंका येणार नाही. आणि अशा संघटनेला देशद्रोही ठरवून त्यांना संपवायला निघालेलेच एक दिवस या देशातून संपलेले असतील.

या धाग्यावर मधून मधून कमर्शियल ब्रेक आहे. मी सध्या येथे मक्याची भाजलेली कणसे विकण्याचे काम करत आहे. तस्मात् प्रतिसाद द्यायला वेळ नाही. आता आमची जाहिरात ऐका. उखाळ्या पाखाळ्या काढणारी माणसं भिडणारी, चिडणारी, रडणारी माणसं जेव्हा श्रमतात आणि दमतात तेव्हा आवडीने खातात 'पांडू'ची कणसं कणीस म्हणा वा भुट्टा! करा क्षणात चट्टामट्टा... सुप्रसिद्ध 'पांडू' कणीस. खाल तर आवडाल शंभरजणींस.. :) ........................................................... (अवांतर : लहान मुलांचे एक गाणे आठवले.) दिग्गू जोकर, राणीचा नोकर राणी मारते छमछम छड्या दिग्गू मारतो टुणटुण उड्या

राष्ट्रीय स्वयंसेवक संघ म्हणजेच आर एस एस ही एक राष्ट्रविघातक संस्था आहे का? तसे अजिबात वाटत नाही. उलट ही संस्था बरीच सार्वजनीक कामे करते. उदा: पुरग्रस्ताना मदत वगैरे. या संस्थेचे लागेबांधे विशेशी भाडोत्री अतीरेकी संस्थांशी आहेत असे देखील नाही. आर एस एस जे अराजकीय्काम करते ते खरेच मोलाचे आहे. २. ही एक अतिरेकी संस्था आहे? त्या संस्थेतील काही लोकांचे विचार प्रखर आहेत. पण प्रखर विचार म्हणजे अतिरेकी नव्हेत. सिमी वगैरे सारखे या संस्थेतील लोकांचे पाकिस्तानशी लागेबांधे नाहीत. तसेच ही संस्था आय एस आय च्या पैशांवर पोसली जात नाही. शिवाय ही संस्था शिक्षण संस्था या नावाखाली मदरशात जहाल वादाचे शिक्षण देत नाही ३. इतक्या भयंकर संस्थेवर बंदी का घातली जात नाही? ही संस्था भयंकर आहे असे काही तुम्हाला सापडले आहे का? ही संस्था कार्यकर्त्याना धर्मांध माथेफिरु बनवण्याचे शिक्षण देत नाही. काही तत्वे धोरणे चुकीची असतील पण त्यामुळे आर एस एस भयंकर आहे हे पटत नाही ४. कोणते काम ही संस्था करते? काही काम खरच करते का? पूरग्रस्ताना मदत वैगेरे बाबत अनुभव आहे. या सम्स्थेला दिलेली मदत ही लाभार्त्यांपर्यन्त पोहोचते हे खात्रीलायक सत्य आहे ५. तुम्हाला या संस्थे विषयी काय वाटते? फार प्रेम नाही कारण संस्था चांगली आहे. विचारधारा देखील चांगली आहे. पण काही तत्वे पटत नाहीत, अर्थात त्यावरून या संस्थेला अतिरेकी म्हणणे चूक आहे. धर्माचा आग्रह धरणे हे चूक नाही पण धर्माचा आग्रह धरत कोणतीच बांधीलकी न मानणे हे चूक आहे. जी संस्था कट्टर देशप्रेमी माणसे घडवते त्यांच्या देशनिष्ठेबद्दल कोणीही आक्षेप घेवू शकणार नाही. मात्र जे लोक मातृभूमीचे वम्दन गान गाऊ शकत नाहीत त्याबात काय बोलावे.?

प्र.का.टा.आ.

सदर धागा कर्ता खोड्साळ आहे ...असे दिसुन येते ...धागा लिहिताना दुसर्यान्ची मते लिहिलि आहेत ..म्हणजे नन्तर "तो मि नव्हेच" असे सान्गायचे.. आणि "राष्ट्रीय नेते माननीय दिग्विजय सिंग यांच्यासारखी समतोल व्यक्ती" य वरुन त्यन्ची बौद्धिक कुवत ध्यानी येते .... १. राष्ट्रीय स्वयंसेवक संघ म्हणजेच आर एस एस ही एक राष्ट्रविघातक संस्था आहे नाही उत्तर नाही २. ही एक अतिरेकी संस्था आहे? उत्तर नाही ३. इतक्या भयंकर संस्थेवर बंदी का घातली जात नाही? उत्तर ती भयन्कर नाही .. म्हणुन बन्दी नाही..आणि तुम्ही चर्चा होण्या अगोदर भयंकर का ठरवली?? दिग्विजय सिंग च्या सान्गण्यावरुन ?? ४. कोणते काम ही संस्था करते? काही काम खरच करते का? उत्तर हो ..त्या विषयी वरती लिहिले आहेच ५. तुम्हाला या संस्थे विषयी काय वाटते? उत्तर आदर . तरी त्यानी काही उत्तर द्यावी अशी अपेक्ष करतो.. १. हा धागा लिहिण्या पूर्वी आपण काय ग्रुह्पाठ केलात?? २. गुगल वर सन्घा विशयी शोधलेत का? ३. सन्घाच्या एखाद्या स्वन्य सेवकाला भेटुन काय चलते ते विचारलेत का? ४. टोकाची मते मान्डणार्या तुमच्या मित्रा ल तुम्ही स्पष्टीकरण विचारलेत का ?? बाबा ..तुझी अशी मते का आहेत ?? करण काय ? ५. तुमचे स्वताचे मत काय आहे ?? धागा कर्ता असल्याने य प्रश्नान्ची उत्तरे द्यवी ..ही विनन्ती .. ( मि.पा. वर नवीन आहे अशुद्ध लेखना बद्दल माफी असावी)

लोकांच्या मेंदुला बोटांना चालना देणारा अजुन एक धागा. :) बाकी थत्तेचाचांशी बाडीस.

धागा काढणारे गायब झालेले दिसत आहेत

दोन दिवसापूर्वी ख्रिश्चन संथेच्या नावाने हे महोदय ओरडत होते.. आता आर एस एस वर आले... :)

तेव्हा नुकतेच वर्ग ३ री पास होऊन ४ थ्या वर्गात गेलो होतो उन्हाळ्याचे सुट्टिचे दिवस हक्काचे खेळण्या- बागडण्याचे अशातच आमच्या ग्रुप मधिल एकाला त्याच्या वर्ग मित्रा करवी शाखेत येण्याचे निमंत्रण आले सर्वांनी (ग्रुप) प्रवेश घेण्याचे ठरवीले, सुरुवातीला त्या मित्रा कडून शाखेत 'खेळ' शिकवतात एवढीच माहिती मिळाली होती अन ती पुरेशी होती आम्हिहि उत्साहाने आप आपल्या घरी परवानगी मागायला गेलो, अन तिथेच हिरमोड झाला आमचे परम पुज्य पिताश्री जाम कावले, कारण तेव्हा संघानेच कट रचून गांधी हत्या केली असा आरोप होता अन त्यामुळे त्यावर बंदि सुध्दा आली होती तिथे जाउन तू सुध्दा तेच करणार आहेस काय? (नथुराम गोडसे हा सुध्दा स्वयंसेवक होता,तिथल्या सभासदांना स्वयंसेवक म्हटले जाते,) त्यांच्या या प्रश्नाचे उत्तर तेव्हा माझ्याकडे न्हवते आणी असते तरी मला ते देता आले नसते, बाबांचा धाकच तसा होता, मि हिरमुसलो त्यांच्या समोर रडूहि शकत न्हवतो, मि आई जवळ जाऊन रडू लागलो, आमचे मित्र दुसर्‍याच दिवसा पासून नियमीत जाऊ लागले, मलाहि जायची खुप ईच्छा होती मित्रांनी माझी अडचण शाखेतील शिक्षकांना सांगितली श्री.महेंद्र फाळके हे त्यावेळी त्या शाखेवर प्रमुख म्हणून होते,ते आमच्या घरी आले अन माझ्या बाबांबरोबर बोलले, त्यानी त्यांची संघाची भुमिका वडीलांसमोर मांडली,पण वडिल कन्विन्स झाले नाहित, शेवटी आईने मध्यस्थी केली अन माझा मुलगा फक्त खेळ , व्यायाम या गोष्टि करेल या उपर संघाचे कोणतेहि संघकार्य करणार नाहि या अटिवर मला परवानगी देण्यात आली, झाले मग दुसर्‍या दिवसा पासून आम्हि दररोज शाखेत जाऊ लागलो, आमची दुपारची शाळा सायं.५:०० ला सुटायची मग सायं.०६:०० वाजता शाखेत जायचो, सायं.०६:०० ते ० ७:०० हि अधिकृत वेळ असली तरी वर प्रतिसादात सांगीतल्या प्रमाणे या एक तासाच्या शाखेत व्यायाम, सुर्यनमस्कार, सांघिक खेळ व्हायचे. नंतर एक शिवाजीची किंवा पृथ्वीराज चौहान, झाशीची राणी इत्यादींच्या कथा व्हायच्या कधी कधी कविता,गाणी,भेंड्या हे सगळे ०९:०० ते १०:०० वाजे पर्यन्त चालू असायचे,शाखा बंद होउच नये असे वाटायचे. हळू हळू शाखेत रुळत गेलो. शाखा ज्या मैदानावर भरायची ते रस्त्या लगत असल्यामुळे येणारे जाणारे कौतुक अन कुतुहलाने आमच्याकडे पाहत असत हे संघात असलेल्या शिस्तीमुळे, जसे लोक कौतुक करायचे तसे काहि चिडवायचे देखील संघ दक्ष अन पोरिंवर लक्ष यामुळे खुप राग यायचा यामुळे आम्हि काहि लोकांशी मारा मार्‍याहि केल्या आहेत, सुरुवातीला आम्हि घरच्या कपड्यांवरच जायचो मग आम्हाला गणवेश खाकी चड्डि = रु .२५/-, शाळेचा पाढरा शर्ट होताच, चामड्याचा कमर पट्टा रु=१५/- आणी काळी टोपी रु.०५/- , दंड रु.०८/- ( दंड = जी बांबूची भरीव काठि असते तीला म्हणतात) हे सर्व आम्हि आमच्या खाउसाठीच्या पैशातून घेतले होते पैकी हा दंड आजही माझ्या कडे आहे, इकडे अधुन मधुन बाबांचा विरोध चालूच असायचा, त्यामुळे साहित्य मित्राच्या घरि ठेवून,घरी खेळायला जातो असे सांगून मी पसार व्हायचा, यात आईची साथ होतीच. ते दिवसच वेगळे होते,जात म्हणजे काय हे ही कळत न्हवते तेव्हा, संघात जात-पात पाळली जात नाहि हे इथे प्रामाणीकपणे कबूल करावे लागेल, आमच्यात जसे ब्राह्मण होते तसे दलित बांधवहि होते एकुणच अठरापगड जाती आणी त्यातहि आमच्याच ग्रुप मधले गुजराथी अन भय्येहि होते म्हणजे मराठी-अमराठी असा प्रांतवाद/भाषावाद न्हवता. शाखेतली येऊरच्या जंगलातली बरीचशी शिबिरे आजहि आठवतात, तिथे आम्हि टेन्ट बांधून राहत असू, शिबिरातहि जे शाखेत होते तेच शिकवले जात असे, सकाळी ०५ वाजता उठावे लागत असे त्यात मानवीमनोरे , दंड चालवणे, संचालन अशा गोष्टी होत्या, शिबिरात एक दिवस अचानक २०-२५ च्या जमावाने हल्ला केला, कुठे कुठे आग लावली आम्हि सगळेच अचानक झालेल्या या हल्ल्याने बिथरलो होतो,काहि जण घाबरुन रडू लागले तेव्हा आम्हि ७ वित होतो, ४-५ हजार लोक असतील त्या शिबिरात आमचे शिक्षक लोक दंड घेऊन त्यांचाशी दोन हात करत होते, मी आणी माझा एक मित्र कुठून पळता येतेय का, हे पाहू लागलो पण थोड्याच वेळात अनाउन्स करण्यात आले की हे सर्व प्रिप्लान आहे, हा सरावासाठीचा एक भाग आहे,म्हणजे हे प्रात्यक्षिक होते, अचानक जर हल्ला झाला तर त्यास कसे सामोरे जायचे यासाठि होते ते... (हि ०६ डिसेंबर अगोदरची ट्रायल होती का ? असेहि वाटते) असे कळल्यावर जे जे घाबरले होते रडले होते त्यांना मग जाम पिडले आम्ही हहपुवा झाली त्यादिवशी.. महेंद्रशिक्षक आणी त्यांचे मोठे भाऊ रविंद्रशिक्षक याना आम्हि अनुक्रमे छोटेशिक्षक,मोठेशिक्षक असे म्हणत असू, महेंद्रशिक्षक सर्वांचा लाड करायचे आस्थेने अभ्यासा विषयी चौकशी करायचे,तर रविंद्रशिक्षक हे फार कडक होते ते फारसे बोलत नसत, काहि दिवसांनी महेंद्र शिक्षकांनी मला आमच्या गटाचे गट प्रमुखहि केले होते असे आम्हि शाखेत घडत होतो.. असेच एक दिवस महेंद्र शिक्षकांनी आपल्या स्वयंसेवकांना अयोध्येला मंदिर बांधायचे आहे असे सांगीतले पण हे मंदिर मस्जिद पाडून बांधण्यात येणार आहे हे सांगायचे टाळले, आम्हि सुध्दा जाण्याचा मानस व्यक्त केला पण तिथे फक्त निवडक स्वयंसेवकांना जायची अनुमती मिळालीए असे सांगीतले.नक्कि काय चाललेय इतका विचार करण्याचे ते वय न्हवते, फक्त आपल्या रामाचे मंदिर बांधायचे एवढेच काय ते समजत होते, आम्हाला फक्त त्यांची मदत म्हणून त्यांच्यासाठी शिधा उपलब्ध करुन द्यावा त्यात कोरडा शिधा तांदुळ वगैरे आणी भाकरी-चटणी जमल्यास पैसेहि द्यावे असे आदेश देण्यात आले होते, पैकी मि स्वतः १ कि.तांदूळ आणी रु.२० त्यावेळी दिले आहेत, अर्थात हे घरी माहित न्हवते, आणी तो दिवस म्हणजे ०६ डिसेंबर १९९२ उजाडला तो मस्जिदचा ढाचा पाडूनच, त्यानंतर उसळलेल्या दंगलीत किती निरपराध जीव गेले किती नुकसान झाले हे आता पुन्हा उजळणी करायला नको, ग्रुप मधला कुणिच यावर बोलायला तयार न्हवता आम्हाला अप्रत्यक्षरित्या नजर कैदेत घरिच बसावे लागत होते, मला तर बाबांसमोर जायची त्यांच्याशी नजर मिळवायलाहि लाज वाटू लागली होती पण ते यावर जास्त काहि बोलले नाहि फक्त मोठ्यांचं ऐकावं इतकच म्हणाले, त्यानंतर मैदानावर मुलांची संख्याहि रोडावली तसे महेंद्रशिक्षकहि यायचे बंद झाले, त्या दिवसा पासून आमची शाखा जी बंद झाली ती आजतागायत बंदच, या प्रकरणाची चौकशी केलेल्या लिबरहान आयोगाने स्पष्ट म्हणले आहे की यात आरएसएसचा 'हात' होता, म्हणायचे काय आम्हि स्वतः त्या पापात प्रत्यक्ष वा अप्रत्यक्षरित्या सहभागी झालो होतो. हा मनातला 'सल' अन संघाविषयी निर्माण झालेली मनातली कटूता कधिच पुसली जाणार नाहि कधिच नाहि, आजहि महेंद्रशिक्षक रस्त्यात भेटले तर त्यांना मी शिक्षक म्हणूनच हाक मारतो, आता ते हि शाखा सोडून संसाराला लागले आहेत, शाखेत एक धिरज नावाचे शिक्षक हि कविता फार छान म्हणायचे, जी मलाही फार आवडते मातृभुमी गान से गूंजता रहे गगन, स्नेहनील से सदा फुलते रहे चमन !! अवांतरः

@तिथे शिकवताना खचितच मुस्लिमांचा उल्लेख जनरलाईझ्ड वाईट तर्‍हेने केला जायचा @फक्त त्यांची एक अतिशय प्रामाणिक सचोटीची शिस्तबद्ध बाजूही आहे हे सांगायचे होते.

या ओळींशी सहमत आहे अती अवांतरः वरिल प्रतिसादात व्यक्त केलेले मुद्दे / काहि माहिती कुणाला ओळखीची असल्यास कृपया व्यनी द्वारे संपर्क साधावा एखादा जुना मित्र भेटू शकतो, असो प्रतिसाद बराच मोठा झाला आहे नेहमी प्रमाणेच पण हे सगळे बारिक तपशील आणी मुद्दे द्यावे लागले यासाठी की नाहितर इथे आमचे चाहते हित-चिंतक आहेतच आम्हाला द्वेष्टे समजून थयथयाट करायला. जाता जाता : मिपा वरिल नेहमी तेलात डोळे घालून असणार्‍या सन्माननीय 'पहारेकर्‍यांना' नम्र विनंती माझा हा प्रतिसाद स्कॅनर खाली घालून एकदा पहावा म्हणजे मी कुठून काय उचलले आहे ते शोधून निदान काहि वेळ तरी हसता येईल. हि प्रार्थना शेवटि व्हायची, नमस्ते सदा वत्सले मातृभूमे त्वया हिन्दुभूमे सुखं वर्धितोहम् महामङ्गले पुण्यभूमे त्वदर्थे पतत्वेष कायो नमस्ते नमस्ते.... ।। भारत माता की जय ।।

टाईमपासकरता आर एस एस कशाला पाजे राखी मल्लिका असे अनेक टोपिक हायती की

अजातशत्रू यांचे वय ठाऊक नाही परंतु त्यांचा मोठ्ठा प्रतिसाद टाईम-वार्प (Time Warp) मध्ये घडला असल्याने तो मनावर घेऊ नये.

+१

+ १ कशासाठी ? कदाचित धागा कर्त्याला ए टी के टी बसू नये ह्या साठी ग्रेस देवून पुढे ढकलायचा प्रयत्न म्हणावा ?

अजातशत्रु ४८ साली गांधीहत्या झाली तेव्हापासून अयोध्या ९२ पर्यंत तूमी बाल होता आणि बापाची परवानगी घेत व्हता का ओ -- थत्तेकाका, हे आहेत आपटे काका

माझ्या मते राष्ट्रीय स्वयंसेवक संघ ही एक प्रखर देशभक्त व भ्रष्टाकारमुक्त संघटना आहे. कांहींशी जुनाट (आणि खूपशी बोजड) भाषा वापरल्यामुळे संघाला सवंग लोकप्रियता कधीच लाभली नाहीं. जिथे-जिथे नैसर्गिक आपत्ती कोसळल्या तिथे-तिथे धोतराचा दुहेरी काच्या (ज्याला कानडीत 'गंडगच्ची=पुरुषी काच्या' म्हणतात) मारून ही मंडळी समाजसेवेला लागतात. मोरवी धरण फुटल्यावर, आंध्रप्रदेशात वादळी पुराने हाहाकार माजविल्यावर सरकारी यंत्रणा तिथे पोचायच्या आधी या संघटनेचे कार्यकर्ते तिथे पोचले होते. १९६५च्या युद्धात सैन्यामागे रसद पुरवायला व इतर non-combat operations मध्ये मदत करायलाही स्वयंसेवकांचे पथक दिवस-रात्र कार्यरत होते हे मी वाचलेले आहे. श्री रणजित चितळे याबद्दल जास्त तपशीलवार व नेमकी माहिती देऊ शकतील. कुठल्याही सत्तास्थानाबद्दल लोभ न धरता ही संघटना कार्य करते. माझ्या मते अशा खोडसाळ (वैयक्तिक मत) धाग्यांना "अनुल्लेखाने मारणे" हेच उत्तम! (हा माझा प्रतिसाद पहिला व शेवटचा)

उदा. आज राष्ट्रीय नेते माननीय दिग्विजय सिंग यांच्यासारखी समतोल व्यक्ती राष्ट्रीय नेते???????? स्वतःच्या राज्यात कॉंग्रेसचे सरकार आणु शकत नाहीत आणि हे म्हणे राष्ट्रीय नेते. ह्यांची वक्तव्ये वाचून असे दिसते की ह्यांच्या मेंदुचा तोल ढळलेला आहे तरही ह्याना समतोल व्यक्ती म्हणणे म्हणजे मोठा विनोद आहे. युवा नेते राहुल गांधी ह्यांनी बिहारमधे (म्हणे) मोठी आघाडी घेतली होती प्रचारात. महाराष्ट्रातील अनेक नेत्यांवर तोफ डागली होती त्या प्रचारा दरम्यान. सेकंडक्लासने मुंबई पर्यन्त प्रवास करायची नाटके केली. पण बिहारी जनतेने फक्त चार आमदार निवडुन देउन त्यांना जागा दाखविली.