Skip to main content

पालक बेसन पोळा (धिरडं)

लेखक जागु
Published on गुरुवार, 23/06/2011
साहित्य : १ जुडी पालक (थोडे पाणी घालुन वाफवुन पेस्ट करुन घ्या) गरजेपुरते बेसन १ चिरलेला कांदा थोडी चिरलेली कोथिंबिर २-३ चिरलेल्या मिरच्या हिंग हळ्द मिठ थोडा गोडा किंवा गरम मसाला (ऑप्शनल) तेल पाककृती : वरील साहित्यातील तेल सोडून सर्व जिन्नस एकत्र करुन घ्या. चांगले ढवळा. आता तव्यावर थोडे तेल पसरवुन ह्याचे पोळे, धिरडे काय म्हणाल ते तुमच्या आवडीच्या साईझ मध्ये टाका. एकदम पण मोठा नको नाहीतर उलटताना त्रास होईल. गॅस मिडीयम ठेवा ४-५ मिनीटांनी उलथा. थोडेसे तेल परत सोडा (जर तव्याला असेल तर नाही टाकलेत तरी चालेल)परत ५-६ मिनीटे ठेउन दाबुन शिजला आहे का ते पहा. जर दाबल्यावर त्यातुन ओला रस येत असेल तर गॅस मंद करुन थोडावेळ दोन्ही बाजुने शिजु द्या. आहे की नाही एकदम सोप्पी रेसिपी. आता हा पोळा नुसता खा नाहीतर जेवणावर साईड डिश म्हणुन वापरा. अधिक टिपा : पौष्टीकतेसाठी तसेच लहान मुले पालकची भाजी नुसती खात नाहीत म्हणून पालक टाकला आहे. ह्या अजुन किसलेला गाजर, बिट, कोबी तसेच आवडीच्या भाज्याही टाकु शकतो.
वाचन संख्या 7025
प्रतिक्रिया 15

प्रतिक्रिया

चित्रा गुरुवार, 23/06/2011
छान पाककृती.

रेवती गुरुवार, 23/06/2011
पाकृ छान आहे बदल म्हणून! आजच मी तांदूळ पिठी आणि बेसन मिश्र पिठांची धिरडी केली होती. त्यात कांदा, आलं, लसूण, कोथिंबीर, हळद, मिरची घातली होती.

जागु शुक्रवार, 24/06/2011
मिसळपाव नाही नाही मासे नाही संपले. पण व्हेजींसाठी पण काहीतरी हवे ना म्हणून हे. विशाखा, चित्रा, रवती, शिल्पा,सागर, सानिका धन्यवाद.

प्राजक्ता पवार शनीवार, 25/06/2011
मस्तं !

आत्मशून्य सोमवार, 27/06/2011
आता हा पोळा नुसता खा नाहीतर जेवणावर साईड डिश म्हणुन वापरा.
साइड डीश ? सकाळ दूपार संध्याकाळ अख्खा दीवस जाइल यावर :)

प्राजु मंगळवार, 28/06/2011
मी पालक चिरून २ मिनिटे मायक्रोवेव करते म्हणजे तो थोडासा मऊ होतो. मग पेस्ट न करताच बेसन आणि तांदुळाच्या पीठाच्या मिश्रणात घालते. आता असेही करून बघेन. मस्त पाकृ.