Skip to main content

भास..

लेखक राघव यांनी मंगळवार, 21/06/2011 17:35 या दिवशी प्रकाशित केले.
गंधासवे श्वास पुलकीत होती.. उरी मोगर्‍याचे उसासे.. नव्याने! "आषाढ येईल लवकर तसाही.." निवळत्या धरेला दिलासे नव्याने! नको तेच पुन्हा-पुन्हा का दिसावे? (कशाला जुने दु:ख सलते नव्याने?) जाणिव नाही कशी जाणिवेला.. अवचित पुन्हा भास होती नव्याने! पणतीस नाही तमा काळोखाची.. तमाचीच काया उजळते नव्याने! अरे..कल्पनांचे खुजे विश्व माझे.. शब्दांस स्वरसाज चढती नव्याने राघव
काव्यरस
अद्भुतरस
शांतरस
लेखनविषय:
वाचने 4009
प्रतिक्रिया 15

प्रतिक्रिया

अत्रुप्त आत्मा मंगळवार, 21/06/2011 21:47
मार डाला...शेवटची २ कडवी तर अतीशय सुंदर... होती रहे शायरी,पढते रहेंगे हम कभी कभी मिलता है, ऐसा दर्दो गम

अनामिक मंगळवार, 21/06/2011 22:26
पणतीस नाही तमा काळोखाची.. तमाचीच काया उजळते नव्याने! व्वा! सुंदर गझल. राघव - बर्‍याच दिवसांनी टाकलीय कविता/ग़झल. अजून येऊ द्यात.

राजेश घासकडवी मंगळवार, 21/06/2011 22:47
एकच अनुभव नव्याने येण्याचे अनेक पैलू छान हाताळले आहेत. 'तमा' वरचा श्लेष आवडला. अवांतर: कवितेची विडंबनं होणार राव... 'जुन्या दारवेचे नव्या बाटलीतुन पुन्हा पेग भरले जरासे नव्याने' वगैरे...

मिसळलेला काव्यप्रेमी बुधवार, 22/06/2011 14:12
सुंदर गझल!! कोणते वृत्त?

राघव बुधवार, 22/06/2011 18:24
तुम्हा सगळ्यांचे मनःपूर्वक आभार. पण ही गझल नाही.. धाटणी जरी थोडी तशी असली तरीही रूढार्थानं गझल म्हणणे योग्य नाही. :) बाकी वृत्त वगैरे मला खरोखरच कळत नाहीत. त्यामुळे त्याबद्दल जाणकारच सांगू शकतील. राघव

दत्ता काळे गुरुवार, 23/06/2011 18:13
फार सुंदर पणतीस नाही तमा काळोखाची.. तमाचीच काया उजळते नव्याने! व्वा व्वा

चतुरंग गुरुवार, 23/06/2011 18:40
भासे गजल परि आहे कविता ओळींमधून मोद देते नव्याने! -रंगा

पद्मश्री चित्रे शुक्रवार, 24/06/2011 15:58
खूप दिवसांनी इथे आले, तुमची कविता लगेच वाचली.. छान आहे.. तुम्ही म्हणता त्याप्रमाणे ती गझल नाही आणि मला वाटतं कुठले वृत्त पण नाही . पण छान आहे रचना..