आपण का जगतो ?

ट
टारझन यांनी
 ·  लेख
लेख
जरा नेहमीची गंमत जंमत बाजुला ठेऊन रोज रात्री आकाशाकडे पहात एकंच प्रश्न पडतो , " आपण का जगतो ? " प्रश्न तसा पाहिला तर साधा वाटतो आणि थोडा तसा पाहिला तर अगदी गुंतडा होतो आणि समाधानकारक उत्तर काही सापडत नाही. कोणी म्हणतं मी भाग्यवान ,माणुस म्हणुन जन्मलो. आहो पण झुरळंही जगतात नी आपणही जगतो. जिवनशैली वेगळी आहे . आपण थोडं ऐश आरामात जगतो ( डीपेंड्स ). मला कुंथुन कुंथुन विचार करुन ह्या प्रश्नाचं समाधानकारक उत्तर सापडलेलं नाही. मला चांगले आईबाबा आहेत , मित्र मैत्रिणी आहेत , चांगली नोकरी मिळकत काय असेल तर सगळे आहे, स्वस्थ आहे थोडक्यात मी आहे त्या आयुष्यात सुखी आहे पण तरीही प्रश्न उरतोच की "मी का जगतोय ? " लहानपणापासुन आईबापानं वाढवलं म्हणुन जगलो . नंतर लग्न झालं की बायको , पोरं झाली की त्यांच्या मागण्या पुर्ण करायच्या. पण जर मग ह्या गोष्टी नसतील तर जगण्यात काही राम नाही असे म्हणता येईल काय? बर्‍याच कोनांतुन विचार करुन पाहिल्यावरही, वेगळा विचार करुनही "मी का जगतोय ? " ह्या प्रश्नाचे समाधानकारक उत्तर मला सापडले नाही म्हणुन काथ्याकुट . तुम्हाला माहित्ये का तुम्ही का जगताय ? -( समाधानकारक उत्तरांच्या अपेक्षेत ) टारझन
वर्गीकरण
29440 वाचन
💬 प्रतिसाद (107)

प्रतिक्रिया

जाई अस्सल कोल्हापुरी
Tue, 04/26/2011 - 22:34 नवीन
म्हणुन मिपावर नव्हते... :) मलाही हा प्रश्न सतत पडतो. काही उत्तर नाही मिळत.. कदाचित या काथ्याकुटातुन काहि हाताला लागेल.. टारुभाव.... धन्यु...मणातला धागा व्यक्त झाला! का जगतो आपण... सलमानच्या कोणत्यातरी तद्दन फालतु पिक्चरात्ला कायतरी डायलॉग आठ्वला... हर क्यु और कायकु का जवाब नही होता!.... हे का आठवलं काय माहिती आत्ता... असो... धागा मस्त आहे.. मिपाकरानी शिन्शेरली प्रतिक्रिया द्याव्यात... ही मनापासुन विनंती.

स्वानन्द
Tue, 04/26/2011 - 22:34 नवीन
उत्तराचा शोध सुरू आहे. कळले की सांगेन. ( हा धागा कुठल्या धाग्याचे विडंबन तर नाही ना, असा प्रश्न अजून ही मनात येतोय :) )

मुक्तसुनीत
Tue, 04/26/2011 - 22:36 नवीन
डोळे चोळत चोळत "हे मी काय वाचतो आहे ?" "हे मी कुणाचे वाचतो आहे ? " "हे मीच वाचतोय ना ?" अशा स्वरूपाच्या शंकांची खात्री करून घेण्याचा प्रयत्न करत प्रतिसाद देतो आहे. एक उत्तर : चित्रपट "मदर इंडिया" . गाणे : "दुनिया मे हम आये हैं तो जीना ही पडेगा/ जीवन है अगर जहर तो पीनाही पडेगा" :)

टारझन
Tue, 04/26/2011 - 22:48 नवीन
म्हणजे जगायचं म्हणुन जगतोय !
↩ प्रतिसाद: मुक्तसुनीत

llपुण्याचे पेशवेll
Wed, 04/27/2011 - 11:03 नवीन
मला जगायचे आहे म्हणून जगतो आहे. मला मरावेसे वाटेल तेव्हा आत्महत्या करीन व चिठ्ठी लिहून ठेवेन " आयुष्यात मिळवण्यासारखे सगळे मिळवून झाले मग आता जगून उगाच वेळ का वाया घालवा " अवांतरः मला याच जन्मात मोक्ष किंवा मुक्ती जे काय म्हणतात त्या अवस्थेला पोचायचे आहे म्हणून जगतो आहे.
↩ प्रतिसाद: टारझन

इरसाल
Wed, 04/27/2011 - 15:45 नवीन
मला मरावेसे वाटेल तेव्हा आत्महत्या करीन व चिठ्ठी लिहून ठेवेन " पुपे नाय नाय तुमी असा नाय करू शकत.
↩ प्रतिसाद: llपुण्याचे पेशवेll

पंगा
Wed, 04/27/2011 - 23:20 नवीन
वर्गणी गोळा करण्याच्या पर्यायावर विचार व्हावा.
↩ प्रतिसाद: अर्धवट

पंगा
गुरुवार, 04/28/2011 - 17:34 नवीन
...विचाराधीन आहे. - (पुणेरी) पंगा.
↩ प्रतिसाद: llपुण्याचे पेशवेll

सुधीर१३७
Sat, 04/30/2011 - 13:06 नवीन
>>>>>>>>>>>> ...विचाराधीन आहे. .................... फक्त "वर्गणी", .................... बाकी कागद व पेन केव्हाच पाठवून दिल्या गेले आहे. ..:wink: ...... (भट्टेरी) दंगा
↩ प्रतिसाद: पंगा

sagarparadkar
Wed, 04/27/2011 - 12:28 नवीन
प्रत्येकच जीवात एक प्रकारची जिवंत राहाण्यासाठीची अंतःप्रेरणा आढळून येतेच, त्यामुळेच माणूसपण जगत असणार. फरक एव्हढाच की अतिविकसित मेंदूमधून त्याबद्दल उगाचच उदात्त वगैरे विचार प्रसवतात .... :) डॉ. मणि भौमिक ह्यांचे 'कोड नेम गॉड' हे पुस्तक वाचले तर ह्या प्रश्नाचे उत्तर शोधण्यासाठी काही दुवे मि़ळू शकतील असं वाटतंय. थेट उत्तर मिळेलच ह्याची काहीच शाश्वती नाही कारण हा प्रश्न आद्य शंकराचार्यांना पडलेल्या 'को Sहं कथमिदं जातं' इतकाच सनातन व अनुत्तरीत आहे. मला पण एक प्रश्न नेहेमी पडतो तो असा की जवळपास प्रत्येक जोडप्याला 'आपल्याला एक तरी मूल हवंच ' असं का वाटतं? वास्तविक सगळ्या कटकटी तिथूनच तर सुरू होतात .... :)
↩ प्रतिसाद: टारझन

नगरीनिरंजन
Wed, 04/27/2011 - 12:52 नवीन
संपूर्ण सहमत. विशेषतः मानव प्राणी हा उत्क्रांतीतली चूक असल्याने असा प्रश्न पडण्याची क्षमता चुकून मिळाली असण्याची शक्यता नाकारता येत नाही. मला पण एक प्रश्न नेहेमी पडतो तो असा की जवळपास प्रत्येक जोडप्याला 'आपल्याला एक तरी मूल हवंच ' असं का वाटतं? वास्तविक सगळ्या कटकटी तिथूनच तर सुरू होतात .... टाळ्या. समाजमान्य सुखाच्या कल्पनांमध्ये मुलं असणे ही ही एक कल्पना असल्याने बहुतेकांना मुलं व्हावी असं वाटतं. कदाचित समाजमान्य सुखाच्या कल्पनांमागे धावण्यासाठीच आपण जगतो.
↩ प्रतिसाद: sagarparadkar

बिपिन कार्यकर्ते
Tue, 04/26/2011 - 22:42 नवीन
मी मात्र डोळे वगैरे काऽऽही चोळले नाहीत. टार्‍याच्या आत एक टार्‍या आहे आणि त्या टार्‍याला असले प्रश्न पडत असतील असे नेहमीच वाटत होते. असो. प्रश्नाचे उत्तर (गंभीरपणे) : मरत नाही म्हणून.

प्रदीप
Wed, 04/27/2011 - 14:52 नवीन
टारगट माणसे दिसतात/दुरून वाटतात तशी ती असतातच असे नाही! पुढील विचारांस शुभेच्छा, टारझनराव!
↩ प्रतिसाद: बिपिन कार्यकर्ते

अरुण मनोहर
Wed, 04/27/2011 - 17:12 नवीन
टारगट आय डी मागच्या विचारशील माणसाने हा धागा काढलाय असे वाटते. कधी कधी मुखवटे घालून घाम येतो, मग स्वच्छ हवा घ्याविशी वाटते. बाकी प्रश्नाचे उत्तर मला वाटते ते असे- प्रत्येक जण मरणाची वेळ अजून झाली नाही म्हणून जगतो. खरा प्रश्न तो नव्हे. तर ती वेळ होईपर्यंत तुम्ही काय तीर मारता हा असायला पाहीजे.
↩ प्रतिसाद: प्रदीप

llपुण्याचे पेशवेll
गुरुवार, 04/28/2011 - 15:09 नवीन
खरे आहे. पण आजवर काय तीर मारला आहे असा विचार केला की आपण का जगलो असा पुढचा प्रश्न सतावायला लागतो. किंवा पूर्वी मारलेले तीर काही खरोखरचे लई भारी तीर नव्हते असे वाटू तेव्हा तर हा प्रश्न अजून प्रकर्षाने सतावू लागतो.
↩ प्रतिसाद: अरुण मनोहर

कवितानागेश
Tue, 04/26/2011 - 22:47 नवीन
निदान मी स्वतः तरी का जगते हे मला नक्की माहितीये! ( तसे बाकी काही काही माणसांच्या बाबतीत मला कधी तरी प्रश्न पडतो, ' हे का जिवंत आहेत' असा) पण मी का सांगू? ;)

प्रियाली
Tue, 04/26/2011 - 22:49 नवीन
भारताला निदान आपल्या राजकारण्यांना एक बाबा हवेच होते. मिळाले वाट्टं! ;)

टारझन
Tue, 04/26/2011 - 23:41 नवीन
दुसर्‍यांचे प्रॉब्लेम सोडवण्यासाठी एक जन्म घेता येऊ शकेल :) पण आत्ता तर मला स्वतःच्या च प्रश्नाच्या उत्तराची पडलीये :)
↩ प्रतिसाद: प्रियाली

प्रियाली
Tue, 04/26/2011 - 23:49 नवीन
टार्‍या अरे ते रात्री तार्‍यांकडे बघणे सोडून दे. प्रश्नही पडायचे बंद होतील. ऑन ए सिरिअस नोटः रात्री तार्‍यांकडे बघणे हा फार आनंददायी अनुभव नसावा. एकतर काळोख आणि त्यात विशाल पसरलेलं आकाश आणि लाखो प्रकाशवर्षे दूरवरचे मिणमिणते तारे आपण किती क्षुद्र आहोत त्याची जाणीव करून देतात.
↩ प्रतिसाद: टारझन

छोटा डॉन
Tue, 04/26/2011 - 23:04 नवीन
जीवन म्हणजे काय तर इच्छा, आकांक्षा आणि सुख ह्यांच्या शोधासाठी व नंतर प्राप्तीसाठी अखंड चालत असलेला प्रवाह. मग ह्याचे संदर्भ, कारणे, मुल्य व त्यांचे मुल्यमापनही त्या त्या काळानुसार बदलु शकते. थोडक्यात ही 'कंटिन्युअस डेव्हलपमेंटची' प्रोसेस आहे, जीवन जगण्याचे कारण रोज अपडेट होत असते. आजचेच बघा ना, आज रात्री मॅन-यु आणि शाल्के०४ ची सेमीफायनल मॅच आहे, त्यात मॅन्युचा पार बाजार उठुन त्यांचा सुफडा साफ व्हावा ही आमची 'इच्छा' आहे व त्याच 'अपेक्षे'ने आम्ही ही मॅच पाहु, समज तसे झालेच तर आम्ही 'सुखा'ने झोपी जाऊ. उद्याचे ? अहो उद्या बार्सिलोना वि. रियाल माद्रिद आहे, जगण्याचे सोलिड सबळ कारण आहे सध्या आमच्याकडे. अर्थात प्रत्येकाचे हे वेगळे असते, आम्ही उगाच एक क्षुल्लक उदाहरण दिले. - छोटा डॉन

टारझन
Wed, 04/27/2011 - 00:04 नवीन
:) आपण स्वतःच प्रॉब्लेम तयार करतो , स्वतःच प्रश्न तयार करतो ,, आणि त्यांचं समाधान पण स्वतःच करुन घेतो , कधीकधी समाधान होत नाही , "एवढाच" काय तो फरक :(
↩ प्रतिसाद: छोटा डॉन

छोटा डॉन
Wed, 04/27/2011 - 00:11 नवीन
आपण स्वतःच प्रॉब्लेम तयार करतो , स्वतःच प्रश्न तयार करतो ,, आणि त्यांचं समाधान पण स्वतःच करुन घेतो , कधीकधी समाधान होत नाही , "एवढाच" काय तो फरक
करेक्ट ! ह्यालाच 'जीवन' म्हणतात मालक ... - छोटा डॉन
↩ प्रतिसाद: टारझन

पंगा
Tue, 04/26/2011 - 23:13 नवीन
मला कुंथुन कुंथुन विचार करुन ह्या प्रश्नाचं समाधानकारक उत्तर सापडलेलं नाही.
विचार करण्याची पद्धत आणि जागा यांबद्दल बराच अंदाज आला. प्रश्नाचे साधे उत्तर: इतरांचे डोके खाण्यासाठी.

टारझन
Tue, 04/26/2011 - 23:33 नवीन
कुंथुन कुंथुन जोर मारले , कुंथुन कुंथुन सायकल चालवली , कुंथुन कुंथुन धावलो किंवा कुंथुन कुंथुन उड्या मारल्या , ह्या सगळ्यांची पद्धत आणि जागा ह्या एकंच आहेत काय ? बाकी साधे उत्तर तितक्याच साधेपणे दिलंय तर सांगा , तुम्हाला निर्जन जागी सोडलं किंवा येड्यांच्या समुहात सोडलं जिथे तुम्ही इतरांचं डोकं खाऊ शकला नाहीत , तर ? तुमचे जगणे व्यर्थ होईल काय अवांतर : आमच्या पुर्वीच्या वाटचालीमुळे धाग्याच्या हेतुबद्दल शंका येऊ शकते , पण प्रांजळपणे तसे नसल्याचे कबुल करतो. वैराग्य आलंय असंही नाही , पुलंच्या गटण्यासारखी स्थिती आहे असं ही नाही. पण एका प्रश्नाचे समाधानकारक उत्तर नसल्याने गोष्ट चव्हाट्यावर आणली आहे , इतकंच . धन्यवाद पंगा , आणि सर्व प्रतिसादक .
↩ प्रतिसाद: पंगा

पंगा
Tue, 04/26/2011 - 23:49 नवीन
कुंथुन कुंथुन जोर मारले , कुंथुन कुंथुन सायकल चालवली , कुंथुन कुंथुन धावलो किंवा कुंथुन कुंथुन उड्या मारल्या , ह्या सगळ्यांची पद्धत आणि जागा ह्या एकंच आहेत काय ?
जोर काढणे (हे तसेही कधी केल्याचे आठवत नाही), सायकल चालवणे, धावणे किंवा उड्या मारणे हे कुंथून कुंथून करण्याचा पूर्वानुभव नाही, त्यामुळे सांगू शकत नाही.
बाकी साधे उत्तर तितक्याच साधेपणे दिलंय तर सांगा , तुम्हाला निर्जन जागी सोडलं किंवा येड्यांच्या समुहात सोडलं जिथे तुम्ही इतरांचं डोकं खाऊ शकला नाहीत , तर ? तुमचे जगणे व्यर्थ होईल काय
नाही बॉ. तिथेही काही मार्ग काढूच. तसेही 'प्र्याक्टिस मेक्स अ म्यान पर्फेक्ट' हे आपले ब्रीद आहे. सरावासाठी हे दोन्ही प्रसंग वाईट नाहीत. (अवांतर:
येड्यांच्या समुहात सोडलं, तर?
यात 'जर-तर'चा प्रश्न येतोच कुठे?) बाकी, प्रश्नाच्या प्रामाणिक आणि पटण्यासारख्या उत्तराच्या शोधासाठी शुभेच्छा. (हे ज्यानेत्यानेच शोधलेले बरे, असे वाटते. 'वन-साइझ-फिट्स-ऑल' उत्तर असू शकेल असे वाटत नाही.) (हे उत्तर शोधले पाहिजेच का?)
↩ प्रतिसाद: टारझन

प्रा.डॉ.दिलीप बिरुटे
Tue, 04/26/2011 - 23:29 नवीन
अधिकचे सुख, अधिकचे समाधान आणि अधिकची शांती यासाठी आपण जगतो असे म्हणतात. आपण जर धार्मिक असाल तर जीवनाचे अंतिम ध्येय मोक्षप्राप्ती. जीवनाच्या जन्म मृत्युच्या या चक्रातून कायमची सुटका म्हणजे मोक्ष. आता हा मोक्ष मिळवायचा असेल तर काय करावे लागते त्यावर वेगवेगळ्या संप्रदायाचे वेगवेगळे मार्ग-आणि वेगवेगळे विचार आहेत. त्याबद्दलचे काही हिंदु विचार हिंदीविकीवरुन मराठी विकिवर अनुवाद करुन डकवतांना काही समजलं तर इथे डकवतो. :) अवांतर : नेतृत्त्व या विषयावर मराठी विकिपीडियात भर घालतो आहे. कोणी मदत करत असेल तर स्वागत आहे. -दिलीप बिरुटे

आत्मशून्य
Tue, 04/26/2011 - 23:35 नवीन
मला वाटलं होते या धाग्याचं वीडंबन आहे की काय.... http://www.misalpav.com/node/16332

टारझन
Wed, 04/27/2011 - 08:58 नवीन
च्यायला खरंच की .. :) आणि माझी प्रतिक्रीयाही आहे तिथे ( पहिलीच ) :) पण मी धागा काढला तेंव्हा पुर्ण ब्लँक होतो :( लिंक बद्दल धन्यवाद .. नानाची आठवण आली :(
↩ प्रतिसाद: प्रा.डॉ.दिलीप बिरुटे

आत्मशून्य
Wed, 04/27/2011 - 17:57 नवीन
असं म्हणतात की प्रश्न काय आहे हे समजून घ्यावे / शोधावे. (कारण ऊत्तरे असतील तर ती तीथच मीळतात). आपण आपल्या प्रश्ना संदर्भात सांगीतलेली पार्श्वभूमी बघता व त्यासोबतच या आधीच आपल्याला पडलेला प्रश्न "आपण खरच जगतो का" याचा वीचार केला तर आपला संकल्पनेत काही गोंधळ ऊडाला आहे अथवा सूखाचे अजीर्ण झाले आहे हेच या प्रश्नामागील प्राथमीक कारण वाटते. बाकी जाणकार ऊजेड टाकतीलच. पण ऊत्तरे तूमची तूम्हाला शोधावी लागतील कारण ती फक्त तूम्हालाच मीळू शकतात. जसे अंबा गोड आहे म्हणणे म्हणजे प्रत्यक्ष त्याची गोड चव चाखणे न्हवे, म्हणजेच मी जर तूम्हाला अंबा गोड असतो सांगून जशी त्याच्या प्रत्यक्ष चवीची कल्पना अथवा त्याबाबत शंकासमाधान केवळ शब्दाने करू शकणार नाही तसेच तूमच्या प्रश्नाच्या ऊत्तराचे आहे. कोणी ही ज्याने या प्रश्नाचे ऊत्तर मीळवले आहे तो आपल्या प्रश्नाचे शंका समाधान केवळ शब्दात करू शकणार नाही. जी गोश्ट शब्द नाही ती शब्दाने अनूभवाला येणार नाही. म्हणूनच असे समजा की तूमच्या प्रश्नाचे १००% योग्य ऊत्तर जरी मी तूम्हाला नक्की देऊ शकलो(जस्स फोsssर अर्ग्युवम्येंट शेक वन्ली) तरी ते मी दीलय म्हणून आपण ते घेऊ शकता काय (प्रत्यक्ष अनूभूतीने)? उत्तराबाबत तर्काच्या मनोर्‍यांना शब्दांच्या माळानी सजवून एकदम योग्य ऊत्तर मीळालेय/दीलेय असा भ्रम कोणाही व्यक्तीबाबत (आस्तीक नास्तीक फरक पडत नाय) नीर्माण करण फारच सोपं आहे. म्हणून जो तूमच्या प्रश्नाचे १००% सत्य ऊत्तर केवळ शब्द व तर्काने करून देइल तो एक तर सर्वात मोठा थापाड्या समजावा, म्हणजे तो जे काही बोलला ते त्याने नक्कीच अनूभवले नाही. अथवा तूम्ही त्याला संमोहीत झालेले आहात ज्याचा त्या व्यक्तीने खरं ऊत्तर मीळवला असल्याशी काहीही संबध नाही म्हणजे तो खरं बोलत असेलही अथवा नसेलही तूमचे शंका समाधान हा एक भ्रमच राहील व त्याचे परीणाम अनावश्यक वेळ व इतर गोश्टी खर्च होण्यात होतील, ऊत्तर मीळण्यात न्हवे .
↩ प्रतिसाद: टारझन

धनंजय
Tue, 04/26/2011 - 23:43 नवीन
"का" या प्रश्नार्थक शब्दाने सुरू होणार्‍या प्रश्नाच्या समाधानकारक उत्तराची धाटणी कशी असते? याबद्दल एखादे उदाहरण देऊ शकाल काय? म्हणजे : आपण का क्ष-क्रिया-करतो? अशा प्रकारच्या कुठल्या प्रश्नाचे समाधानकारक उत्तर मिळाले असल्यास त्याचे उदाहरण द्यावे. मग त्या धाटणीने वरील प्रश्नाबद्दल विचार करता येईल. "का" हा प्रश्नशब्द असलेले प्रश्न खोलात गेल्यास गुंतडा करतात, असा माझा अनुभव आहे. कित्येकदा गुंतडा होण्यामागचा दोष विषयातील मुद्द्यांमध्ये नसतो. किंबहुना "का" शब्दाच्या मोघम आणि संदिग्ध वापरामुळे असतो.
आहो पण झुरळंही जगतात नी आपणही जगतो. जिवनशैली वेगळी आहे .
वरील वाक्य काहीतरी महत्त्वाचा निर्देश देते. पणपुढल्या परस्परविरोधी निर्देशांपैकी कुठला निर्देश मिळतो, ते समजत नाही : (अ) तुम्हाला समाधानकारक वाटेल ते उत्तर झुरळांना आणि मनुष्यांना दोघांना लागू असले पाहिजे अशी अट आहे का? (आ) की अगदी उलट अशी अट आहे, की झुरळांना उत्तर लागू असता कामा नये, पण मनुष्यांना लागू असले पाहिजे, तरच उत्तर समाधानकारक असेल?

रामदास
Wed, 04/27/2011 - 00:09 नवीन
रोज रात्री आकाशाकडे पहात (आणि )कुंथुन कुंथुन विचार करुन ... ही दोन वाक्ये जोडली आणि चित्र डोळ्यासमोर उभे राहून आणि बाबांना प्रेरणा कशी मिळाली याचा उलगडा झाला. मी जगतोय असे विधान मी करत नाही.कुणीतरी मला जगवतंय हे खरे आहे. वडीलांच्या सेवेसी पाळावे पुत्रासी तैसे त्वा प्रतिपाळावे आम्हासी अशी काहीतरी ओळ गुरुचरीत्रात वाचलेली आठवते. काही असो जगण्याची हौस काही संपत नाही. आयुष्य हवंहवंसच वाटत राहतं. विंदांच्या एका कवितेचा दाखला देतो आहे . पुन्हा वाटते तसेच इवले बाळ होऊनी कुशीत यावे अन पदराच्या अभयाखाली डोळ्यांनी हे पंख मिटावे आणि आजच दासू वैद्यांच्या कविताही पुन्हा एकदा वाचल्या त्यांची आयुष्य ही कविता देतो आहे . कमी तापवलं तर नासण्याची भिती. जास्त तापवलं तर आलेल्या दाट सायीमुळे गुदमर होतो आयुष्याचा. विस्तवावर ठेवलंच तर राखेशिवाय काय सापडेल? या त्रैराशीकाच्या गोंधळात गणित चुकलेल्या विद्यार्थ्याने छडी खाण्यासाठी डोळे मिटून हात पुढे करावा , तसा मी उभा आहे . पाच फूट सहा इंचाच्या बाकड्यावर . हे संदर्भ जर चुकीचे असतील त्याला मी जबाबदार नाहीच . कारण या कवितांचा हॅगओव्हरच तसा असतो.

चतुरंग
Wed, 04/27/2011 - 01:07 नवीन
दासू वैद्यांची कविता भारीच! -रंगा
↩ प्रतिसाद: रामदास

टारझन
Wed, 04/27/2011 - 09:05 नवीन
___/\___ "कुंथुन कुंथुन" ह्या शब्दप्रयोगामुळे जो नाट्याविष्कार झालाय तो मला आत्ता उमगलाय :) आणि मी पोट धरुन हसतोय .. :)
↩ प्रतिसाद: चतुरंग

आनंदयात्री
Wed, 04/27/2011 - 01:16 नवीन
पुन्हा वाटते तसेच इवले बाळ होऊनी कुशीत यावे अन पदराच्या अभयाखाली डोळ्यांनी हे पंख मिटावे अप्रतिम कडवे !! "अन पदराच्या अभयाखाली ... डोळ्यांनी हे पंख मिटावे" वाह वा !!! वाचुनच इतके निर्धास्त वाटले की बास्स .. यु मेड माय डे सर. थँक यु :)
↩ प्रतिसाद: रामदास

निनाद मुक्काम …
Wed, 04/27/2011 - 00:34 नवीन
इतर प्राण्याचा मेंदू विकसित नसल्याने त्यांना असे प्रश्न पडत नाहीत .त्यांना जगायचे असेल तर ते दुसर्याला मारून जगतात , ( संधर्भ - जीव शास्त्रातील अन्न साखळी ) आपला मेंदू नक्की कधी ते माहीत नाही पण अचानक विकसित झाला .व पाहता पाहता आपण मानवाने ही पृथ्वी पादाक्रांत केली . आज आपण नवीन शोध स्वतःचे जीवनमान सुधारायला लावतो ( हायच शोधांमुळे आधुनिक जीवनशैलीने आपले जीवन ताणताणाव व समस्येने पोखरले आहे ) आपण प्रगती करतो त्यामागची प्रेरणा नक्की आपल्याला कोण देतो .? आपल्याकडून होणार्या गोष्टी कोणी आपल्याकडून करून घेतो का ? उदा आपला प्रयोगशाळेत आपण उंदरांच्या अनेक पिढ्या ( गीनिपिक ) जन्माला घालतो .त्यांच्या द्र्ष्टीने ते त्यांचे आयुष्य जगात असतात . पण आपण त्यांच्यावर अनेक प्रयोग करतो कारण त्यांच्यावर होणारे बदल व परिणाम पाहून आपण औषध व अनेक गोष्टी बनवतो .त्या उंदरांना ह्यांची काहीही कल्पना नसते की आज अचानक आपल्यात काय खायला मिळाले .अचानक आपल्यात रोगाची साथ का आली . मला नेहमी असे वाटते .माणूस कोणाचे तरी गीनिपिक नसेन कश्यावरून ? काही प्रगत परग्रहावरील जीवांनी आपला मेंदू पृथ्वीवरील इतर जीवांपेक्षा काहीच्या काही जास्त प्रमाणात विकसित केला नसेन कश्यावरून ? थोडक्यात आपण जगतो का आपल्याला जगवले जाते .? ( जगण्याची व त्यासाठी काहीही करण्याची दुर्दम्य आशा आपल्यात कोण निर्माण करतो ) '' कुणा न कळले त्रिखंडात ल्या ,हात विणकराचे ''

चतुरंग
Wed, 04/27/2011 - 00:50 नवीन
शेवटी एकदाचा हा प्रश्न पडला तर! दोनाचे चार हात झाले की आपोआप उत्तर मिळेल! ;) शीरियस उत्तर - माणूस म्हणून जगण्याचं सार्थक व्हावं ह्याच हेतूने जगतोय. प्रत्येक क्षणात प्रचंड आनंद आहे, क्षणस्थ होता येईल तर तो आनंद उपभोगता येईल असे वाटते. कालची काळजी आणि उद्याची चिंता नसावी अशा दिशेने प्रवास करण्याचा प्रयत्न सुरु आहे! हा प्रवासच एक आनंद आहे. कुठे पोचण्याची, मुक्कामाला जाण्याची गरज वाटत नाही असा दिवस येईल अशी खात्री आहे! "का?" या प्रश्नाला समाधानकारक उत्तर मिळेल असे वाटत नाही. हे बरेचसे लहान मुलांच्या प्रश्नसाखळीसारखे असते. एकाचे उत्तर दिले की "पण तसे का?" त्याचे उत्तर दिले की मग पुन्हा तसे का? ..... तेव्हा अशा प्रश्नमालिकेपेक्षा. जे जीवन आपल्याला मिळाले आहे, कोणत्या का कारणाने असेना, त्याचा पुरेपूर उपयोग करावा, आनंदात जगावे, क्षणस्थ व्हायचा प्रयत्न करावा. -रंगानंद

टारझन
Wed, 04/27/2011 - 09:15 नवीन
"का?" या प्रश्नाला समाधानकारक उत्तर मिळेल असे वाटत नाही. हे बरेचसे लहान मुलांच्या प्रश्नसाखळीसारखे असते. एकाचे उत्तर दिले की "पण तसे का?" त्याचे उत्तर दिले की मग पुन्हा तसे का? .....
:( हो ना ..
तेव्हा अशा प्रश्नमालिकेपेक्षा. जे जीवन आपल्याला मिळाले आहे, कोणत्या का कारणाने असेना, त्याचा पुरेपूर उपयोग करावा, आनंदात जगावे, क्षणस्थ व्हायचा प्रयत्न करावा.
हे आपण करतोच हो .. इतर वेळी कधी काही हा प्रश्न सतावत नाही . तो एक रिकामी वेळ साधुन येतो आणि डोकं खातो :)
↩ प्रतिसाद: चतुरंग

पिवळा डांबिस
Wed, 04/27/2011 - 07:28 नवीन
कारण मला माझ्या जगण्यातून अतीव आनंद मिळतो! खाली माझी स्वाक्षरी आहे त्यातून अंदाज येईलच!!!;) -पिडांकाका

टारझन
Wed, 04/27/2011 - 09:34 नवीन
तुम्ही तुमच्या जगण्यातुन आनंद "घेत" असावेत असे वाटते :( खालच्या प्राणवायुच्या कमेंट साठी सुपरलाईक :)
↩ प्रतिसाद: पिवळा डांबिस

शुचि
Wed, 04/27/2011 - 07:33 नवीन
शंकर-पार्वतीच्या सारीपाटावरच्या सोंगट्यांना कुठून कळणार खेळ का अन किती वेळ चालू रहाणार?

अविनाशकुलकर्णी
Wed, 04/27/2011 - 08:02 नवीन
भारतात अनेक लोक फुकट प्राण वायु मिळतात म्हणुन जगत आहे..त्यांच्या जिवनाचे उद्धिष्ट अस्तित्व एव्हढेच आहे.. आम्हि पण त्या पैकि एक आहोत...सरकारने प्राण वायु वर कर आकारु नये..नाहि तर आमच्या सारखे अनेक प्राण वायु अभावि धारा तिर्थि पडतिल

अविनाशकुलकर्णी
Wed, 04/27/2011 - 08:01 नवीन
भारतात अनेक लोक फुकट प्राण वायु मिळतात म्हणुन जगत आहे..त्यांच्या जिवनाचे उद्धिष्ट अस्तित्व एव्हढेच आहे.. आम्हि पण त्या पैकि एक आहोत...सरकारने प्राण वायु वर कर आकारु नये..नाहि तर आमच्या सारखे अनेक प्राण वायु अभावि धारा तिर्थि पडतिल