मिसळपाव विषयी......

नमस्कार मिपाकर मंडळी..... माझा पहिलाच प्रयत्न आहे मिपालेखनाचा त्यामुळे काही त्रुटी आपल्याला आढळल्यास सांभाळून घेणे. तसा मी सुद्धा मिपाकर आहे पण फ़क़्त वाचनापुरता. गेल्या वर्षी आगस्टमध्ये गुगलवर कोल्हापुरी मिसळीची पाककृती(स्वाती राजेश यांनी लिहलेली अतिशय चटकदार अशी कोल्हापुरी मिसळीची पाककृती) शोधता शोधता मिसळपाववर आलो आणि मग इथलाच झालो. सर्व मिपाकरांप्रमाणे मिसळपाव हा माझासुद्धा वीक पोइन्ट आहे. त्यानंतर मिसळपावची सवय इतकी अंगवळणी पडली कि सकाळी ऑफिसला आल्यावर सर्वात पहिल्यांदा मिसळपाव ओपन करतो आणि त्यानंतरच मग बाकीची सगळी कामे करतो. तात्या अभ्यंकर!! साला आपण काय लिहणार यांच्याबद्दल, त्यांनी लिहलेली सगळी व्यक्तिचित्रे तर खासच. त्यांची रोशनी वाचताना तर ती सगळी पात्र माझ्या डोळ्यासमोर उभी राहिली. आधीच माझ्या आवडीचे असणारे शास्त्रीय संगीत तात्यांच्या लेखांनी मला अतिशय सुंदररीत्या उलगडून दाखवले. केतकीच्या बनी तिथे या लेखानंतर सुमन ताईंचे ते गाणे मी खुप वेळा ऐकले. थोडासा हेवा आणि खूप सारा अभीमान वाटतो मला तात्यांचा, माझे दैवत असलेल्या वैकुंठवासी अण्णांचा सहवास त्यांना लाभला. तात्यांची भेट होईल या एकाच आशेवर ठाण्यातील गोखले उपहार गृहात आठवड्यातून दोन/तीन वेळा जातो, पण नेहमी निराशा होते. टारझन यांनी लिहलेले विडंबन लेख, बल्लवाचार्य गणपा यांच्या पाक-कृती, प्रियाली तै( भोकाडी ) यांच्या गुढकथा, बिपीनदांचे लेख, विजुभाऊ आणि गविंचे खुमासदार लेखन या सगळ्यांचा मी खूप मोठा पंखा आहे. एका वयस्कर आजोबांनी तात्यांना सांगितल्याप्रमाणे मिसळपावचा दिवसेंदिवस वाढणारा आलेख आणि प्रगती हि खरोखरच त्या कोपर्यातल्या जोडगोळीमुळेच आहे हि गोष्ट अगदी तंतोतंत खरी आहे. तूर्तास तुमचा निरोप घेतो मंडळी पुन्हा येण्यासाठी.... अवांतर : मराठी टंक लेखनाचा पहिला प्रयत्न असल्यामुळे बर्याच मिपाकारंचा उल्लेख करू शकलो नाही त्याबद्दल क्षमा असावी.