(शेठहो, थांबा जरा...!)

प्रदीप कुलकर्णी ह्यांची 'शब्दहो, थांबा जरा...!' ही गझल वाचून नवीन 'अर्थव्यवस्थेतील' काही दृश्ये आमच्या डोळ्यांसमोर तरळून गेली! ;)

.........................................
शेठहो, थांबा जरा...!
.........................................

शेठहो, थांबा जरा! ते गुंफणे 'अर्था'त गाणे!
आजच्यापुरते तरी घ्या, घ्या तुम्ही थोडे दमाने!!

'व्यक्त' असता नेहमी... 'अव्यक्त'ही थोडे असू द्या !
का अशी खालून थैली? 'येथे' नको 'तेथे' असू द्या !
लक्ष ठेवी का शिपाई? काम करण्याचे बहाणे?

सारखे माझ्यापुढे का 'मागण्या' घेऊन येता?
माझिया 'निःसंग'तेला हा असा का त्रास देता?
भिंतिला इथल्या कुणाचा 'कान' आहे कोण जाणे?

एरवी तुमची तशी 'आराधना' करतोच ना मी?
'काम' देताना तुम्हाला, 'दाम' हा घेतोच ना मी?
आज मज 'लिंपू' नका पण रोजच्या सवयीप्रमाणे !

आज 'हे सारे' तुम्ही न्या परतूनी तुमच्यासवे
आज का ही वामनेत्री पापणी माझी लवे?
रोज मग आहेच अपुले तेच ते 'देणे नि घेणे'!!

..............................................
अनर्थकाल १८ जून २००८
..............................................

चतुरंग