'शोले' चा खास थिएटर शो

माझ्या जनरेशनच्या बहुतेक सर्व सिनेशौकिनांनी शोले बर्‍याचवेळा टिव्हीवर वा डिव्हीडीवर पाहिलेला आहे पण थिएटरमध्ये तीनएकशे लोकांसोबत हशा, टाळ्या अन शिट्ट्यांच्या बॅकग्राऊंडवर हा जबरदस्त पिक्चर पाहण्याची धमाल निराळीच आहे. शिवाय सिप्पी बंधूंमधल्या वादामुळे नजिकच्या भविष्यकाळात शोले पुन्हा प्रदर्शित होण्याची चिन्हे दिसत नाहीत. म्हणूनच पंचममॅजिकने फिल्म आर्काईव्हजमध्ये हा खेळ आयोजित केला आहे. खरं म्हणजे ह्या विशेष सोहळ्याला शोलेसाठी बेस्ट एडिटरचे फिल्मफेअर मिळालेले श्री. शिंदे उपस्थित राहणार होते पण प्रकृती अस्वास्थ्यामुळे ते येऊ शकणार नाहीत. ते असते तर आणखी रंगत आली असती तरीही सर्व 'शोले' प्रेमींसाठी रविवारचा दिवस संस्मरणीय ठरेल ह्यात काही वाद नाही.