Skip to main content

ग्रुहकर्ज ..एक अनुभव

लेखक नि३ यांनी गुरुवार, 10/03/2011 या दिवशी प्रकाशित केले.
सध्या घर घर चालु आहे...प्रत्येक विकांत असाच पायपिट करण्यात व्यर्थ ...१ BHK घ्याव कि २ BHK.ह्या एरीयात घ्याव की त्या तिथे पलीकडे...दिनोदीन जमिनीचे रेट वाढतच आहे..ग्रुहकर्जाचे व्याजदर पण..काही दिवस आणखी थांबलो तर घर घ्यायची लायकी राहणार नाही आपली पुण्यात. आणि नाही हो करता करता ..शेवटी एकदाचा बुक केला ... आता नविन तयारी ...कशाची काय विचारता ...लोन ची.. कालच SBI मधे गेलो होतो..वा काय अनुभव होता. आपल्याकडे एवढा मोठा पोट्यांशीयल कस्टमर आला आहे..जो येत्या काही वर्षात किमान घेतलेल्या रकमेची दिडपट रक्कम देण्याची हमी देत आहे ..याची कोठेही काहीही दखल नाही.. साधारण दुपारी १२-१२.३० ची वेळ ..स्थळ : टिळक रोड वरील SBI चे कार्यलय आत प्रवेश केला ..Customer service ची पाटी लागली होती त्या विभागाकडे वळलो..वा एक मस्त सुंदर २०-२२ ची ललना एका हातात फोन घेउन फोनवर बोलत दुसर्या हाताने keyboard वर काही टाईप करीत होती.वा वा ..multitasking. मि विचार केला..कामात असेल..१० मिनीट झाली तिच्यासमोर उभा होतो..२० मिनीट झाली ..साध वर सुद्धा बघत नाही ..ईतकी कामात मग्न ..आय टी मधे घ्यायला पाहीजे हीला असा विचार मनात आल्याशिवाय राहीला नाही..आता मी थोडा चलबिचल ..म्हटल असच चालु राहील तर आपली India vs Netherland जाणार बहुतेक्..मग मि थोडा वळुन तीला माहीत होणार नाही अश्या रीतीने तिच्या संगणकाच्या पडद्याकडे बघुन घेतले ..तर ह्या फेसबुक वर चॅटिंग करत होत्या .तिच्यापासुन ग्रुहकर्ज विभागाचा पत्ता घेऊन आम्ही त्या विभागाकडे वळलो तर तिथे एक चाळीशीचे अधीकारी एका चाळीशीच्या ग्राहकाचे नविन आलेले debit card त्याच्या पाकीटातुन काढुन ..चिकटवलेल्या कागदापासुन वेगळे करण्यात व्यस्त होते.प्यारेलली त्यांची गहण विषयावर चर्चा चालु होती..जसे की हे कार्ड अशे कागदाला चिकटवुन का पाठवतात?? मग कार्डाच्या मागे सही काळ्या पेनाने करावी कि निळ्या पेनाने??पेन्सील ने केली तर चालेल काय?? मि खुर्चीवर बसुन घेतले..१५ मिनीटात यांचे कार्ड काढुन झाले..म्हट्ल चला आता आपल्या कामाकडे वळु म्हणुन बोलायला सुरवात करणार तोच मघाचे कार्ड वाले ग्रुहस्थ पुन्हा परत.. साहेब ते तुम्ही कार्ड काढतांना मघाशी त्याला थोडा मागच्या बाजुन दुसरा बारीक कागद चिकटला आहे तो जरा काढुन देता का?? मग साहेब पुढची १५ मिनीट ते कार्ड साफ करण्यात मग्न्..चला झाले कार्ड एकदाचे साफ.. मग मि पुन्हा थोडी खुर्ची समोर घेऊन बोलणार तोच ..साहेब म्हणतात लंच टाईम झाला आहे थोडा वेळ वाट बघा.. ४० मिनीट वाट बघीतल्यानंतर पुन्हा साहेबाकडे गेलो.. सर मला ग्रुहकर्जाबाबत बोलायचे होते..मि xxx चा फ्लॅट घेतला आहे मला xxx चे कर्ज काढायचे आहे..व्याजदर,emi बाबत माहीती हवी होती. बर तुमची salary slip बघु. ही घ्या.. हे special allowance काय आहे?? तो monthly component आहे. offer letter बघु हे घ्या.. company कधी join केली?? xxx आधी.. ठीक आहे पलीकडे त्या मॅडम xx x बसल्या आहे तिथे जा.. मि अवाक.म्हणजे तुम्ही माहीती देणार नाही का?? नाही.मि डोक्यावर हात मारुन घेतला. मॅडम xx x कडे गेलो तर मॅडम लंच ला गेल्या आहे अशे कळ्ले. meanwhile, ppf पाटी दिसली म्हटल चला बघु काय प्लान आहे ,असेल ठिक तर ऊघडुन टाकु एखाद खातं.. तिथे पण एक मॅडम बसल्या होत्या. मॅडम PPF बद्द्ल माहीती हवी होती..म्हणजे व्याजदर आणी minimum per year balance etc. तुमचे savings account कोणत्या ब्यंकेत आहे. xxx तिथे पण PPF ची सुविधा आहे तुम्ही तिथेच काढा.. मि चाट.. मि ऊठलो आणि पुन्हा मॅडम xx x कडे गेलो म्हटल ३० मिनिट झाले ..लंच झाले असेल.. तर मॅडमचा लंच अजुन व्हायचा आहे अशे कळले... मि मग शांतपणे ऊठ्लो, माझा लंच करायला आणि SBI ची दुसरी शाखा बघायला बाहेर पडलो. --नि३ माझा ब्लॉग : http://db2guide.blogspot.com/
लेखनविषय:
लेखनप्रकार
वाचने 10895
प्रतिक्रिया 52

प्रतिक्रिया

पर्नल नेने मराठे गुरुवार, 10/03/2011
कठिण आहे... मी हि इकडे अ‍ॅक्सिस बॅन्केत प्रि-अ‍ॅप्रुव्ह्ड चि चोक्शी करायला फोन केला तर माणुस म्हणाला अमुक मोबाइल वर फोन करा. मोबाइल लावला तर तो म्हणाला मी आजारी आहे उद्या फोन करा =)) मग मी विसरुन गेले :( परत बॅन्केत फोन केला तर तर माणूस म्हणाला तुम्हाला मेल करतो. अजुन मेल आला नाहिये :(

चिरोटा गुरुवार, 10/03/2011
हॅक करा साल्यांची वेबसाईट! खरे तर SBI वाले हल्ली बरेच चांगले वागतात् असा अनुभव आहे.SBI/Canara/Syndicate इकडच्या 'अनुभवी' कर्मचार्‍यांकडून जास्त अपेक्षा ठेवायची नसते.म्हणून front ला ह्या बँका तरूण पोरांना ठेवतात.

सहज गुरुवार, 10/03/2011
पण म्हणून तुम्ही एकदा बँकेच्या संस्थळावर जायला पाहीजे होते, तिथे व्याजदर तसेच कर्जफेडीचा मासीक हप्ता कसा काढावा इ माहीती मिळू शकली असती. अपनालोन सारख्या संस्थळांवर विविध बँकाचे गृहकर्जाबद्दल माहीती मिळाली असती. गेला बाजार मिपावर धागा काढायचात की! आणि तरीही उत्तर मिळाले नाही तर मिपाभूषण श्री परा (परिकथेतील राजकुमार) यांना फोन करायचात, हमखास काम तमाम! अरे हो, तुमचा ललित लेखन इतकाच हेतू असेल तर वरचा प्रतिसाद बाद समजा! ;-)

धमाल मुलगा गुरुवार, 10/03/2011
ह्या भानगडींसाठी समक्ष गेल्याशिवाय पर्याय नाही. बर्‍याच गोष्टी स्पष्ट करुन घेण्यासाठी वेबसाईटचा काडीमात्र उपयोग होत नाही. काही बँका प्रि-प्रोसेसिंग फी घेतात, काही बँका प्रोसेसिंग फी मध्ये काही टक्के/रक्कम सुट देतात. अशा कित्येक गोष्टी ह्या विचारल्याशिवाय कधीही सांगितल्या जात नाहीत. सायटींवरुन फक्त एक अत्यंत ढोबळ अंदाज येण्यापलीकडं काहीही मिळत नाही.

सहज गुरुवार, 10/03/2011
सहमत आहे. पण तो अंदाज घेउन, एक दोघांकडून माहीती घेउन. आपली कागदपत्रे तयार करुन डायरेक्ट मुद्द्याचे बोलायला जायचे. आधि फोन, इमेल करुन गेलात तर उत्तम. नाहीतर सरळ सरळ म्हणायचे मी बँकेच्या संस्थळावरुन अर्ज केला आहे उत्तर का नाही आले? मला या ब्रँच मॅनेजरला भेटा म्हणून तुमच्या मुख्य शाखेने सांगीतले. कोण काम करते इथे? खरे तर आजकाल ज्या बिल्डरकडे फ्लॅट बुक कराल त्यालाच एखाद्या प्रतिथयश बँकेशी लोन करता काम करायला सांगायचे. किंवा खरे तर धमाल मुलगा , चुचु इ. लोक करतात तीच आयडीया बेस्ट आहे. सरळ सर्व व्यवहार रोखीने ;-) कागदपत्रे इ. झंझटच नाही.

धमाल मुलगा गुरुवार, 10/03/2011
बरोबर है की. आजकाल (शहरांमधले) १००तले ९० लोक तरी सायटी पाहून, मित्र/नातेवाईकांचे अनुभव विचारुन मग पुढे ब्यांकेच्या दारात जातात की. खरी गम्मत पुढे असते. 'हायपोथिटिकली' तुमचा मुद्दा एकदम बराब्बर आहे. बँकेत गेल्यावर वस्तुस्थिती अंमळ जास्तच उलटी असते. अधिक काय सांगू? आपल्या इतक्या मिपाकरांमध्ये बरेचजण सापडतील ज्यांची गृहकर्जं गेल्या सहा महिने-वर्षभरात मंजूर झाली असतील. त्यांनी आपापले अनुभव मांडले तरी खरं चित्र दिसून यावं.
नाहीतर सरळ सरळ म्हणायचे मी बँकेच्या संस्थळावरुन अर्ज केला आहे उत्तर का नाही आले? मला या ब्रँच मॅनेजरला भेटा म्हणून तुमच्या मुख्य शाखेने सांगीतले. कोण काम करते इथे?
=)) =)) =)) आयला! ही आयडिया खत्त्रा आहे राव. ;) एकदा करुन पहायला हवं.
खरे तर आजकाल ज्या बिल्डरकडे फ्लॅट बुक कराल त्यालाच एखाद्या प्रतिथयश बँकेशी लोन करता काम करायला सांगायचे.
तसंही बँकांचे 'प्रेफर्ड बिल्डर्स' किंवा बिल्डर्सचे 'प्रिफर्ड बॅन्कर्स' असतातच की. फार फरक नाही पडत. बॅन्केत घालायचे हेलपाटे आणि वाट बघत बसणं हे आपल्यालाच करावं लागतं ना. >>किंवा खरे तर धमाल मुलगा , चुचु इ. लोक करतात तीच आयडीया बेस्ट आहे. सरळ सर्व व्यवहार रोखीने ए हॅल्लोऽऽऽऽ.......... काय्ये? आँ? कशावरुन? आमच्याकडं मळका माज असतो...हिरवा नाय. सुमडीत ब्लॅकमनीमध्ये अ‍ॅशेटा करायला. ;)

पर्नल नेने मराठे गुरुवार, 10/03/2011
अगदी बरोबर... कधिकधी व्याजदर पण अपडेट नसतो. सहजला काय जातेय सान्ग्यायला.....स्वतची पोटे भरलेली असली कि असेच काही बाही सल्ले द्यायला सुचते .

सविता गुरुवार, 10/03/2011
सहज काका, श्री. परा चा नंबर तुम्ही नि३ यांना व्यनी केला आहे का? नसल्यास ताबडतोब करा. पराला लोकांना मदत करायची भारी हौस आहे... हो कि नै रे परा? -पिंट्या

सहज गुरुवार, 10/03/2011
असा दरवेळी कोणा न कोणाला पराचा नंबर व्यनि करण्याऐवजी, जनतेच्या सोयीसाठी 'वाविप्र' मधे पराचा दुरध्वनी क्रमांक तसेच कोणकोणत्या कामासाठी परा मदत करु शकतो यांची एक यादी द्यावी असे सुचवतो.

रमताराम शुक्रवार, 11/03/2011
कोणकोणत्या कामासाठी परा मदत करु शकतो यांची एक यादी द्यावी असे सुचवतो त्याऐवजी परा कोणत्या कामासाठी मदत 'करू शकणार नाही' याची यादी द्यावी असे सुचवतो. ते 'सहज' जमेल असे वाटते. कसं म्हंता?

सहज शुक्रवार, 11/03/2011
जितके जास्त शब्द तितके गुगल व अन्य शोधयंत्र नोंद ठेवतील. तसेही यादी बाहेरील काही विचारले तर दुकानदार परा म्हणू शकतो 'यादी नीट वाचा आधी'. यादी सुस्पष्ट ठेवली नाही तर लोकं पराकडून काय काय मागतील हे.मी.तु.वे.सां. न. ल.

वपाडाव शुक्रवार, 11/03/2011
लोकं पराकडून काय काय मागतील हे.मी.तु.वे.सां. न. ल.
म्हंजे परा काय काय पुरवतो ?? फुल्ल ह. घ्या. ईतरांना वे.सां.ल.

गणेशा गुरुवार, 10/03/2011
अनुभव वाईट आला तुम्हाला. आता ह्या लोकांना गुंड टाईपचेच लोक बरे असतात .. मग लगेच त्यांच्यापुढे हांजी हांजी करतात .. सामन्य माणसा .. तु असाह्य एकटा होत चालला आहे .. काहीतरी पाउले उचलली पाहिजेत

विशाखा राऊत गुरुवार, 10/03/2011
मी SBI चा होम लोन साठी खुप मनस्त्ताप सहन केला आहे... हे branch चे झाले.. अजुन centralise processing मध्ये तर स्वतः वर चिडायला होते कि का इथे आलो....

सागर गुरुवार, 10/03/2011
खरे आहे विशाखा तुमचे, अशा बँकांमुळेच मी खाजगी बँकांना जास्त प्राधान्य देतो. या बँका एवढ्या मनस्ताप देतात की वाटते चार पैसे जास्त गेलेले परवडतात (खरे तर लाखांत जातात, पण मनस्ताप वाचतो) आयसीआयसीआय गृहकर्ज देण्यात अतिशय तत्पर आहे. मुख्य म्हणजे तुम्हाला ते एकाच वेळी काय काय कागदपत्रे लागणार आहेत ते सांगतात. त्यापेक्षा थोडी कमी दर्जाची सेवा एचडीएफसी वाले देतात. बाकी एलआयसी हाऊसिंग , इंडिया बुल्स , आयडीबीआय यांचा मला अनुभव नाही. तुम्ही वेळेवर हफ्ते जोपर्यंत भरत आहात तोपर्यंत या खाजगी बँकांकडून काही त्रास होत नाही. पण थकबाकीदारांना जो अनुभव येतो तो त्रासदायकच असतो. मग बँक कोणतीही असो. खाजगी बँका लवकर त्रास देतात तर सरकारी बँका उशीरा देतात. पण त्रास आणि मनस्ताप मात्र चुकत नाही. शिवाय वेळ जातो ते वेगळेच

रेवती गुरुवार, 10/03/2011
आजकाल खासगी ब्यांकाही त्रास देण्यात कमी नाहीत हां. उगीच कमी लेखू नका त्यांना.;)

वपाडाव शुक्रवार, 11/03/2011
खाजगी ब्यांकांना जुन्या बाजारातील कपडे ओले करुन, ते नेसवुन, मग फाडुन, त्यावर पोकळ बांबुचे फटके मारावेत. ते न मिळाल्यास बेश्रमाच्या काड्या चालतील. तेही न मिळाल्यास संगमवाडीच्या पुलावरुन वाहत्या पाण्यात उडी मारुन आळंदीला जावे. तिक्डे समाधी घेउ नये. वाहवत जाउ नका, वापस मुद्याकडे : नाहीतर खाजगी ब्यांकांना राजमाचीच्या टोकावर नेउन कडेलोट करावा. ब्यांका उचलल्या जात नसतील तर कर्जतच्या रेल्वेखाली तुडवावे. युसुफ पठाण्च्या बॅटने बुकलुन काढावे. किंवा मलिंगाचे यॉर्कर टाकावेत. जपानच्या त्सुनामी लाटेत फेकुन द्यावे. हे करणे शक्य नसल्यास, काका हलवायाच्या / चितळेच्या दुकानासमोर दुपारी १२:५५ मिनिटांनी लाईनीत उभे करावे. तिकडे नेताना, त्यांना गुटखा खाणार्या पी.एम.टी. चालकाच्या उजव्या हाताच्या खिडकीजवळ खालच्या कडेने पडु द्यावे. (बुच लावायचे राहिले, ते फुडच्या वेळी.)

विशाखा राऊत गुरुवार, 10/03/2011
हो एक वेळ असेच feel झाले होते... SBI centralise processing म्हणजे कोणाचा कोणाला पत्ता नाहि... समुद्र ज्यात आपल्या file चा status बघा... आणि तुमचे नशीब चांगले असेल तर कळेल कि काहि problem नाहि ... आणि सगळे व्हायला ३/४ महिने अरामत जातात.. agreement limit 3 months :( आणि बँक चे काम इतके दिवस... आनंद असतो सगळा :)

मिसळलेला काव्यप्रेमी गुरुवार, 10/03/2011
माझा अनुभव अजुन रोचक आहे. माझे कर्ज मंजूर झाले, त्यानंतर मला शाखेत कागदपत्रांवर सह्या करायला बोलावले. त्या सर्व कार्यक्रमाला जवळ जवळ २ ते अडीच तास लागले. त्यानंतर त्या म्याडमने मला २ तासांनी येउन चेक घेऊन जा असे सांगून पिटाळले. २ तासांनी गेलो तर काहीच झाले नव्हते. मग मला बसायला सांगितले. साधारण २ तासांच्या प्रतिक्षेनंतर मला बोलावुन चेक दिला. तो निट पाहील्यावर समजले कि actual demanded amount च्या ऐवजी त्यांनी complete loan amount चा चेक मला दिला आहे. मि ती चुक दाखवुन द्यायला गेलो तर आधि मानायलाच तयार होइना बाईसाहेब. मग थोड्या वेळाने त्यांच्या ध्यानात आले की हि चुक लपवता येण्यासारखी नाही. मग मला म्हणाल्या तुम्ही आता उद्या या. मला सगळ्या entries reverse करुन नविन चेक issue करावा लागेल. तेही अगदी थंडपणे. आता बोला...

वपाडाव गुरुवार, 10/03/2011
४० मिनीट वाट बघीतल्यानंतर पुन्हा साहेबाकडे गेलो..... सहनशक्ती बरिच जास्त आहे हो तुमची. ह्या गोष्टी फार मोठया आहेत, मी फक्त DD बनवायला गेलो तर त्यासाठी ३ दिवस लावलेत यांनी. त्यांच काय. हाकानाका.

कुंदन गुरुवार, 10/03/2011
आम्हाला आयसीआयसीआय बँक आवडते. सगळी कामे ऑन लाईन अन पटापट होतात.

विंजिनेर गुरुवार, 10/03/2011
व्याजदर किती? ३% का? ;) मी ऐकलंय की काही कर्जे तर फक्त व्यनी आयमीन ईमेल द्वारे होतात :)

निनाद मुक्काम … गुरुवार, 10/03/2011
लहानपणी आमचे नातेवाईक सरकारी बँकेत होते .दिवाळीच्या काही दिवस आधी रोज त्यांच्याकडे मिठाया /सुकामेवा / चोकलेट / थर्मास अश्या अनेक वस्तू यायच्या हे त्यांना बहुदा त्यांची बँक त्यांच्या वर्षभराच्या उत्कृष्ट सेवेसाठी बक्षीस देते .अशी माझी समजूत होती . ती रामलखन सिनेमात अनिल कपूर मिठाई भेट म्हणून स्वीकारतांना दूर झाली .( आमचे पालक सुद्धा सरकारी कर्मचारी पण बँकेत नसल्याचे वैषम्य वाटायचे .) लेखाच्या मालकांनी मिठाईचा नाही तरी बिस्किटाचा पुडा न्यावा . आमच्या मातोश्री एम टी एन एल मध्ये कार्यरत आहेत . काही वर्षापूर्वी कस्टमर सर्विस ह्या विषयावर त्यांच्यासाठी कार्यशाळा ठेवली होती . त्या वैतागल्या होत्या '' काय शिंची कटकट आहे'' .असा एकंदरीत सूर होता . पण प्रणव मुखर्जी ह्यांनी २५ लाख गृहकर्ज तेही शहरात असेल तर १ % व्याजदर कमी अशी घोषणा केली आहे .

गणपा गुरुवार, 10/03/2011
शेवट्च्या परिच्छेदाचं प्रयोजन कळल नाही. असो. पण मिठाई वा बिस्किटाच्या पुड्याची कल्पना बरी आहे.. पण कर्जाच्या रमकेच्या प्रमाणात पुड्याचा आकार ठरवला जाण्याची शक्यता नाकारता येत नाही.

निनाद मुक्काम … शुक्रवार, 11/03/2011
अरे एकीकडे सरकार गृह कर्ज घेण्यासाठी लोकांना सवलत देते . पण प्रत्यक्ष कस्टमर सर्विस व एकंदरीत सेवा पाहून सामान्य माणूस गोंधळून जातो . मात्र शेटजी हसत हसत बँकेत जातात . व हसत हसत येतात . ''दाम करी काम येड्या दाम करी काम '' एक कांद्याचे पोते घरपोच करतो सांगायचे .

नि३ गुरुवार, 10/03/2011
लेखाच्या मालकांनी मिठाईचा नाही तरी बिस्किटाचा पुडा न्यावा>> बिस्किटाचा पुडा ??? त्याने काय होणार आहे.तुम्हाला सोन्याच्या बिस्किटाचा पुडा म्हणायचे आहे का?? --नि३ माझा ब्लॉग : http://www.db2guide.blogspot.com/

वपाडाव शुक्रवार, 11/03/2011
तुम्हाला सोन्याच्या बिस्किटाचा पुडा म्हणायचे आहे का??
तुम्ही काय धमु / चुचु आहात का? मग सोन्याच्या बिस्किटांचा विचार करणे तरी परवडते का तुम्हाला ?

आदिजोशी शुक्रवार, 11/03/2011
मला LIC Home Finance चा उत्तम अनुभव आहे. सगळी कामं व्यवस्थीत आणि सांगितलेल्या वेळेत पार पडली. हेलपाटे नाहीत, खिटपिट नाही, वेळकाढूपणा नाही. पहिल्यांदा चौकशी करायला गेलो तेव्हा सरकारी उपक्रम असल्याने LIC Home Finance बद्दल मत फारसे अनुकूल नव्हते. लोन मिळाल्यावर ते पूर्ण बदलले आहे. आता मी LIC Home Finance ची जाहिरात करत फिरतो. माझे अनुभव मुद्द्यांत मांडत आहे. १. LICHF ने मला सगळ्यात जास्त लोन देऊ केले. २. व्याजदर सगळ्यात कमी होता. आणि पहिली ५ वर्ष तो दर फिक्स अशी ऑफरही होती. ३. लोन प्री-सँक्शन करून घ्यायचा सल्ला त्यांनीच दिला. त्यासाठी ५,००० भरावे लागले. लोन घेतल्यास हे पैसे तुमच्या एकूण फी मधून वळते केले जातात, जे माझ्यावेळी केले गेले. ४. फॉर्म भरल्यापासून सांगितल्याप्रमाणे २ आठवड्यात प्री सँक्शनचं पत्र आमच्या हातात होतं. ५. जागेच्या व्हॅल्यूएशनसाठी आम्ही सांगितल्यानुसार आमच्या सोयीच्या दिवशी त्यांचा माणूस आला. हे काम वेगळी माणसं करत असल्याने त्याचा चार्ज वेगळा लागतो. ६. जागेचे टोकन देण्याआधी ५०० रुपये भरून लिगल अ‍ॅप्रूव्हल घेण्याची सोय आहे. जेणे करून तुमची फाईल नंतर कुठे अडकणार नाही. मी ते ५०० रुपये त्यांना सोडून द्यायची विनंती केजी, जी मान्य झाली. ७. आधीच सगळी कागदपत्र चेक करून घेतली असल्यामुळे फायनल चेक मिळण्यासाठी काही अडचण आली नाही. सांगितल्याप्रमाणे १५ दिवसांत चेक ताब्यात आला. ८. आणि आता सांगितल्याप्रमाणे दरमहा हफ्ताही नियमीतपणे जात आहे. कुठे काही हयगय नाही.

सहज शुक्रवार, 11/03/2011
एक शंका - एलआयसीची एखादी स्वतंत्र विमा पॉलीसी काढा / असणे अशी अट होती / आहे?

आदिजोशी शुक्रवार, 11/03/2011
अशी कोणतीही अट नाही. पण घर घेतल्यापासून मी स्वतःहून एक पॉलिसी काढायच्या विचारात आहे. घराचा हफ्ता मी भरतोय. उद्या मी अकाली चचलो तर हफ्ता भरणे बंद झाल्याने घर सोडावे लागेल. बायकोची हफ्ता भरायची क्षमता असल्यास काळजी नाही. पण जर तसं नसेल तर कुटुंब रस्त्यावर येईल. ह्या पॉलिसी अंतर्गत जर मी चचलो तर घराचे पूर्ण पैसे माझ्या वतीने LIC भरेल आणि घराची मालकी माझ्या कुटुंबाकडे राहिल. त्यांना घर सोडावे लागणार नाही. ह्या पॉलिसीमधे केवळ घर कव्हर केले जाते. ह्या पॉलिसीचा प्रिमियम १०,००० आहे. IT exemption मिळत नाही ह्या रकमेवर. इथे इतर जीवनविमा पॉलिसीमधून मॄत्यूनंतर मिळणारी रक्कम जमेस धरली नाहिये. अशी पॉलिसी असेल तरी ती रक्कम कुटुंबाला मिळेलच. म्हणजे घरही राहील आणि पैसाही गाठीशी राहील.

सहज शुक्रवार, 11/03/2011
एलआयसीचे गृहकर्ज घेण्याकरता एक वेगळी विमापॉलीसी काढायची अट नाही ह्या खुलाश्याबद्दल धन्यवाद. बाकी तुम्ही म्हणाला (अकाली चचलो तर.. ) हा अतिशय योग्य विचार आहे, घराचे कर्ज जितके असेल तितक्या रकमेची एक रिड्युसिंग टर्म पॉलीसी (स्वस्त अन मस्त) काढाच. जास्त विचार करत वेळ दवडू नका. इतर लोकांनीही ज्यांचे घर आहे त्यांनी हे अजुन केले नसेल तर जरुर करावे.

५० फक्त शुक्रवार, 11/03/2011
@ सहज, अशा कर्ज सिक्युअर करणा-या पॉलिसिज ह्या ग्रुप टर्म पॉलिसिज असतात, त्या हल्ली प्रत्येक फायनान्स कंपनी काढायला लावते. या प्रकाराचा एक अतिशय क्लासिक गैरवापर केला गेलेली केस सध्या माझ्या भावोजींकडे आहे, त्यांची परवानगी घेउन लिहिन इथे.

विद्याधर३१ शुक्रवार, 11/03/2011
लोनशिल्ड घेतल्याने घरच्यांच्या हातात काही रहात नाही. सगळे पैसे बँक घेते. टर्म पॉलिसी काढल्याने उरलेले पैसे तरी घरच्यांच्या हातात रहातील.

मस्त कलंदर शुक्रवार, 11/03/2011
मला या बाबतीत चांगला अनुभव आलाय. घर घ्यायचं म्हटल्यावर कोण किती कर्ज देऊ शकतं याची चौकशी सुरू केली. तेव्हा आयसीआयसीआय कडून गृहकर्ज घेतलेल्या लोकांनी सगळ्यात आधी तिथून लोन घेऊ नको म्हणून सांगितलं. बदलत्या व्याजदराने कर्ज घेतल्यास दर वाढेल तसे फटाफट व्याजदर वाढवतात, पण कमी झाला तर मात्र तसे करत नाहीत. त्यामुळे मूळ मुद्दल तसंच राहातं आणि व्याज भरून जीव मेटाकुटीला येतो. माझ्या ओळखीच्या बर्‍याच जणांनी दुसर्‍या बँकेतून कर्ज घेऊन आयासीआयसीआयचं कर्जखातं बंद करून टाकलंय. त्यामुळं मी त्यांच्याकडे फिरकले सुद्धा नाही. माझं पगारखातं बँक ऑफ बडोदा मध्ये आहे. पण त्यांच्या दोन शाखांचा अनुभव लक्षात घेता ते जास्तीत जास्त अकार्यक्षम कसं बनावं आणि ग्राहकांना कूर्मगतीने सेवा कशी द्यावी हेच पाहतात असं वाटतं. त्यांनी कर्ज देण्यातही असाच 'नियमाप्रमाणे पगाराच्या ३६पट कर्ज मिळेल, घ्यायचं तर घ्या नाहीतर चालत्या व्हा' पुणेरीपणा दाखवल्यानं तीही बाद झाली. SBI कडून मिळणारं कर्ज मला हवं असलेल्या रकमेहून कमी होतं. अशा काही ना काही कारणाने एक-एक बँक यादीतून कमी होत गेली. अशातच सहज म्हणून माझ्या राहत्या इमारतीत असणार्‍या सारस्वत बँकेत चौकशी केली. तिथल्या मॅनेजर बाईंनी एकंदर सखोल प्राथमिक चौकशी करून मला कितपत कर्ज मिळेल ते सांगितलं. त्याहून अधिक हवं असेल तर आणखी काय काय करता येईल हे ही मला लिहून दिलं. मी घर घेऊ इच्छिणारी इमरत ही पुनर्विकसनातील आहे. तेव्हा बाईंनी लीज डीड, कन्हविनियन्स डीड, म्हाडा-सोसायटी अ‍ॅग्रीमेंट, सोसायटी-डेव्हलपर अ‍ॅग्रीमेंट, काही विशिष्ट तारखाआधीची कागदपत्रं आणि सगळे amendment plans मागवले. ते सगळे पाहून बँकेने हिरवा कंदील दाखवल्याशिवाय अगदी टोकन म्हणूनही काही रक्कम देऊ नकोस असा सल्लाही त्यांनी दिला होता. मंदीमुळे बिल्डरही अडकला होता. त्यामुळं बरीचशी खळखळ करून आणि आम्ही एवढी कागदपत्रं काहीच ठरल्याशिवाय कुणाला दिली नाहीत असं हजारोवेळा सांगून त्यानंही ही ती दिली. बँकेला ती सुपूर्त करण्या आधी मीही त्यातलं समजेल तितकं वाचून घेतलं. :-) मला आतापर्यंत सारस्वतचा चांगला अनुभव आला आहे. काही कामानिमित्त कधी कधी त्यांच्या ठाणे शाखेतून फोन येतो. तेव्हाही सौजन्यपूर्ण शब्दांत माझ्या कडून काय अपेक्षित आहे हे सांगितलं जातं. माझी सोय नेहमी पाहिली जाते. आणि जिथून कर्ज घेतलं ती शाखा अगदी घराजवळ, अगदी रविवारीही चालू असणारी आहे. बर्‍याचदा मॅनेजरबाईंना संध्याकाळी ६-७:०० वाजता भेटायला गेले तरी त्या तितक्याच आपलेपणाने स्वागत करतात. ता.क.: अकाली चचण्याबद्दल: त्यासाठी बँकेने स्वतःच रू. ३९००० हजार एकरकमी भरावी लागणारी टाटा एआयजीची पॉलीसी घ्यायला लावलीय. [यासाठी वेगळा पर्याय त्यांनी दिला नाही.] त्यामुळे जरी मला काही झालं तरी माझ्या वारसाला घरासाठी कर्जाची एक पैही भरावी न लागता घर मिळेल. आता या पॉलिसीपेक्षा वेगळे आणि चांगले पर्याय उपलब्ध असल्यास माहित नाही, आणि आता कळाले तरी फायदा नाही. तेव्हा अधिक चौकशी करण्यासाठी हाती वेळही नव्हता. पण आतापर्यंत सर्व सुरळीत चालू आहे, आणि ते तसंच राहावं अशी अपेक्षा आहे. :-)

विद्याधर३१ शुक्रवार, 11/03/2011
आयसीआयसीआय सारख्या बँका आर्बीआयने व्याजदर उतरवल्यानंतर व्याजदर कमी करण्यासाठी आउट्स्टँडिंगच्या १~२% घेतात. त्यामुळे पहिल्यांदा १~२ चकरा मारायला लागल्या तरि सरकारी बँकाच नंतर चांगल्या ठरतात.

पिवळा डांबिस शनिवार, 12/03/2011
>>मला आतापर्यंत सारस्वतचा चांगला अनुभव आला आहे. तिथे सारस्वतांचा असं हवं! :) तरी अनेक धन्यवाद! नीट न वागणारा सारस्वत ही बाजारात मासे न आल्याची खूण आहे!!!! बाकी मनोरंजक धागा!! चालू द्या...

विंजिनेर शनिवार, 12/03/2011
आता या पॉलिसीपेक्षा वेगळे आणि चांगले पर्याय उपलब्ध असल्यास माहित नाही,
जर तुम्ही हाय-रिस्क ग्रुप (वय>७० आणि गृहकर्ज २०वर्षात फेडायचे आहे इ.) तरच अशी लाईफ पॉलीसी गरजेची असते. तरूण, कमावत्या वयोगटातील कर्जदार लोरिस्क असतो म्हणजेच तुमच्या पॉलीसीने टाटा एलायजीचा फायदाच होतो :)

रेवती शनिवार, 12/03/2011
कलंदर बाई, अगदी व्यवस्थित प्रतिसाद आहे. धन्यवाद! बड्या माशांपेक्षा कधी कधी छोटे मासे चांगली सेवा देतात याचे उदाहरण.:)

मैत्र शुक्रवार, 11/03/2011
सर्वात उत्तम आणि consistent अनुभव / सर्विस... कुठली कागदपत्रे लागतात त्याचा एक पत्रक तिथे ठेवलेलं असतं. चौकशी साठी गेलात तर सर्व बाबी जाणून, तुमची सॅलरी स्लिप पाहून लाखाला किति हप्ता मिळेल ते व नेमकी कुठली कागदपत्रं तुम्हाला सादर करावी लागतील हे लगेच सांगितलं जातं. फॉर्म घेऊन तो नीट भरून, जर त्यांनी मार्क केलेले सर्व दस्तावेज नीट आणले तर पुढच्याच फेरीत तिथेच कर्ज फायनल होतं. दोन तीन दिवसात मंजुरी पत्र (sanction letter) आणि आठवड्यात हवा तेवढा हप्ता (बिल्डर अ‍ॅग्रीमेंट आणि बांधकाम स्थिती प्रमाणे) मिळतो. एप्रिल / मे मध्ये गेलात तर पाच मिनिटात गेल्या वर्षीचं स्टेटमेंट आणि येत्या वर्षासाठी प्रोविजनल स्टेटमेंट (तुमच्या फायनान्स / टॅक्स विभागाला सादर करण्यासाठी) मिळतं. अतिशय तत्पर सेवा. सर्व बँक आता गृहकर्ज कव्हर करणारा विमा उतरवण्याची सूचना करतात. सुमारे २४ - २५ हजार एक रकमी भरले तर १० लाखाचं कर्ज कव्हर होतं. किंवा सुमारे १०० रुपये जर तुमच्या हप्त्यात वाढवले तर ती रक्कम (एक रकमी प्रिमियम) तुमच्या कर्जात धरली जाते. विमाधारकाचा मृत्यू झाल्यास बाकी असलेलं कर्ज विम्यातून सांभाळलं जातं. आय सी आय सी आय तुमच्या मागे लागून कर्ज देते. पण बरेचदा त्यांचे लोक हे नवशिके असतात. फॉर्म्स नीट भरले जात नाहीत. माहिती अर्धवट असू शकते. ही बँक अनेक क्लॉजेस बदलण्यात पटाईत आहे. एच डी एफ सी कोथरूड शाखा करिष्मा समोर - किमया हॉटेल शेजारी आहे जी विकांताला चालू असते. (ही जाहिरात नाही. उत्तम स्वानुभव असल्याने सुचवावेसे वाटले.) बिल्डरने अपेक्षेपेक्षा जास्त हप्ता आधी मागितला होता. एच डी एफ सी ने चार दिवसात चौकशी करून, प्रत्यक्ष साईटला भेट देऊन मला कळवलं की अजून काम झालेलं नाही. बिल्डर जास्त मागतो आहे. आम्ही नाकारू शकतो. तुमच्या गरजेप्रमाणे सांगा. प्रत्यक्ष भेटायला गेल्यावर मॅनेजर ने सल्ला दिला. बिल्डर नामवंत आहे अगदि फसवणार नाही. तुम्ही आत्ता जास्त रक्कम घ्या. व्याज दर वाढतील. तुम्हाला आत्ता फायदा होईल जास्त रक्कम आधी घेतल्याचा. (disbursement) तसेच घडले.

निनाद मुक्काम … शुक्रवार, 11/03/2011
अरे कोणी अनिवासी भारतीयांसाठी कोणती बँक चांगली मुळात भारतात घर घेणे हे गुंतवणूक म्हणून योग्य का ? ह्या बद्दल स्वताचे अनुभव सांगा यु ए ई व लंडन ला आपली लोक बक्कळ सल्ला द्यायला होते . येथे आपल्या लोकांची टंचाई आहे .

विलासराव शनिवार, 12/03/2011
मी घराजवळच्य स्टेट बँकेत गेलो , जिथे माझे बचत खातेही आहे तर तेथील साहेबांनी मला सुचवले की तुम्हि ऑपेरा हाउस ब्रँचला जा. मी- माझे येथे खाते आहे आनी मला जवळही आहे . ते- बरोबर आहे पण तुम्हाला सांगतो की येथे प्रोसेसिंगला फार वेळ जातो. तुमच्याच फायद्यासाठी सांगतोय. मी - मि म्हणालो चालेल , मला फार घाई नाही तरीही किती दिवस लागतील? ते- त्यांच्या लक्षात आलं मग म्हणाले ईथे लोड फार आहे तेंव्हा तुम्ही तिकडेच जा, तिकडे लगेच काम होईल. मी- बरं मला हे कागदपत्र पाहुन अंदाजे किति लोन मिळेल ते तरी सांगा? ते- अहो ते तिकडेच अगदी १५ मिनिटात सांगतील. मी- मग तुमचं नाव काय आहे मी तिकडे सांगतो की या साहेबांनी मला पाठवलं म्हनुन. ते- नको नको असं बोलु नका तिकडे . मग कपाळावर आठ्या पाडुन म्हनाले राहुद्या हे पेपर ईकडे मी करतो . ८ दिवसांनी या. मी- बरं मी तिकडे प्रयत्न करतो पन नाही झाले लवकर तर मग परत तुमच्याकडे येतो. ते-हो हो या या. मग मी ऑपेरा हाउस ब्रँचला गेलो. रिसिप्शनला मला सांगीतले त्या केबीन मधे गेलो. ५ मिनीटे उभा राहिलो तेथे एक तरुण साहेब होते, ते मोबाईअलवर बिझी. माझ्याकडे लक्षच नाही. मग मीच समोर जाउन बसलो. मग त्यांनी नाखुशीनेच मोबाईल बंद केला कारण जे बोलणे चालले होते ते खासगी होते आनी मी समोर बसुन ऐकत होतो. मग म्हनाले काय आहे? मी-होम लोन पाहीजे. ते- किती पाहीजे? मी- माझे पेपर पुढे केले. किती मिळु शकतील ते सांगा. आनी प्रि सँक्शन लेटर हवय. त्यानुसार मला ठरवता येईल कुठे घर घ्यायचं ते. ते- तुमचं खातं तर उइनिअन बँकेत आहे तिकडे का नाही घेत? मी- तुमचा व्याजदर कमी आहे म्हणुन. ते- मग मार्चनंतर या आता खुप कामं आहेत. मी- माझंही कामच आहे , ते करणं हा तुमच्या कामाचाच भाग आहे, नसेल तर तसं सांगा मग मी वरीष्टांकडे जातो. ते- काहीतरी हिशोब केला आनी म्हणाले तुम्हाला १४ लाख लोन मिळेल. मी- सर १४ लाखात मुंबईत घर मिळते का? मला तर याच पेपर्स वर जास्त लोन मीळेल असं माहिति आहे. पन असु द्या मग मला माझ्या अगोदरच्या घरावर काही कर्ज मिळेल का ज्यावर अजिबात लोन नाही जे ३ वर्ष जुनं आहे? ते- नाही. मी- का? मी जर लोन नाही भरले तर ते घर तुम्ही जप्त/निलाव करा. ते- प्रसन्न हसले. मग म्हणाले ही काय आयसीआयसीआय बँक आहे का? स्टेट बँक शासकीय बँक आहे आनी आमचा उद्देश तुम्हाला घर देण्याचा आहे . तुमचं घर काढुन घेण्याचा नाही. मी- खरच तुमची बँक चांगला विचार करतेय. पण तुम्ही घर निलाव करायच्या वेळेपेक्षा आधी घर घेताच येउ नये असा विचार करतेय अस माझा समज झालाय आता. मग मि त्यांची रजा घेतली. माझे अकाउंट आहे त्या युनियन बँकेत गेलो. माझं करंट आनी बचत खाते तुमच्याकडे आहे, मला होमलोन हवय. त्यांनी पेपर पाहीले आनी सांगीतले की १४.५ लाख मिळेल. मी नाराज झालो असं वाटले की आता घराचा नाद सोडुन द्यावा कारण दोन्ही बँकांनी एकच सांगीतले आहे. मग मी माझ्या ओळ्खीच्या युनिअन बॅंकेच्या शाखेत गेलो जिथे माझे मेव्हने काम करतात. तर तिथे त्या साहेबांनी पेपर घेतले आनि २ दिवसांनी यायला सांगीतले. २ दिवसांनी गेलो तर त्यांनी सांगीतले ४४-४५ लाख लोन मिळेल. मी अवाक झलो. मी म्हनालो साहेब व्यवस्थीत पहा पेपर. त्यांनी पुन्हा हिशोब केला आन म्हणाले ३३. मी परत पहा साहेब म्हणाले २७ लाख. मी- मला प्रिसँक्शन लेटर द्या मह २ दिवसांनी लेटर दिले ते २५ लाखाचे. अर्थात मला २०-२२ लाखच लोन हवं असल्याने मि ते घेतले. आता जेंव्हा चेक द्यायची वेळ येईल तेंव्हा काय होतय ते पहायचं आहे. असा आहे हा बँकांचा अजब कारभार.