अंतर

म — मिसळलेला काव्यप्रेमी,
तुझ्या माझ्यातील अंतर........ तसे बर्हीगोल भिंगाच्या आरशातील प्रतिबिंबासारखे..... कितीही दुरावले....... तरी...... जवळ भासणारे.......... ................. अंतरे वाईट नसतातच............... अंतरांची कारणे मात्र वाईट असू शकतात.......... .............. भरभरून कोसळ्णारा पाऊस........ एक न टाळता आलेली रणरणती दुपार.................... जीवाला घोर लावणारी कातरवेळ..................... ह्रदयाच्या अंतापर्यंत पोहचणारी उत्तररात्र..................... अन्.......... या सगळ्यांना गोळा करून........... भारलेल्या डोळ्यात दाटणारी पहाट.................. ....................... बहुदा हि एवढी कारणे पुरेशी असतात..................... अंतरांना वाईट ठरवायला.................. |- परीकथेतील राजा -| (१०/१२/२०१०)
3086 वाचन
💬 प्रतिसाद (19)

टारझन
Fri, 02/25/2011 - 13:32 नवीन
ते डॉट डॉट आवडले .. परंतु मधे मधे जे शब्द घातलेत ना तुम्ही .. ते एकदमंच चिवड्यातल्या खौट शेंगदाण्यांपरमाणे आहेत बघा :) पुढच्या टायमाला तेवढे काढता आले तर बघा .. बाकी कविता फक्कड ! :) - मुंबापुरीतील ख्वाजा

मिसळलेला काव्यप्रेमी
Fri, 02/25/2011 - 13:54 नवीन
व्वा..... कळली की कविता तुम्हाला........
↩ प्रतिसाद: टारझन

टारझन
Fri, 02/25/2011 - 13:40 नवीन
पुर्ण वाचलीस काय ? भाड्या , पार्टी पाहिजे .. प्रतिसाद द्यायला जिवंत राहिलास ना ?!!! हॅप्पी बड्डे !!
↩ प्रतिसाद: सुहास..

स्पा
Fri, 02/25/2011 - 13:43 नवीन
जल्ला, रात्र , दुपार, पहाट, अंतर.... कायच कल्ला नाय गणेशा काका, आणि प्रकाश काकांना नक्की आवडेल पण ;) -- चित्रपटकथेतील रांझ्हा

असुर
Fri, 02/25/2011 - 16:39 नवीन
स्पायल्या, मेल्या तुला समज नाय अजून! मधल्या प्रत्येक डॉटला एक अक्षर टाक आणि वाचून पहा. क्रिप्टीक आहे सॉळ्ळीट!! टार्‍या म्हणतोय ना, ते खरंय!! इतक्या क्रिप्टीक कवितेत मध्येच शब्द लिहीलेत.. श्या!!! --असुर
↩ प्रतिसाद: स्पा

सुहास..
Fri, 02/25/2011 - 16:54 नवीन
कविता चांगली आहे. >>> कविता खरोखरच चांगली होती हो जागु ताई, गेली बिचारी मागच्या वर्षी (कोणाचा तरी हात धरुन ;) )
↩ प्रतिसाद: जागु

वपाडाव
Mon, 02/28/2011 - 12:44 नवीन
अवांतर : बरंच लेट झालं फेफरात याला. (कविता प्रकरण) हामाला वाटलं आतापस्तुर बोभाटा झाला असंल.... ;-)
↩ प्रतिसाद: सुहास..

कच्ची कैरी
Fri, 02/25/2011 - 14:06 नवीन
>>अंतरे वाईट नसतातच............... अंतरांची कारणे मात्र वाईट असू शकतात अंतराची कारणे वाईट असु शकतात हे समजु शकते पण अंतरे वाईट नसतातच असे कसे?

मिसळलेला काव्यप्रेमी
Fri, 02/25/2011 - 15:06 नवीन
कारणाशिवाय अंतरे निर्माण होत नाहीत. म्हणुन कारण वाईट अंतर नाहीच
↩ प्रतिसाद: कच्ची कैरी

लवंगी
Fri, 02/25/2011 - 14:14 नवीन
अंतर कस छान्छान .............. वापरुन कल्पकतेने दाखवलय... परा हूशार आहेस हो...

पैसा
Fri, 02/25/2011 - 23:27 नवीन
पुन्हा तेच! परा म्हटलं की आलं कन्फुजन.....
↩ प्रतिसाद: लवंगी

विजुभाऊ
Fri, 02/25/2011 - 15:04 नवीन
तसे बर्हीगोल भिंगाच्या आरशातील प्रतिबिंबासारखे..... कितीही दुरावले....... तरी...... जवळ भासणारे.......... एक गडबड झाली आहे. तुम्हाला नक्की भिम्ग म्हणायचे आहे की आरसा. बहीर्गोल भिंगातुन दिसणारी वस्तु काही अंतरापर्यन्त मोठी ( एन्लार्ज्ड) दिसते पण त्यानन्तर उलटी आणि छोटी दिसते . भिंगातुन प्रतिमा मिळते प्रतिबिंब नाही.ही खरी प्रतिमा असते. बहीर्गोल आरशातुन प्रतिमा मिळत नाही पण प्रतिबिंब दिसू शकते. ते वास्तवात असते त्यापेक्षा दूर अम्तरावर दिसते. लहान दिसते. ( उदा बाईकचा ओरीजनल आरसा. बाकी कविता लिहिण्याच्या प्रयत्नाबद्दल स्वागत. पु ले शु

मिसळलेला काव्यप्रेमी
Fri, 02/25/2011 - 15:10 नवीन
तसे बर्हीगोल भिंगाच्या आरशातील प्रतिबिंबासारखे..... असे नसुन तसे बर्हीगोल आरशातील प्रतिबिंबासारखे..... असे म्हणायचे होते. चुक दाखवुन दिल्याबद्द्ल शतशः आभारी आहे.
↩ प्रतिसाद: विजुभाऊ

प्रकाश१११
Fri, 02/25/2011 - 16:31 नवीन
परीकथेतील राजा - भरभरून कोसळ्णारा पाऊस........ एक न टाळता आलेली रणरणती दुपार.................... जीवाला घोर लावणारी कातरवेळ..................... ह्रदयाच्या अंतापर्यंत पोहचणारी उत्तररात्र..................... अन्.......... या सगळ्यांना गोळा करून........... भारलेल्या डोळ्यात दाटणारी पहाट................. हे सगळे मस्त वाटले.पु.ले.शु.

आत्मशून्य
Fri, 02/25/2011 - 21:22 नवीन
म्हणून त्याजागी स्वतःच्या मनाचे शब्द घातले आन कविता एकदम फक्कड वाटली