याहो याहो पाव्हणं तुम्ही

दिवसा र्‍हाती तुमची घाई
जरा बोलाया वेळच न्हाई
कसं व्हाव मग मन मोकळं
नका वेळ वाया घालू फुका
माझ्या जीवाची उलघाल जरा तुम्ही पुसा ||१||

मी बाई राही एकटी घरात
दिस सरून जाई सरेना रात
सोबतीला तुम्ही याहो
तग धरला कसाबसा
माझ्या जीवाची उलघाल जरा तुम्ही पुसा ||२||

थोडं मी बोलते थोडं तुम्ही बोला
दिसभराची ख्याली विचारा
रात आपलीच आहे विसरू नका
माझ्या जीवाची उलघाल जरा तुम्ही पुसा ||३||

- पाषाणभेद (दगडफोड्या)
१७/०२/२०११