Skip to main content

सुपरबॉल स्पेशल हालपिनो पॉपर्स

लेखक स्वाती२ यांनी रविवार, 06/02/2011 03:46 या दिवशी प्रकाशित केले.
या वर्षी कोल्टस बाहेर पडल्याने मला टीम नाहिये. नवरा ग्रीन बे च्या बाजुने तर लेक स्टिलर्सच्या. पण असे असले तरी सुपरबॉलच्या निमित्ताने चरणे हे हवेच. तेव्हा खादाडीसाठी पेश करतेय हालपिनो पॉपर्स साहित्य १२ हालपिनो मिरच्या ४ औस लो फॅट क्रिम चिझ मऊ करुन १/२ कप शार्प चेडर चिझ १/२ चमचा पाप्रिका किंवा १/४ चमचा तिखट १/२ चमचा जिरे पावडर आवडत असल्यास एक लसुण पाकळी बारीक किसून १/४ कप ब्रेड क्रंब्ज कृती एका बोलमधे दोन्ही प्रकारचे चिज, पाप्रिका, जिरे पावडर आणि लसुण एकत्र करुन घोटून एकजीव करा. मिरच्या स्वच्छ धुवुन कोरड्या करा. डेठ काढून मधोमध उभ्या चिरुन त्यातील बीया काढून टाका. आता त्यात चिजचे मिश्रण भरुन घ्या. एका बेकिंग ट्रेला फॉईल लाऊन त्याला तेल लावून घ्या. भरलेल्या मिरच्याचा वरचा भाग ब्रेड क्रंब्जमधे घोळवून मिरच्या ट्रे मधे ठेवा. ३०० फॅ. ला ओवन गरम करुन त्यात या मिरच्या ३० मिनिटे बेक करा.
वाचने 4922
प्रतिक्रिया 20

प्रतिक्रिया

बबलु रविवार, 06/02/2011 05:31
मस्त पाकृ ! तों.पा.सु. बाकी हालपिनो पॉपर्स खाऊन वर्ष लोटलं. अर्थातच घरी करायचा उत्साह नव्हता. बिलियर्डस खेळायला गेल्यावर मधून मधून चकणा म्हणून ऑर्डर करायचो. :) :)

बेसनलाडू रविवार, 06/02/2011 14:48
काय बोललास मित्रा!! बिलिअर्ड्स चे सगळे दिवस आठवले. गेले ते दिन गेले :( (स्मरणशील)बेसनलाडू हॅलापिन्यो पॉपर्स बाकी लई भारी. जेथे खायचो तेथे ते आप्पे किंवा बटाटावड्यांसारख्या गोलाकार रूपात मिळायचे. आकार एखाद्या ढब्बूसारखा. वरील पॉपर्सचा आकार, रंगरूप एकदम वेगळे आहे. (खवय्या)बेसनलाडू

स्वाती२ सोमवार, 07/02/2011 00:24
हालपिनो पॉपर्स बॅटर मधे बुडवून तळल्या तर वड्याप्रमाणे दिसतात. मी पुर्वी तशा करायचे. पण आता तळणे बंद आहे म्हणून ह्या बेक केलेल्या. :)

वडिल रविवार, 06/02/2011 06:12
शुचीताइ बघ्.. हि अशी हवी सुपरबॉल रेसेपी... एकदम अमेरीकन नाहितर तुझ काय ते देसी भाकरी,खर्डा, वांग्याच भरीत,कांदा, लोणी, मटकी ची उसळ आणि ताक... हॅ काहितरी अमेरीकन शिका आता.

शुचि रविवार, 06/02/2011 18:54
देसी भाकरी,खर्डा, वांग्याच भरीत,कांदा, लोणी, मटकी ची उसळ आणि ताक .................... आआआआआआआईईईईईईईईईईईईईईईईई गगगगगगगगगगग!!!!!!!!!!!!!!!! तोंपसु

वडिल रविवार, 06/02/2011 22:17
करत बसा नुसते आइइइइइइइइइइइ आइइइइइइइइइइइइइइ तिकडे अमेरीकन मुलं बीया काढलेले हालपीनो खाउन कुठल्या कुठे गेले. तुम्हि बसा खर्डा खात. म्हणुन भारताची प्रगती होत नाहि.

स्वाती२ रविवार, 06/02/2011 06:16
माझा लेक डझनभर आरामात खातो. बीया काढुन टाकल्याने तिखटपणा कमी होतो. अगदी माईल्ड हव्या असतील तर ४० मिनिटे बेक करायच्या.

वडिल रविवार, 06/02/2011 06:23
हे असे काहि मेनु वर असेल तर मी सुध्दा अख्खा ट्रे संपवेन नंतर लिटर भर डाएट कोक आणि केक खाल्ला म्हणजे काही तिखट वाटत नाहि.

स्वाती दिनेश रविवार, 06/02/2011 12:33
फोटो आणि पाकृ दोन्ही ए-वन! स्वाती

स्वाती२ सोमवार, 07/02/2011 00:25
सर्व वाचकांचे आणि प्रतिसादकांचे आभार!

लवंगी मंगळवार, 08/02/2011 05:10
आधी नाहि पाहिली ही रेसिपी, उगीच दुकानातुन आणले...

चित्रा बुधवार, 09/02/2011 05:16
असे परवा करून पाहिले. छान झाले हलापिनो पॉपर्स.