दु:ख आता फार झाले
दु:ख आता फार झाले
स्वप्नही लाचार झाले
दु:ख आता फार झाले
झोपलेले ते निखारे
जाग येता गार झाले
झुंजण्याची वेळ येता
शौर्य-धैर्य बिमार झाले
झुंजणारे वीर खंदे
आरशांचे हार झाले
खेळ येथे माकडांचे
या भुईला भार झाले
पान कोरे अक्षरांना
सांगते आचार झाले
बांधलेली भोवताली
भिंत होती दार झाले
उत्तरांना पेलताना
प्रश्नही बेजार झाले
“अभय”तेच्या ’त्या’ नशेचे
बंद आता बार झाले
...............गंगाधर मुटे...........
वाचने
1675
वाचनखूण
प्रतिक्रिया
5
गंगाधर मुटेजी-
स्वप्नही लाचार झाले
दु:ख आता फार झाले
झोपलेले ते निखारे
जाग येता गार झाले
खूप छान आणि मस्त लय. आवडली
झोपलेले ते निखारे
जाग येता गार झाले
झुंजण्याची वेळ येता
शौर्य-धैर्य बिमार झाले
हे आवडले.
साहेब, ह्या सगळ्या कवितांचा एक संग्रहच प्रकाशित करून टाका आता!
In reply to साहेब, ह्या सगळ्या कवितांचा by स्वानन्द
१० नोव्हेंबर २०१० रोजी माझा "रानमेवा" हा पहिला काव्यसंग्रह प्रकाशित झाला आहे. अधिक माहिती साठी येथे भेट द्यावी.
http://gangadharmute.wordpress.com/ranmew/prsh/
एकेक शेर खणखणीत आहे... जबरदस्त!!
गंगाधर मुटेजी- स्वप्नही