आजकाल महागाई फारच वाढल्याने कुणालाही कामावर ठेवणे परवडत नाही. सगळी कामे (स्वैपाकासहीत) स्वतःलाच करावी लागतात.

'नाही' ला मत दिलेले आहे. ( हे मत केवळ आनी केवळ आरोग्याशी निगडित असलेल्या कामांसाठीच व्यक्त केलेले आहे. ) त्यानां इतर ठिकानी कामावर ठेवान्यात काहीच हरकत नाही (उलट आनंद होइल). जसे सोसायटी वाचमन, ईलेक्ट्रीक वर्कमन. बागकाम माळी. हल्ली सोसायट्यांमध्ये भरपुर काम करनारे हवे असतात, ज्यांचा आपल्या आरोग्याशी प्रत्यक्ष संबंध येत नाही. त्यांचे पुर्नवसान महत्वाचे पण त्यासाठी आपले आरोग्य धोक्यात घालने शहानपणाचे नाही.

हो ला मत दिले आहे. जोपर्यंत त्यांच्या व आपल्या बॉडी फ्लुइड्सचा संबंध येत नाही तोपर्यंत काहीच हरकत नाही. अवांतरः डेंटिस्ट दात कोरायला जे ड्रिल वापरतात त्याची ड्रिलबिट प्रत्येक वेळी ऑटोक्लेव्ह मधून काढलेलीच वापरतात का? तसेच रूट कॅनॉल करताना जे रीमर (तारसदृश वस्तू जी दातातल्या मुळातील भोकात घालतात) वापरतात ते प्रत्येकवेळी ऑटोक्लेव्ह करून घेतात का?

हो किंवा नाही हे आताच ठरवू शकत नाही म्हणून इतरला मत दिले. सर्वप्रथम येथे गरज कुणाची आहे हे कळले नाही. गरज माझी आहे कारण मला कामासाठी व्यक्ती हवी की गरज एचआयव्ही पॉझिटिव्ह व्यक्तीची आहे कारण तिला कामाची गरज आहे? का एचआयव्ही पॉझिटिव्ह व्यक्तीला नोकरी देणे ही माझी गरज आहे? तूर्तास, गरज दोघांची आहे असे मानू पण माझी गरज आणि एचआयव्ही पॉझिटिव्ह व्यक्तीची गरज वेगवेगळी असू शकते हे ही लक्षात घेण्याजोगे आहे. माझी गरज -

• स्वयंपाकासाठी व्यक्ती हवी.
• ती व्यक्ती निरोगी हवी. (याचा एचआयव्ही पॉझिटिव्ह असण्याशी संबंध नाही)
• ती व्यक्ती स्वच्छ हवी.
• तिने खाडे करून चालणार नाही.

बाकी पगाराबाबत वगैरे येथे देत नाही. एचआयव्ही पॉझिटिव्ह म्हणजे रोगांनी बाधीत असे नाही परंतु सदर व्यक्ती ठीकठाक असून निराश झाली असेल किंवा सतत दु:खी राहत असेल, आपल्या वंचनेत मग्न असेल तर अशा व्यक्तीला माझ्या डोळ्यासमोर ठेवणे आणि सहन करणे माझ्या मनाला/ कुटुंबाला परवडेल असे नाही. असे काही असेल तर मी बहुधा अशा व्यक्तीला नोकरी देणार नाही. आणखी एक, माझ्याकडे काम करणार्‍या कुणाचीही तुम्ही एचआयव्ही बाधीत आहात की नाही अशी चौकशी मी स्वतःहून केलेली नाही आणि करणार नाही. माझी मुख्य गरज जर समाज प्रबोधन करणे, एचआयव्ही पॉझिटिव्ह व्यक्तीची मदत करणे वगैरे असेल तर नक्कीच मी त्या व्यक्तीला नोकरी देण्याचा विचार करेन.

नाही ला मत दिले आहे. स्वयंपाक करतेवेळी कापले जाणे, किसताना जखमा होणे हे बरेचदा घडते. त्यामुळे थेट रक्ताशी संबंध येण्याची शक्यता असल्याने मी ह्या व्यक्तीस बहुदा स्वयंपाकास ठेवणार नाही. मात्र इतर कामाची गरज असल्यास (जसे केर काढणे, धुणी घुणे, गाड्या धुणे वगैरेसाठी हरकत नसेल).

एच.आय.व्ही.चा विषाणू मानवी शरीराबाहेर फार काळ जिवंत राहू शकत नाही. अन्न शिजवण्याने (विशेषतः भारतीय पध्दतीचे शिजवणे) तो मरतो. त्यामुळे स्वयंपाक्याचे रक्त सांडलेले सॅलड त्याने चिरल्यावर काही मिनिटांत खाणे वगैरे गोष्टी टाळल्या तर यात काहीच धोका नाही.

"होय" हॉटेलात* स्वयंपाकी एचआयव्ही पॉझिटिव्ह असला किंवा नसला म्हणून काही फरक पडत नाही. (घरी स्वयंपाकी ठेवायची शक्यता जवळजवळ शून्य असल्याकारणाने असा वेगळा विचार केला.) कुठल्याही स्वयंपाक्याने स्वच्छता राखण्याबद्दल काटेकोर असावे. एचआयव्ही नव्हे, तर अन्य रोगांचा प्रसार अन्नातून होऊ शकतो. स्वयंपाकी हात धूण्याच्या बाबतीत चुकार असल्याचे कळले, तर तशा कुठल्याही हॉटेलात जेवावेसे वाटणार नाही. (*हॉटेल = खानावळ, वस्तीचे ठिकाण नव्हे)

फक्त जर ती व्यक्ती To die for! असेच अन्न बनवु शकत असेल तरच! :P नाही. स्वयंपाक घरात नाही ठेवणार असे वाटते. स्वयंपाकघरा पेक्षा बाहेरचे काम देणे पसंत करेन.

नाहीला मत दिले आहे. च्यायला, आम्ही काहीतरी 'टिप्पणी' करायचो आणि मग त्यामुळे चिडून त्या व्यक्तीने आम्हाला "टोचण' दिले की झाला का वांदा!

माझ्या मित्राला व त्याच्यापासुन त्याच्या पत्नीला एडस झाला आहे. त्याच्याशी बोलत बसताना,त्याच्या घरी चहा पिताना किंवा त्याच्याशी हस्तांदोलन करताना कधी विचार करत नाही.