✍ मराठी साहित्य, संस्कृती आणि लेखनाचे व्यासपीठ

नार देखणी..(लावणी)

— प्राजु,
नार देखणी, जणू मोरनी, थिरके हिरव्या रानी नजर कट्यारी, टंच उभारी, मुसमुसलेली ज्वानी अहो राजसा, जवळी बसा, ऐकून घ्या मागणी माझी... ऐकून घ्या मागणी.. मान वळविते, जरा झटकते, डौल हंसापरी असा शिणगार, नव रत्नहार, गोर्‍या कांतीवरी विशाल भाळी, आणा बिंदली, लखलख चंद्रावाणी माझी... ऐकून घ्या मागणी.. गर्भ रेशमी, रंग कांचनी, शालू हा भरजरी मखमल चोळी, निळी जांभळी, नक्षी काठावरी कमर साजिरी, बंद चंदेरी, घाला मज आणुनी माझी... ऐकून घ्या मागणी.. धुंद गारवा, मनी काजवा, लुकलुक करतो भारी विडा केशरी, रंगतो परी, मैफ़िल सजते न्यारी बसा पळभरी, देह कस्तुरी, लुटेल दुजा कुणी माझी... ऐकून घ्या मागणी.. - प्राजु
4560 वाचन
💬 प्रतिसाद (21)

टारझन
गुरुवार, 01/20/2011 - 13:16 नवीन
वा! वाचतानाच ठेका आपोआप येत जातो.
अगदी !! :) लावणी फक्कड आहे :) -(चौफुल्या वरचा) नारायण नाद करी
↩ प्रतिसाद: रेवती

असुर
गुरुवार, 01/20/2011 - 03:33 नवीन
लावणी जमून गेली आहे! जरा ठेक्यात वाचायचा प्रयत्न केल्यास रामजोशींच्या 'सुंदरा मनामध्ये भरली' प्रमाणे रचना आहे असं वाटून गेलं! म्हणजे शाहीर पहिली ओळ म्हणतो आहे 'नार देखणी, जणू मोरनी, थिरके हिरव्या रानी' आणि मागाहून कोरस येतो आहे 'थिरके हिरव्या रानी'.... जमतंय खासच!! :-) पण इथे शाहीर गात नसून स्वत: नर्तकी गाते आहे असा भाव आहे लावणीचा. ये ब्बात!!! पण केवळ, 'सुंदरा'चे संस्कार आहेत असं वाटल्याने शाहीर स्वत: गायले असते तर मजा आला असता! मस्तच! --असुर

प्रकाश१११
गुरुवार, 01/20/2011 - 05:52 नवीन
मान वळविते, जरा झटकते, डौल हंसापरी असा शिणगार, नव रत्नहार, गोर्‍या कांतीवरी विशाल भाळी, आणा बिंदली, लखलख चंद्रावाणी मस्त लावणी. वा !!

राघव
गुरुवार, 01/20/2011 - 23:23 नवीन
असेच म्हणतो! :) राघव
↩ प्रतिसाद: अनामिक

दत्ता काळे
गुरुवार, 01/20/2011 - 09:52 नवीन
नार देखणी, जणू मोरनी, थिरके हिरव्या रानी नजर कट्यारी, टंच उभारी, मुसमुसलेली ज्वानी अहो राजसा, जवळी बसा, ऐकून घ्या मागणी माझी... ऐकून घ्या मागणी.. .. लावणीचा फिट्ट बाज जमलाय मस्तं.

महेश काळे
गुरुवार, 01/20/2011 - 13:55 नवीन
--------------------------------------------------------- गर्भ रेशमी, रंग कांचनी, शालू हा भरजरी मखमल चोळी, निळी जांभळी, नक्षी काठावरी --------------------------------------------------------- ठसकेबाज लावणी !!! वाह वाह...

सुधीर काळे
गुरुवार, 01/20/2011 - 15:23 नवीन
वा प्राजू! अगदी मस्त. नर्तिकेची छबी डोळ्यासमोर उभी केलीस. शेवटी "म्हणे होनाजी हाssssssssssssssssss!" सारखी तुझ्या नावाची एक ओळ टाकता आली असती तर मजा वाढली असती! पण आहे तशी सुद्धा मस्तच जमली आहे.

चित्रा
Fri, 01/21/2011 - 01:58 नवीन
लावणी सुरेख आहे. लावणी पेश करणारीचे चित्र डोळ्यासमोर उभे राहते. पण प्राजुकडून या नेहमीच्या माहिती असलेल्या (तशा जुन्या) विश्वापेक्षा वेगळ्या काहीतरी कविता लिहील्या जाव्यात असे वाटते. चांगल्या कवीवर जबाबदारीही जास्त असते. :)