प्रार्थना किटक

रविवारी सकाळी येऊरच्या डोंगरात भटकताना हे महाशय दिसले. प्राणी नुसता धीटच नाही तर हौशी निघाला. बेट्याने स्वतःचे मनसोक्त चित्रण करुन घेतले. पायवाटेने जाताना लक्ष गेले तर हा मस्त कोवळे उन खात बसला होता. पाय पानावर ताणुन कुठे भक्ष्य दिसतय का याची पाहणी चालली असावी त्याचे फोटु काढतो म्हणताना त्याने थोबाड माझ्याकडे केले - 'चल काय काढायचे ते फोटु काढ नी हो पुढे' लाल पिवळ्या पानावर तो हिरवागार किडा खुलुन दिसत होता जागा बदलत मी पवित्रा घेतला आणि त्यानेही आपले नाव सार्थ करणारी अवस्य्था धारण केली माझा मित्र त्याला जवळुन टिपायच्या नादात इतका जवळ गेला, की साहेब थेट त्याच्या क्यामेर्‍यावरच उतरले ते मजेशीर दृश्य टिपत असताना माझ्याकडे वळत त्याने मस्त पैकी हास्य चेहेर्‍यावर खेळवले - 'अगदी क्लोज अप स्मितहास्य'