आमचा विकांत हा नेहमी स्पेशल असतो (कसला डोंबलाचा स्पेशल काय माहीत ? पण आपल ते स्पेशल आण दुसर्‍याच ते ... असो असे म्हणायची पध्दत आहे ) तर, या शुक्रवारी, मी सुरुवात केली तीच मुळात रात्री नउ वाजता (तेच ते आयटी वाल्यांच सुप्रसिध्द कारण ). घरी भाजी नव्हती आणि भाज्यांची दुकाने बंद !! जाताना आमच नेहमीच राशनवालं खोपड उघड दिसलं आणि त्यात दोन ढब्बु मिरच्या दिसल्या .म्हटल शेंगदाण्याचा कुट घालुन ढब्बु मिरची अगदीच काही वाइट लागत नाही. पण विकांत म्हणजे स्पेश्शलच पाहिजे . आणि घरी आल्यावर मी जे काही केले ते कागदावर उतरवत आहे. या भाजीला काय नाव द्यावे मला माहीत नाही, पण जे काही झाल होत ते चटकदार आणि झणझणीत होते.तसाही आमचा ओढा जरा चमचमीत खाण्याकडे जास्तच आहे. १) बेसनपीठ घेतल. खमंग भाजुन घेतल, गठुळ्या होउ दिल्या नाहीत. २) मग ढब्बु मिरची चा, देठ काढुन त्याला असा काप मारला. ३) भाजलेल्या पिठात मीठ, लाल मिरची पुड आणि धनिया पुड घालुन एकत्र केली. ४ )चमचा वापरून हे मिश्रण ढब्बु मिरचीत घातल. ५ )त्यानंतर कढईत जिरे- मोहरी लाल मिरची पुड , हळद ,तेल याची फोड॑णी द्या , थोडे पाणी टाकल. पाण्याला उकळी आल्यावर ही ढब्बु मिरची त्यात सोडली , चांगली हलवुन घेतली एक उकळी आल्यावर माझ्या लक्षात आल की आतील बेसन शिजणार कसे मग जाउन त्याला एक मधुन काप मारला. जे काही झाले ते असे होते. ६) आणि हे फायनल !! ७ ) या जेवायला !!