Skip to main content

मन!

लेखक राघव यांनी बुधवार, 12/01/2011 19:00 या दिवशी प्रकाशित केले.
मन उगाच धावतं..कशापाठी वेडावतं! जसं लहानगं मूल प्रतिबिंबास धरतं.. मन उगाच उदास..सदा रुसल्याचा भास! जशी कोकीळाची साद अन्‌ नुसताच त्रास!! मन उगाच निस्तब्ध..काळजाचा थरकाप.. जसा स्तब्ध पाण्यावर, उठे तरंग..अश्राप! मन उगाच तत्वज्ञ, करी अनंत विचार.. जशी अळवाच्या पानी मोतियाची थरथर! मन उगाच अल्लड..दोन अश्रुंची झिम्मड! जशी पावसाची सर..अलगद..अलवार.. मनं जुळून येतात..हातांमधे दोन हात.. जशी रात्र दिवसाची उलगडते पहाट!! राघव
काव्यरस
अद्भुतरस
लेखनविषय:
वाचने 2653
प्रतिक्रिया 13

प्रतिक्रिया

बिपिन कार्यकर्ते बुधवार, 12/01/2011 19:02
आवडली!

यशोधरा बुधवार, 12/01/2011 19:06
आवडली कविता.
मन उगाच निस्तब्ध..काळजाचा थरकाप.. जसा स्तब्ध पाण्यावर, उठे तरंग..अश्राप! मन उगाच अल्लड..दोन अश्रुंची झिम्मड! जशी पावसाची सर..अलगद..अलवार..
हे मस्त!

नरेशकुमार बुधवार, 12/01/2011 19:17
मनं जुळून येतात..हातांमधे दोन हात.. जशी रात्र दिवसाची उलगडते पहाट!!
मला माझे लग्न झाल्यावर असाच अनुभव आला होता. बायकोचा हात हातात घेतल्यावर जे वाटले तो आनंद काय वर्णु, आज त्याला आप्ल्यामुळे शब्दरुप सापडले.

sneharani गुरुवार, 13/01/2011 11:51
मस्त कविता!!

राजेश घासकडवी गुरुवार, 13/01/2011 19:46
मन उगाच निस्तब्ध..काळजाचा थरकाप.. जसा स्तब्ध पाण्यावर, उठे तरंग..अश्राप!
हे विशेष आवडलं.

राघव शुक्रवार, 14/01/2011 11:03
तुम्हा सगळ्यांचे प्रतिसाद बघून खूप आनंद झाला! :) सगळ्यांचे मनःपूर्वक आभार. राघव