Skip to main content

वडिलांचे मुलीस पत्र

लेखक कच्चा पापड पक्का पापड यांनी मंगळवार, 11/01/2011 15:53 या दिवशी प्रकाशित केले.

प्रिय मुली,

सगळ्या घरांना दार असतात, पण सगळीच नसतात मायेची कोठार
हे शिकाशिलच तू कधी ना कधी.
मात्र हे ही लक्षात ठेव
की प्रत्येक उन्हात असते एक तरी शीतल सावली

अन प्रत्येक काट्यावर एखाद कोमल फूल
जीवघेण्या दरया असतात तसेच असतात झूलते पूल
दुष्ट माणसंच्या मनातही असते दडलेले कोवळे मूल

मला माहित आहे
सगळ्या गोष्टी शिकवल्यात आईने तुला
जमेल तेवढ पहात रहा उघड्या डोळ्यानी जग
जगायचा प्रयत्न कर चौकाटी वाचून

पण लक्षात ठेव
पक्ष्यानाही कस वाटत घरात अधारल म्हणून
तारुण्याची चव राखताना जागी राहू देत
तुझ्या मनात प्रेमळ आईची ऊब.

आणि वाटू दे घरादाराला तुझा आधार
कृष्णांन उचललेल्या गोवर्धनाखाली उभ राहिल्यासारखा

तुला हा धडा मिळू दे
की अकारण परिस्थितिला शरण जाण हा गुन्हा असतो
आणि अकारण बंड करून वादळ उठवण
हा ही असतो तितकाच प्रमाद

आपल्याला दुसरयान समजुन घेण्याआधी
दुसरयाला आपण समजुन घेण
हा ही असतो स्त्रित्वाचा महान प्रसाद

पण म्हणून जळु नयेस तू
परिस्थितिच्या कठोर मूर्ति समोर मूक उदबत्तीसारख
आणि असू नये तुझ्या ओठांवर कडवट चव
जळुन गेलेल्या उदाबत्तिच्या राखेसारखी

आपल्या कल्पना आपल्या निष्ठा
यावर विश्वास असावाच तुझा
पण उघडी असावीत तुझी सुजाण, समंजस कवाड
सर्वांना उघडी असलेल्या मंदिरा सारखी

निष्ठा जपण्याची जबाबदारी असते दुसरयाची
हे समजुन घेताना
मिटू नयेत दार तुझ्या आत्म्याची

ठिपक्या ठिपक्यन्ना जोडत साकारणार्या
रांगोळीसारख जोडणार असाव तुझ अस्तित्व
तहानलेल्या पाण्याइतक वाटाव
घरादाराला तुझ महत्व !

शेवटी एक सांगतो बेटा
प्रेम, सन्मान हे आहेत डोन्गरातुन मिळणारे प्रतिसाद
प्रतिसादासाठी घालावी लागते प्रथम
आपल्याच ओठातून साद

तोडणे सोपे जोडणे अवघड
ठावुक आहे तुला
पण कधीही समजू नकोस की
लग्नानंतर पाहुणी झालीस आम्हाला

भावाइतकच घर अजुनही तुझ आहे
पायाखालची वाळु सरकली तर
माहेर तुझ भक्कम आहे

झालेस काही विपरीत तर लिहशील पत्र
लक्षात ठेव
बापच असतो मुलीचा खराखुरा मित्र
--------------------*-----------------------

लेखनविषय:
लेखनप्रकार
वाचने 12866
प्रतिक्रिया 30

प्रतिक्रिया

नरेशकुमार मंगळवार, 11/01/2011 18:09

बापच असतो मुलीचा खराखुरा मित्र

एकदम मनातले वाक्य.

कविता काय वर्णन करु, अप्रतिम !

मागे मिपावर एका लेखात एक ऑस्कर अवार्ड मिळविलेल्या एक चलचित्राचि आठवन झाली.
Oscar Awarded Father and Daughter short animation movie असे काहितरी नाव होते.
कोनाला सापडेल तर द्याल का.
https://www.youtube.com/watch?v=MgdsfRDxIeQ

नरेशकुमार मंगळवार, 11/01/2011 18:20

बापच असतो मुलीचा खराखुरा मित्र

संपादकच असतो सदस्याचा खराखुरा मित्र. असे उगा वाटुन गेले.

छोटा डॉन मंगळवार, 11/01/2011 18:37

>>याच धर्तीवर "संपादकांचे सदस्यांस पत्र" वाचायला आवडेल

ओके, तसे तर तसे.
तसा आग्रह असल्यास हे शिवधनुष्य आम्ही उचलु असे सांगतो, मात्र नंतर व्यनीतुन श्या दिलेल्या ऐकुन घेणार नाही, ओके ?

अवांतर : ओरिजनल पत्र खुपच छान :) धन्यवाद.

- डॉन्या लिंकन*
(* नंदन, माफ कर रे बाबा, उगाच आपलं तुझ्या पदवीची झेराक्स गळ्यात बांधुन फिरतो आहे )

अवलिया मंगळवार, 11/01/2011 18:51

ओके, तसे तर तसे.
तसा आग्रह असल्यास हे शिवधनुष्य आम्ही उचलु असे सांगतो, मात्र नंतर व्यनीतुन श्या दिलेल्या ऐकुन घेणार नाही, ओके ?

हा हा हा !! जरुर उचला शिवधनुष्य !!
लिहि लिहि.. लवकर लिही

निदान त्यामुळे तरी तू लिहिता होशील

टारझन मंगळवार, 11/01/2011 18:58

हा डॉन्याच का एकटा सारखा सारखा ते धणुक्ष उचिलणार ?? ते क न चालणार बाकी लोकांच्या हाडांतील कॅल्शियम काय कमी झाले आहे ? ए कोण आहे रे तिकडे ? जागुकडची खुब्याची कॅल्शियमयुक्त भाजी घरपोच करा समद्यांच्या. आणि हा , ह्या डौण्याला नका देऊ , ऑलरेडी कॅल्शियम खुप आहे त्याच्या कडे. असो , अधिक प्रकाश गगनबिहारींसारखे जाणकार टाकतीलंच .

( मिपा वरच्या बेंद्रीणींना सुर्‍याचे पत्र लिहीण्याच्या विचारात ) टार्‍या म्हात्रे
ब ना ब कशी चालती ...

जागु मंगळवार, 11/01/2011 17:02

आपल्याला दुसरयान समजुन घेण्याआधी
दुसरयाला आपण समजुन घेण
हा ही असतो स्त्रित्वाचा महान प्रसाद

हे सगळ्यांसाठीच असाव.

छान आहे कविता.

Pearl बुधवार, 12/01/2011 08:19

>> आपल्याला दुसरयान समजुन घेण्याआधी दुसरयाला आपण समजुन घेण हा ही असतो स्त्रित्वाचा महान प्रसाद
>> हे सगळ्यांसाठीच असाव.

+१

बाकी कविता मस्तच!! आणि

भावाइतकच घर अजुनही तुझ आहे
पायाखालची वाळु सरकली तर
माहेर तुझ भक्कम आहे

झालेस काही विपरीत तर लिहशील पत्र
लक्षात ठेव
बापच असतो मुलीचा खराखुरा मित्र

या ओळी तर अप्रतिम!

५० फक्त मंगळवार, 11/01/2011 17:15

छान लिहिलंय,

हे असं मुलीला सांगु शकणारा बाप किति सुसंस्कारित असेल आणि त्याचं कुटुंब या सगळ्याचा हेवा वाटतो.

हर्षद.

स्पंदना मंगळवार, 11/01/2011 20:18

ओळ न ओळ भिडली मनाला.

एक कन्या म्हणुन , एक आई म्हणुन, एक व्यक्ति म्हणुन सार्‍या पैलुतुन झळाळुन उठणार एक उत्क्रुष्ट काव्य !

अन हे सांगणारा एक पिता !

पुलेशु कच्चा पापड .

प्राजु मंगळवार, 11/01/2011 20:27

अतिशय सुरेख!!! खूप आवडले.
बाबांची आठवण झाली.

'मुलीचा बाप ' हे नातं इतकं गुंतागुंतीचं आहे.. या नात्याला खूप पैलू आहेत. या कवितेमध्ये त्यातले काही उलगडून दाखवले आहेत नक्कीच. :)
पुलेशु.

ईन्टरफेल मंगळवार, 11/01/2011 21:03

'मुलीचा बाप ' हे नातं इतकं गुंतागुंतीचं आहे.. या नात्याला खूप पैलू आहेत.

या कवितेमध्ये त्यातले काही उलगडून दाखवले आहेत नक्कीच.>>

+१ सहमत

स्मिता. बुधवार, 12/01/2011 12:29

पत्र खूप आवडलं... बाबांची आठवण आली.

पण कधीही समजू नकोस की
लग्नानंतर पाहुणी झालीस आम्हाला

पायाखालची वाळु सरकली तर
माहेर तुझ भक्कम आहे

या ओळी वाचून तर डोळ्यात पाणी आलं. कोणत्याही लग्न झालेल्या मुलीला कधी ना कधी आपण एकटे आहोत अशी जाणीव होते. ती जाणीव तात्पुरती आणि बहुदा बिनबुडाची असते. पण अश्या मनस्थितीत वरील ओळी किती आधार देऊन जातील.