चला साळंत जाउया (शाळा)

हे बरं झालं. मस्तच! 'शाळा' आधीच वाचली असल्याने चित्रपट पहाण्याची उस्तुकता वाढली आहे.
धन्यवाद लालसा!

लेखही आवडला.

"शाळा" वाचताना त्यातले बरेच प्रसंग स्वतःशी रिलेट करता आल्याने मजा आली होती.
चित्रपटाने पोपट करु नये एवढीच अपेक्षा आहे. जालावर कधी येतोय त्याची वाट पहातोय.
पण त्या आधी कुणी तरी परिक्षण टाकले तर बर होईल. (अर्थात चित्रपट प्रदर्षीत झाल्यावर)

जितेंद्र जोशी = नरूमामा, दिलीप प्रभावळकर = अप्पा असे दिसत आहेत. झलक पाहून तरी चित्रपट पहायला मजा येईलसे वाटते. संगीत आणि छायाचित्रणादी तांत्रिक बाजूंच्या बाबतीत चित्रपट उजवा दिसतो आहे. मात्र मूळ कादंबरीतील व्यक्तिरेखांचे नि घटनांचे बारकावे, वेग यांना कितपत न्याय मिळाला आहे, हे पाहण्याची उत्सुकता आहे. उत्कृष्ट कादंबरीवरून एखादा चित्रपट तयार झाला की थेट मूळ कादंबरीशी तुलना होते. हे स्वाभाविक असले तरी असे करू नये नि चित्रपट हा चित्रपट म्हणूनच पहावा, असे वाटते. अशा अनेक चित्रपटांपैकी किती चित्रपट मूळ कादंबरीला न्याय देतात, हाही मुद्दा आहेच. अनेकदा चित्रपट मूळ कादंबरीच्या तुलनेत फिकाच वाटतो, असा अनुभव आहे.
(प्रेक्षक)बेसनलाडू

फारा दिवसांनी मराठी चित्रपटाची (अतुरतेने) वाट पाहणार मी. गुड गुड.
झलक तरी छान आहे. तांत्रिकदृष्ट्या सफाईदार वाटतोय.

जोश्या, सुर्व्या आणि मुख्य म्हणजे चित्र्याचे कॅरॅक्टर पाहायला उस्तुक.
केवडा, अंबाबाई आणि बेंद्रेमॅडमबद्दल उस्तुकता आहेच. ;) ;)

बाकी.... चित्रपट कसाही असला, परिक्षण कसेही असले तरी मी हा चित्रपट नक्कीच बघणार आहे.
आपले तिकिट आत्तापासून बूक. :)

पहिला ट्रेलर बघून सिनेमाविषयीच्या अपेक्षा वाढलेल्या आहेत. मुलं खरी वाटतात, अॅक्टिंग ठीक वाटते आहे, चित्रीकरण, जागा निवडणं अस्सल वाटतंय. नक्की बघणार.

बघायलाच पाहिजे. ती शिरोडकरच्या भुमिकेत केतकी माटेगावकर आहे का?

केवडा ... केवडा....

"....अनेकदा चित्रपट मूळ कादंबरीच्या तुलनेत फिकाच वाटतो, असा अनुभव आहे...."

१. श्री.बेसनलाडू यांच्या वरील मताशी सहमती व्यक्त करीत असतानाच असेही म्हणावेसे वाटते की, "शाळा" त्याला कदाचित अपवाद ठरू शकेल. याला कारण म्हणजे श्री.मिलिंद बोकिल यांच्या कादंबरीतील भाग "शाळा सुरु" ते "शाळा संपली" एवढ्याच कक्षेत आहे....कथानिवेदक 'दहावी' त येतो, दोन्ही मित्र सुर्‍या आणि फावड्या नापास झाले आहेत....शिरोडकर कुठे गेली याचा पत्ता नाही. इतपतच या ३०३ पानाच्या कादंबरीत असल्याने दिग्दर्शकापुढे या 'टीनएजर्स' चेच भावविश्व कॅमेर्‍याच्या माध्यमाने टिपणे असल्याने तो नक्कीच बेला यांच्या वरील वाक्याला छेद देईल, असे वाटते. [ट्रेलरही आश्वासक आहेच, विशेषतः वातावरणनिर्मिती सुंदर दिसत्ये....त्यामुळे शुभेच्छा देऊ या].

२. श्री.लालसा म्हणतात : "हो ती केतकी माटेगावकरच आहे.."सारेगमप Li'L champs" मधली..".

~ म्हणजे केतकी माटेगावकर ही नायिका असेल तर 'क्रेडिट पेज' वर हिचे नावच नाही. स्त्री नावे दोन आहेत (१) देविका दफ्तरदार व (२) अमृता खानविलकर..... त्यामुळे 'शिरोडकर' ही केतकीच आहे का?

इन्द्रा

ट्रेलर बघून चित्रपट कसा असेल याची उत्सुकता वाटते आहे,
स्वाती

याआधी हिन्दी भाषेत याच कादम्बरीवर आधारित सिनेमा येउन गेला.
'हमने जीना सिख लिया' या नावचा..
लिन्क खाली देते आहे
https://www.youtube.com/watch?v=ebI4ls5scmg

कसाही असला तरी एकदा तरी बघणारच...

हिंदी अन मराठी 'शाळा' यातील मुख्य फरक
ट्रेलरवरुन तरी 'शालेयविश्वातिल निरागसता' मराठी चित्रपटात जास्त जाणवली ती हिंदी सिनेमा 'मैने जिना सिख लिया' मध्ये नाही जाणवत
केतकी माटेगावकरचे डोळेच कित्ती बोलके अन निरागस आहेत तसे मृण्मयी देशपांडेमध्ये नाही जाणवत. मृण्मयी देशपांडेला उगाच ओढून ताणून १०वी बसवलंय असं वाटतंय
केतकी चं डोळ्यातूनच बोलणं अन लाजणं, अहाहा ! कित्ती निरागस आहे !!. तिचे ते हळूच डोळ्याच्या कोनातून जोशीकडे बघून हसणे, खुश होणे.. मराठी चित्रपटात कैमेराने छान टिपले आहे.
हि सर्व मुले उनाड आहेत पण तितकीच ती स्वच्छंदी, मनस्वी अन निरागस ही आहेत.
शाळा या कादंबरीतील निरागसता ज्या दिग्दर्शकाने बोलकी केली त्याचाच चित्रपट चालणार हे नक्की.

पण सुर्‍या, फावड्या आणि चित्र्याची भुमिकेला 'गमभन' नाटकाच्या कलाकारांनी जास्त न्याय दिला आहे असे वाटते.

तशी पण मी नाटकप्रेमीच असल्याने 'गमभन' नाटक जास्त आवडले. 'गमभनचे' नैपथ्य अन प्रकाशयोजना अप्रतिम !! चित्रपटापेक्षा नाटक हे नेहमीच सरस अन दर्जेदार !!
बाकी चित्रपटाची उत्सुकता आहेच !

अरेच्या.... आज हा एक टीझर ट्रेलर पाहिला तुनळीवर. यातले कलाकार वेगळे आहेत. :) :)
हा काय प्रकार आहे ? जल्ला काय कल्ला नाय.

https://www.youtube.com/watch?v=EA4V1halYqU&feature=player_embedded