Skip to main content

आल्फा मेल

लेखक विनायक प्रभू यांनी मंगळवार, 04/01/2011 16:47 या दिवशी प्रकाशित केले.
अँगल चे नॉमेन्केचर आल्फा,बिटा,थिटा हे मला माहीत आहे. हे आल्फा मेल म्हणजे नेमके काय असते? ह्याची व्याख्या काय? ह्या मंडळीची नेमकी दिनचर्या काय असते? ह्यांना हे नाव नेमके कशामुळे मिळते? ----------------------------------------------------------------------------------------- रोज आपल्या बायको किंवा होणार्‍या बायकोकडुन जोडे खातो, खरे खुरे किंवा शाब्दिक. आणि बिटा सारखा लाल लाल होतो तो बिटा मेल. अगदी चांदीच्या ताटात वाढुन समोरुन वाढुन आले तरी त्याचा आस्वाद न घेउ शकणारा थिटा मेल. पण हे आल्फाची व्याख्या काही माहीत नाही बॉ?
लेखनविषय:
लेखनप्रकार
वाचने 7081
प्रतिक्रिया 42

प्रतिक्रिया

गणपा मंगळवार, 04/01/2011 17:11
हा हा हा आता पोचलेल्या लोकांचे एक से एक प्रतिसाद येणार.. (विंगेत खुर्चीवर मांड ठोकुन बसलेला) -गणा

विनायक प्रभू मंगळवार, 04/01/2011 17:23
जरा मराठी त सांगा की राव. एवढी भारी ईंग्रजी कळत नाय राव.

धमाल मुलगा मंगळवार, 04/01/2011 17:44
तुर्त विचारात आहे. मास्तरचा ह्यापुर्वीचा लेख आणि आत्ताचा हा लेख ह्यामुळं गोंधळून गेलो आहे.

विजुभाऊ बुधवार, 05/01/2011 12:46
अल्फा मेल हा इतरांपेक्षा वेगळा असतो/ इतरांचे लक्ष्य वेधून घेण्याची हातोटी त्याच्या कडे असते. आत्मविश्वासाचे तेज त्याच्या चेहेर्‍यावर झळकत असते. त्याचे चातूर्य स्त्रीयाना आकर्षीत करते. अशी काहिशी व्याख्या त्या संस्थळावर दिलेली आहे. पण मला वाटते अशा प्रकारचे मेल फक्त पाळण्यातच दिसतात. जसजसे त्यांचे वय वाढते. पाय पाळण्याबाहेर येवू लागतात तस तसे त्यांचे अल्फा किरण विरळ होऊ लागतात. मोठे झाल्यानन्तर ते वेंधळेपणामुळे इतरांचे लक्ष्य सहज वेधून घेतात. त्यांच्या चेहेर्‍यावरचे आत्मविश्वासाचे भाव फिके पडल्यामुळे उगाचच ते बावरलेले ( भिजलेल्या मांजरसारखे)दिसतात. ते नक्की काय करतील या चिंतेमुळे पत्नी त्यांच्या सोबतच रहाते. अवांतरः अल्फा हा शब्द "अरे तो आला ;लपा " या वाक्याचा शॉर्ट फॉर्म असावा

शुचि मंगळवार, 04/01/2011 18:38
"अल्फा" हा शब्द फाअल या शब्दाचा अपभ्रंश आहे ज्याचा उगम फाअर अथवा फार या शब्दापासून झाला असावा असे काही (टिंबकटूचे)भाषाशास्त्रज्ञ मानतात. म्हणजे जे पुरुष फार वात्रट, फार चावट, फार खोडकर, फार गंमतीशीर, फार फार फार असे असतात त्यांना अल्फा मेल म्हणतात.

प्रियाली मंगळवार, 04/01/2011 18:52
कदाचित अल्फा हा लाफाचे भ्रष्ट स्वरूप असावे. म्हणजे, एखादा पुरुष जो स्वतःला अतिशय केपेबल किंवा ही-म्यान किंवा श्मार्ट समजत असतो. सर्व संकटातून आपणच इतरांची सुटका करू शकतो आणि सर्व प्रश्नांवर आपण तोडगा काढू शकतो अशी त्याची समजूत असते आणि इतरांना अशा मूर्खाला दोन चार लाफा द्याव्याशा वाटत असतात, ते या माणसाला अल्फा मेल म्हणत असावेत. बाकी लाफा मारणे म्हणजे नेमके काय? धोपटणे आणि थापा मारणे या दोन्हीसाठी त्याचा वापर होतो असे वाटते.

आत्मशून्य मंगळवार, 04/01/2011 23:49
चूकून मेल-बॉक्स असे वाचले ;) ....... म्हणून मि मेल-बॉक्सची क्षमा मागतो. बादवे, आम्ही तर फीमेल बॉसना अल्फा-मेल असे संबोधतो. अर्थात रॉखी सॉवंत, बॉबी डॉर्लींग या सूध्दा अल्फा-मेल सदरात मोडतात.

अवलिया मंगळवार, 04/01/2011 18:58
हा हा हा मस्त व्युत्पत्ती. किंवा असा मनुष्य पाहुन महाराष्ट्रातील जुन्या काळातील बायका "आला पहा मेला " असं म्हणत असतील. कुणा इंग्रजाने ते ऐकुन तसेच उच्चारण्याचा प्रयत्न करता करता आला पहा मेला == आल्पाहा मेला == अल्फाहा मेल == अल्फा मेल असे झाले असावे. अधिक प्रकाश जाणकार टाकतील

छोटा डॉन मंगळवार, 04/01/2011 19:03
किंवा असा मनुष्य पाहुन महाराष्ट्रातील जुन्या काळातील बायका "आला पहा मेला " असं म्हणत असतील. कुणा इंग्रजाने ते ऐकुन तसेच उच्चारण्याचा प्रयत्न करता करता आला पहा मेला == आल्पाहा मेला == अल्फाहा मेल == अल्फा मेल
=)) =)) =)) जबरा .... नान्या लै हुशार आहे असा आमचा पहिल्यापासुन संशय होता :) - छोटा डॉन

धमाल मुलगा मंगळवार, 04/01/2011 19:13
आम्हाला कात्रीच होती. च्यायला, नानबा, येऊद्या आता मराठीतून इंग्रजीत नेलेली शब्द व्युत्पत्ती! :D

पिवळा डांबिस मंगळवार, 04/01/2011 23:56
आला पहा मेला == आल्पाहा मेला == अल्फाहा मेल == अल्फा मेल तरीच नानाचा कोणताही लेख आला की काही संपादक 'अल्फा मेल, अल्फा मेल' असं पुटपुटतात असं ऐकलं होतं बॉ!!!!:) -प्रकाश जाणकार (डांबिसा, तुकां काय खातां रद्द करांन घेवंचा आसां? वशाड मेलो!!!:))

परिकथेतील राजकुमार बुधवार, 05/01/2011 13:09
किंवा असा मनुष्य पाहुन महाराष्ट्रातील जुन्या काळातील बायका "आला पहा मेला " असं म्हणत असतील. कुणा इंग्रजाने ते ऐकुन तसेच उच्चारण्याचा प्रयत्न करता करता आला पहा मेला == आल्पाहा मेला == अल्फाहा मेल == अल्फा मेल असे झाले असावे.
आम्ही फक्त 'अल्फा क्यु ' अर्थात (alph Q) हाच शब्द एकुन होतो. एकदा हे निकनेम घेतले तर माझा आयपी बॅन झाला होता ३ दिवस ;)

केशवसुमार मंगळवार, 04/01/2011 19:56
तुम्ही हा प्रश्न कुठल्या 'अँगल'ने विचारलात त्यावर उत्तर अवलंबून आहे.. बाकी अवलियाशेठची व्युत्पत्ती एकदम खतरा..:D

चिरोटा मंगळवार, 04/01/2011 19:56
ट्रेनिंग वगैरे घेवून अल्फा मेल होता येते का? सिस्को,माय्क्रोसॉफ्ट सर्टिफिकेशन सारखे अल्फा मेल सर्टिफिकेशन आहे का? (होतकरु) चिरोटा

दैत्य मंगळवार, 04/01/2011 20:16
मी तर वाचलं होतं की, खऱ्या-खुऱ्या ( मनमोहन नव्हे!!) सिंहाच्या प्रमुखाला किंवा त्या कळपाच्या सर्वात शक्तिमान प्राण्याला अल्फा मेल म्हणतात !

गणपा मंगळवार, 04/01/2011 21:06
दैत्यम्हाराजं केवळ शिंव्हच नाय वो कुठल्याही कळपात रहाणार्‍या प्राण्याच्या त्या त्या कळपातल्या सर्वात 'शक्तिमान' नर-प्राण्याला अल्फाहा मेला म्हणतात ;) (नानबा तुझी व्युत्पत्ती एकदम चपलख आहे :) )

रमताराम मंगळवार, 04/01/2011 21:54
सिंहाच्या एका कळपात एकच सिंह असतो सायबा, बाकी सम्द्या शिंविणी नि चिल्लीपिल्ली. त्यामुळे अल्फा, बीटा भानगड नस्तीया. लांडग्यांच्या, माकडांच्या कळपात असते ही भानगड. जरा धाकल्या माडगूळकरांचे 'सत्तांतर' वाचा किंवा फार्ले मोवाचे 'नेवर क्राय वुल्फ'.

दैत्य मंगळवार, 04/01/2011 21:31
दैत्यम्हाराजं केवळ शिंव्हच नाय वो कुठल्याही कळपात रहाणार्‍या प्राण्याच्या त्या त्या कळपातल्या सर्वात 'शक्तिमान' नर-प्राण्याला अल्फाहा मेला म्हणतात अहो गणपाभौ , शिंव्ह म्हंजी बगा तसंबी सगल्यात पावरबाज की राव ! आता ह्ये सांगा, बळीच्या बकऱ्याला पावर असती का ? त्याला कोन म्हननार अल्फाहा !

गणपा मंगळवार, 04/01/2011 21:43
दैत्यम्हाराजं केवळ शिंव्हच नाय वो कुठल्याही कळपात रहाणार्‍या ( जंगली ) प्राण्याच्या त्या त्या कळपातल्या सर्वात 'शक्तिमान' नर-प्राण्याला अल्फाहा मेला म्हणतात हॅ हॅ हॅ....... दैत्य बुवा पक्के वस्ताद हो तुम्ही. तवेडा कंसातला शबुद मगाशी घाई घाईत टायपाचा र्‍हायला.

धनंजय मंगळवार, 04/01/2011 22:25
धनंजयचा प्रतिसाद वाचण्यास उत्सूक आहे. - - - आर्रर्र - हा प्रतिसाद विजुभाऊंच्या "मी मी आहे तर तुम्ही कोण?" चर्चासत्रातला इथे कसा पडला? पण "अमुकतमुक यांचा प्रतिसाद वाचण्यास उत्सूक आहे" म्हणजे "नमस्कार" या नव्या मिपा-रूढीस अनुसरून वरील वाक्य लिहिले आहे. अवांतर : * समूह करून राहाणार्‍या काही जनावरांच्या समाजात प्रत्येक जनावराच्या सामाजिक महत्त्वाची उतरंड (क्रम) असते. क्रमाचा संदर्भ ग्रीक अक्षरमालेप्रमाणे, "आल्फा, बेटा, गामा..." वगैरे देण्याची प्रथा आहे. त्या क्रमातील सर्वोच्च जनावर नर असल्यास त्याला "आल्फा मेल" म्हणतात. काही जनावरांमध्ये "आल्फा फीमेल" असतात. आल्फा जनावराला समाजात मिळालेल्या अन्नाचा पहिला वाटा खाण्यासाठी, संभोगाकरिता जोडीदार निवडण्यासाठी, वगैरे अग्रक्रम असतो. "आल्फा मेल" ही प्राणिशास्त्रातील कल्पना मनुष्यांच्या वर्णनात उपमा म्हणून वापरतात. मनुष्यांच्या समाजात जो नर अशा आत्मविश्वासाने वागतो की "नेतृत्वामुळे मिळणारे आनुषंगिक कौतूक आपल्याला लोकांनी देणे आहे" त्याला "आल्फा मेल" म्हणतात. *

रमताराम मंगळवार, 04/01/2011 23:31
या वीराला अल्फा मेल म्हणता येईल का हो प्रभुजी?

वाटाड्या... बुधवार, 05/01/2011 00:31
एक राहिलं ना तुमचं....हे सगळं विचारताना गॅमा पण काय असतं? - (रेडियोस्कोपिक) डॉ. वाटी...

विनायक प्रभू बुधवार, 05/01/2011 12:45
मिपावरचे आल्फा मेल कोण?

Nile बुधवार, 05/01/2011 13:08
म्हणजे मिपावर काही ठराविक 'मेलांच्य' मागे धावणार्‍या माद्या (मोठ्या नंबराने) आहेत असे तुम्हाला म्हणायचे आहे का हो प्रभुमास्तर??? फारच क्रिप्टीक ब्वॉ तुम्ही.

केशवसुमार बुधवार, 05/01/2011 14:02
मास्तर तुम्ही दरवेळेला भलताच अँगल घेता(विचारात)... अता परत नव्या उत्तराच जुगाड कराव लागेल.. बाकी चालू दे..