Skip to main content

फरसाणा...

निवेदिता-ताई यांनी या दिवशी प्रकाशित केले.
परवाच पुण्यात एका लग्नाला जाणेचा योग आला, कार्यालयातील जेवण छानच होते (पुणेरी), त्यावेळी एक प्रकार दिसला.. फरसाणा... साहित्य- कांदा बारीक चिरुन, फरसाणा एक वाटी, कोथिंबींर, चिचेचे पाणी-भेळेसाठी करतो तसे,मिठ चवीनुसार. कॄती- फरसाणा, कांदा , कोथिंबींर, चिच पाणी एकत्र कालवुन घ्या. वाटले तर मीठ घाला. झाले तय्यार एक झकास तोंडीलावणे.
गवि

मुम्बैस ष्टाक एक्स्चेन्ज जवळ एक गोल्डन भेळ म्हणून बिन चुरमुर्‍याची भेळ (नुसते फरसाण आणि चिंचादि ओल्या चटण्या) मिळते (ळायची). नसाच प्रकार असणार हा. त्या भेळेसाठी पाय ओढत तिथवर जायचो पूर्वी. मस्त आहे. सोपेही.
14/12/2010 - 12:29 Permalink
गणपा

ह्म्म्म हा भेळ विदाउट कुरमुरा प्रकार दिसतोय. :) मला तर फरसाण चहात बुडवुन (आहेत काही विचित्रसवयी मला) भयंकर आवडते. त्यानंरत चहाला जो स्वाद येतो की बस्स्स्स्स. अजुन एक आवडता प्रकार म्हणजे चिकन / मटनाच्या रश्यात बुडवुन. एक लाजवाब चखणा म्हणुन. आणि शेवटचा पण सगळ्यात आवडता प्रकार म्हणजे आपली मिसळ. :)
14/12/2010 - 13:01 Permalink
गवि

मटण रश्श्यातली मिसळ खाल्ली आहेत की नाही? कोल्हापूर परिसरात मिळते. तांबडा मटणरस्सा असतो त्यात बनवलेली मिसळ. हाच तांबडा रस्सा पाणीपुरीच्या पुरीतूनही मिळतो.
14/12/2010 - 13:04 Permalink
मस्त कलंदर

आमचा कँटिनवाला हा प्रकार खास आमच्यासाठी बनवतो. आणि याला आम्ही नांव दिलंय, 'चटपटीत'!!! यात वरील सर्व पदार्थ तर येतातच, आणि थोडी तिखट मिरचीही अगदी बारीक कापून असते त्यात!! मस्त आठवण झालीय चटपटीतची.
14/12/2010 - 13:30 Permalink
संदीप चित्रे

खाद्यप्रकार खात खात एकीकडे पुस्तक वाचणं ह्याला स्वर्गसुख असंही म्हणतात !
15/12/2010 - 00:58 Permalink