आवळ्याचे लोणचे----

साहित्य :- वीस-पंचवीस मोठे आवळे, एक वाटी मीठ, एक वाटी तेल, पाव वाटी मोहरीची डाळ, अर्धी वाटी मिरची पावडर, तीन टे.स्पुन जिरे, तीन टे. स्पुन ओवा, दोन टे. स्पुन पांदेलोण. कॄती :- प्रथम आवळे चाळणीवर ठेवुन सात-आठ मिनिटे वाफ़वून घ्या, नंतर त्यातील बिया काढून टाका, प्रत्येक आवळ्याच्या चार फ़ोडी हलक्या हाताने करा, नाहितर लगदा कराल, मोहरीची डाळ थोडावेळ उन्हात ठेवावी, व नंतर त्याची पुड बनवा, पुड खुप बारीक नको. त्यात थोडे म्हणजे अर्धी वाटी पाणी घालुन ती चांगली फ़ेसुन घ्यावी.ओवा-जिरे न भाजता पूड बनवा,आता हे सगळे एकत्र करा. एक स्वच्छ बरणी घेउन त्यात् तळाला थोडे मीठ पसरवा, व त्यात सर्व एकत्र कालविलेले आवळे फ़ोडी सह भरा. तेल चांगले गरम करुन गार करा, त्यावर तेल घाला. ही बरणी रोज सकाळपासून दुपारपर्यंत उन्हात ठेवा ..आठ-दहा दिवस ठेवा. आठ- दहा दिवसानंतर मस्त आवळा लोणचे तय्यार.