आसपास

अप्रतिम कविता! सुरेख :)

आपला,
(आनंदित) आजानुकर्ण

रावसाहेब भावना पोहचल्या. तुमच्यातल्या प्रतिभेला तर आम्ही मानतोच त्याची वेगळी दखल घ्यायची गरज नाही.
बर्‍यापैकी सहमतपण आहे. पण इथुन आमचं मन उडून मनोगतावर बसणे मात्र अशक्य आहे ही वस्तुस्थीती आहे. तुम्हाला हे कसंकाय जमतं ते कळत नाही.
असो..

वा! कविता छान आहे!

तात्या.

अवांतर -

पट्टे मालकांचे ग़ळ्यात बांधूनी श्वान काही बेचैन झाले
कुणी न विचारी स्वामींच्या दारी, हिंडती इतस्तत: बिचारे!

आले होते नव्या घरी, सहन न झाला मिसळझणझणाट परि
परतुनी गेले मन उडुनी, पुन्हा जुन्या मालकापाशी

शुद्धिचिकित्सकाचा सात्विक पाव तो, नकोसा आता वाटे
मारामार प्रतिसादांच्या हड्डीची, शब्दकोड्यांची मौज न वाटे!

आले पुन्हा परतुनी ते, मिसळ खावया नव्याने
काय भरवसा द्यावा यांचा, असावे सोडिले पुन्हा मालकाने! :)

रावसाहेबांचे काव्य वाचून आम्हालाही वरील दोन ओळी सुचल्या त्या इथे द्याव्यश्या वाटल्या. स्वतंत्रपणे कविता लिहून मिपावर टाकण्याइतपत मोठे कवी आम्ही नाही. दोनच ओळी सुचल्या म्हणून त्या इथे दिल्या! :)

असो, चांगल्या काव्याबद्दल रावसाहेबांचं पुन्हा एकदा अभिनंदन..!

आपला,
(किंचित कवी) तात्या.

प्रस्तुत कवितेमधल्या काव्यगुणाची वगैरे चर्चा फजूल आहे हे वेगळे सांगायला नकोच. आपल्या संस्थळावर केलेले हे एक विधान आहे. कवितेचा विषय जिव्हाळ्याचा आहे त्यामुळे प्रतिक्रिया दिल्याशिवाय रहावत नाही. महत्वाच्या विषयावर बोलावेसे वाटले तर आपल्या भीड , भिती या गोष्टींवर मात करून बोलणे केव्हाही श्रेयस्कर ; या भूमिकेतून लिहीत आहे.

कवितेमधे निश्चित वक्रोक्ती आहे आणि लेट्स् फेस इट् , ती वर्मावर प्रहार करणारी आहे. कुणाही मिपाकराला वाचताना वेदना होतील त्या मलाही झाल्याच. शेवटी आपल्याला प्रिय वाटणार्‍या गोष्टीवरची टीका कुणाला सहन होणार आहे ?

पण मला हेही जाणवले की, संजोपरावांना जर या आपल्या संस्थळाबद्दल कळकळ वाटत नसती तर त्यांनी ही कविता इथे टाकली असती काय ? ज्या गोष्टी चुकीच्या दिशेने चालल्या आहेत असे एखाद्याला वाटते तेव्हा त्यांच्याबद्दल बोलणे तेव्हाच होते जेव्हा ती गोष्ट सुधारावी असे वाटते ! संजोपरावांनी अंगिकारलेल्या मार्गाबद्दल त्यांची मानगूट एकवेळ धरता येईल ; पण त्यांच्या हेतूंबद्दल शंका घेणे चुकीचे होईल.

कवितेमधे काही गंभीर वाटतील अशा गोष्टी निर्देशित केल्या गेल्या आहेत. आणीबाणीच्या वातावरणामधे त्यांच्याबद्दल चर्चा करणे अशक्य आहे; पण त्यांचा विचार व्हावा असे, एक हितचिंतक म्हणून कळकळीने सांगावेसे वाटते.

व्यक्ति तितक्या प्रकृती. प्रत्येक व्यक्तीत गुण दोष असतात. अवगुण दाखवले तरी गुण देखील निश्चीत आहेत व त्या गुणांच्या आधारे अवगुणांकडे दुर्लक्ष करता येते. अत्यंत गर्विष्ठ, व स्वताला सर्वज्ञान झाले आहे असा स्वभाव असला तरी त्या गुरु शिष्याला समावुन [गरज नसताना] घेतोच ना आम्ही मिपाकर.

तात्याला मनोगतावर वावर भावला नाही म्हणून हिमतीवर मिसळपाव काढले. एक "जान" असलेले नवे संकेतस्थळ उभे राहीले. आता हे सत्य जितक्या लवकर पचवाल तितक्या लवकर तुमचे "इनो" व्यसन सुटेल.

शुभेच्छा! लवकर बरे व्हा!!

स्वतःच्या उच्च काव्यात्मक प्रतिभेचा वापर, दुसर्‍याच्या अंगणात जाऊन थुंकण्यासाठी करणे हे गैर नव्हे काय?

एखाद्या गोष्टीबद्दल मनात चांगल्या भावना असतील तर त्या व्यक्त करण्याची अनेक चांगली माध्यमे आहेत. मिपाला "सुधरवण्याचा" विडा जर कोणी उचललाच असेल तर त्यासाठी याहून चांगले पर्याय निश्चित उपलब्ध आहेत. आणि ते स्वतःला फार शहाणे समजणार्‍या या संजोपरावाला माहित नाहीत असे कुणी समजू नये.

पण जर आपला उद्देशच मिपावर वाईट गोष्टी घडाव्यात असा असेल तरच हे लेखन संभवते.

त्यामुळे काव्याला दाद देणार्‍या मंडळींना आमचे हे सांगणे की या कवितेमागील जळफळाट त्यांनी ध्यानात घ्यावा.

मिसळपाव स्थापन झाल्यापासून अनेकांना कंड सुटली आहे, आग आग होते आहे.

त्यांच्या मूळव्याधीच्या त्या वेदनांवर असले काव्यात्मक "कैलास जीवन" बोटावर घेऊन तेथे चोळत बसणे, याशिवाय ते काही करू शकत नाहीत. त्यामुळे असल्या जळफळाटातून निर्माण झालेल्या मूळव्याधी काव्यांना प्रतिभेचे निकष लावून गौरवण्यासारखे त्यात नाही.

नाना फडणवीस

हा वाद इतका गहन आहे ???

वरचे सगळे प्रतिसाद वाचल्यानन्तर का कोण जाणे पण मनोगतावर एक चक्कर मारावीशी वाटली... आणि काय आश्चर्य... किती तरी लेख, कविता अशा आढ्ळल्या ज्या मिपावर सुद्धा प्रकाशित झाल्या आहेत... आम्हीही पुर्वी मनोगतावर लिहायचो... पण पुर्वी म्हणजे आम्हाला मिपा बद्दल काहीच माहीती नव्हते तेव्हा... आम्हाला नाही आठवत आम्ही मिपाचे सदस्य झाल्यानन्तर मनोगतावर कधी लिहिलं आहे...

असो. सच्च्या मिपाकराना एव्हधच सांगावंसं वाटतं... मिपाची सर दुस~या कुठल्याच संकेतस्थळाला नाही हे तर जगजाहीर आहे... मग कशाला वाद घालत बसता... जावू द्या ना...

पुन्हा,
सतीश गावडे
आम्ही इथेही उजेड पाडतो -> मी शोधतो किनारा...

काल कविता वाचल्यावर आम्हाला ती क्रांतीब्रींतीच्या ढाच्याची कविता वाटली. पण पहिल्या झटक्यात कविता कळत नाही, म्हणुन दुस-यांदा कविता वाचायला गेलो तर तिथे ढाक-बहीरीचा गड उतरता, उतरता लाडक्या शिष्याची प्रतिक्रिया आलीच होती. अशा अर्जंट प्रतिक्रियावर तर आमचे विशेष लक्ष असते. त्यात काही विशेष नाही. हल्ली काही समिकरणे लक्षात येऊ नये इतके आम्ही खूळे नक्कीच नाही.

प्रतिभावंताने काव्याचा उपयोग कसा करावा हे कोणीही कोणाला सांगू नये. पण इतकी निराशा येण्याचे कारण आम्हाला काही समजले नाही. या पुर्वीची आपली कविता वाचण्यासाठी आम्हीही आपल्या लेखन अनुमतीच्या धोरणाच्या संस्थळावर कविता वाचून गेलो.कविताही आवडलीही होती. आपले तेथील सदस्यांवर असलेले वजन पाहता, आपल्या लेखनावर ( कसेही असले तरी ) फुले उधळणा-यांची संख्या कमी नाही. तेव्हा इथे काही उत्तम कविता आपण टाकू शकला असता. पण आपल्याला तसे करायचेच नसल्यामुळे तो प्रश्नही उरत नाही, असे वाटते.

अर्थात आपण या संस्थळावर काय लिहावे हा आपला प्रश्न . काय लिहिले, कसे लिहिले, त्याच्या आस्वादाबरोबर त्याचा उद्देश आणि योग्य समाचार घेण्याची ताकद आमच्यात नसली तरी, ती ताकद एकाच माणसात आहे, त्यांच्या पाठीशी आम्ही सतत असतो, आहोतच. तेव्हा एका दर्जेदार लेखकाने अशा भानगडीत पडावे याचे मात्र वाईट वाटत आहे, इतकेच सांगावे वाटते.

आम्हाला नमोगत आणि मिपा यावरच्या वादात काहीही इन्टरेस्ट नाही. आय जस्ट डोन्ट गिव्ह अ डॅम!!
डांबिस भाय एकदम बरोबर.....माझ ही अगदी हेच म्हणण आहे.....
प्रस्तुत लेखकाचा "ईनो" बद्द्लचा प्रतिसाद वाचा. तो विधायक आहे असे वाटते तुम्हांला? हा अपवाद आहे असे तुम्ही म्हणाल. पण आम्ही अजुनही "वारा सरणे..हिमवादळे" वगैरे विसरलेलो नाही.
आमच्या ही ते लक्षात आहे बरोबर !!!!!
या आय्.डी. धारकाची मिपावरची जर "वाटचाल" पाहिली तर नुसता सभासद म्हणून वावरणे ही भूमिका दिसत नाही.
मलाही आधी हाच संशय होता आणि आता मात्र खात्री पटली.....
मिपाला "सुधरवण्याचा" विडा जर कोणी उचललाच असेल तर त्यासाठी याहून चांगले पर्याय निश्चित उपलब्ध आहेत. आणि ते स्वतःला फार शहाणे समजणार्‍या या संजोपरावाला माहित नाहीत असे कुणी समजू नये.
पण जर आपला उद्देशच मिपावर वाईट गोष्टी घडाव्यात असा असेल तरच हे लेखन संभवते.
त्यांचे हे लेखन मिपा चे वातावरण बिघडवु पाहते आहे...हे मात्र खर
त्यामुळे काव्याला दाद देणार्‍या मंडळींना आमचे हे सांगणे की या कवितेमागील जळफळाट त्यांनी ध्यानात घ्यावा.
मिसळपाव स्थापन झाल्यापासून अनेकांना कंड सुटली आहे, आग आग होते आहे.
नाना अगदी योग्य बोललात पहा.....
तात्या अशा लोकांचा योग्य वेळीच समाचार घेतला पाहिजे !!!!!

कृपया मिपा करांनी अशा लेखना बद्दल जागरुक राहुन त्यात कोणत्याही पद्दतीने भाग न घ्यावा ही नम्र विनंती....

(मिपा प्रेमी)
मदनबाण.....

लेखकाच्या प्रतिभेबद्दल कुशंका नाही पण आपण जेथे वावरतो तेथेच थुंकणे असभ्य पणाच आहे.
'माणसाने शेंबूड व्हावे, मासिक पाळी व्हावे, ज्यानेत्याने आपापली आयमाय **न टाकावी किंवा "वारा सरणे..हिमवादळे" वगैरे ही भाषा कोणत्या सभ्य पणात बसते विचार ते लिहाणाराने करायचा आहे.
नागव्याने नाचणे लहान मुलाना चांगले दिसते. मोठे त्याची नक्कल करायला गेले की ते हिडीस /बिभत्स दिसते.
कधी अधुन मधुन येवुन मिपावर असला बिभत्सपणा करणे किंवा "वारा सरणे..हिमवादळे" असले हिडीस बरळणे ,काहीही कारण काढुन वादंग निर्माण करणे यातच लेखकाला इंटरेस्ट असावा असेच वाटते.
बटबटीत आणि हिडीस लिहिणे स्वतःच्या लेखनावर कोणी काही वेगळी प्रतिक्रिया दिली की त्याला कंपूगिरीकरत गलीच्छ गरळ भाषेत ठोकुन काढणे हाच ज्यांचा उद्देश असेल तर त्याना अनुल्लेखाने मारणेच योग्य ठरेल.
डुकराशी कुस्ती करायची तर आपण घाण होतोच पण त्याही पेक्षा जास्त वाईटम्हणेजे डुकराला तेच आवडते.
हेच खरे.
आमचे जालावरचे लेखन मिपा पासुन सुरु झाले.आम्हाला नमोगत आणि मिपा यावरच्या वादात काहीही इन्टरेस्ट नाही.
संजोपरावांनी अंगिकारलेल्या मार्गाबद्दल त्यांची मानगूट एकवेळ धरता येईल ; पण त्यांच्या हेतूंबद्दल शंका घेणे चुकीचे होईल
त्यांचे नक्की हेतु काय आहेत ते उघड आहेत. त्याबद्दल आमच्या मनात शंका नाही
बाकी मुक्तसुनीतरावांचे त्यांच्याशी काय गुळपीठ आहे ते अनाकलनीय आहे. जर ते दोन वेगळे इसम असतील तर बहुधा मिपावर एकमेकांचे परमनन्ट पाठराखीण म्हणुन वागत असतील. नवराबायकोतही हे नाते इतके "दो जिस्म एक जान" असे नसते.
कलीयुगातला हा एक चमत्कारच मानायला हवा.
'इनो' चा खप अचानक वाढला अशी बातमी आहे. हे इनो ची गरज असणारालाच कळु शकते
ज्याचे जळते त्यालाच कळते तसे...ज्याला जळजळते त्यालाच असे काही कळते हेच खरे.

मान्यवर लेखकाच्या आत्तापर्यंतच्या लेखांचे व साहित्याचे आम्ही काही काळापुर्वी पंखे होतो पण सद्य परिस्थीती अशी बदलली आहे की मलाच कळेना की "असे का ?"
असो त्यांना जर त्यातच मोठेपणा वाटत असेल तर तो लखलाभ होवो !!!

बाकी आधी चाललेल्या "सुदलेखनाच्या चर्चांमध्ये" आम्ही काडीमात्र रस घेतला नाही कारण मुळात उद्देशच अर्थशुन्य आहे. शेवटी चर्चा ज्या मार्गाने गेल्या त्या वाचुन काही जणांनी आपला "अहंभाव" गोंजारण्याचे हौस फेडली हाच निष्कर्श निघतो कारण अजुन दुसरे काही निष्पन्न झालेच नाही ....
पण त्यानंतर अजिबत अपेक्षा नसताना ह्या अर्थाची कविता आली मग मात्र प्रतिसाद देणे गरजेचे बनले ...
कमीत कमी मला तरी ह्या कवितेचा उद्देश [ फार फार तर सौम्य भाषेत अर्थ म्हणू ] हा मुक्तसुनीत ने म्हटल्याप्रमाणे "कवितेमधे निश्चित वक्रोक्ती आहे आणि लेट्स् फेस इट् , ती वर्मावर प्रहार करणारी आहे. कुणाही मिपाकराला वाचताना वेदना होतील त्या मलाही झाल्याच. शेवटी आपल्याला प्रिय वाटणार्‍या गोष्टीवरची टीका कुणाला सहन होणार आहे ?". म्हणून उत्तर द्यायचा खटाटोप ...

पान वेगळे मांडुनि बसता प्यादे घोडे हसले
करु पाहिले दैवत आणिक तर्कट होऊन बसले

लै भारी, हीच अपेक्षा होती. बरं बाबा, सुदे आम्ही प्यादी , घोडी, मर्कट का आणखी काही पण "दैवताचे तर्कट झाल्याचा महान निष्कर्श कसा निघाला ?". जरा कुणी समजावुन सांगेल का ?
जर आता हे निष्पन्न झालेच आहे तर आपल्या मते "तर्कट" असलेल्या ह्या संस्थवर अशा अर्थपुर्ण चर्चा करणे ह्याला काय अर्थ ? हां आता जर आपला "अहंपणा" गोंजारायचा असेल तर मग त्याला पर्याय नाही ...

पाठ खाजवुनी एकमेकाची तळवे सुजुनी बसले
करु पाहिले दैवत आणिक तर्कट होऊन बसले

वा वा , पण ही सवय कुठली हे काहींच्या लक्षात आलेच नाही दिसतय. असो, झोपलेल्याला उठवणे शक्य आहे पण ज्याने सोंग घेतले आहे त्याबाबतील आम्हीच काय कोणीही हतबल होऊ शकतो ...
बाकी ते "प्रतिसादाचे राजकारण" आम्हाला नवे नाही. पण एक मुद्दा मला सांगावा वाटतो की असे राजकारण व प्रशासकीय अनुमतीची ह्या गोष्टीला मिपावर स्थान नाही.
उलट अशा काही अनावश्यक लेखांमुळे व त्यावरील तेवढ्याच अनावश्यक प्रतिसादामुळे इथले वातावरण बिघडत आहे हे लोकाम्च्या का लक्षात येत नाही ? यामुळे मिपावर मनमोकळेपणाने लिहणरे व प्रतिसाद देणारे यांची गोची होत आहे याचे तरी भान ठेवायला हवे. ही मंडळी [ आता जर नावे लिहली तर आमच्यावर "कंपुबाजीचा" आरोप करायला मोकळे ] आता ह्यामुळे वैतागली आहेत हे योग्य वेळी समजणे आवश्यक आहे.
मिपा हे एक जिवंत संस्थळ आहे आणि बहुतेक सर्व सभासद दिलदार पणे लिहतात व त्याला प्रतिसाद पण तसेच पडतात, कोणी स्वता काहीही न लिहायचे व्रत अंगे बाणून लोकांच्या "फालतू सुदलेखनाच्या चुकां" चा किस पाडत नाही ही आमच्यासाठी अभिमनाची गोष्ट आहे.

बाकी ते "इनो" च्या खपाचे आम्ही बघू पण मागणी लक्षात घेता त्याचा काळाबाजार होणार नाही ह्याची काळजी "खप वाढला"असे ज्यांच्या लक्षात आले त्यांनी घ्यावी.

पण जर आपला उद्देशच मिपावर वाईट गोष्टी घडाव्यात असा असेल तरच हे लेखन संभवते.
त्यामुळे काव्याला दाद देणार्‍या मंडळींना आमचे हे सांगणे की या कवितेमागील जळफळाट त्यांनी ध्यानात घ्यावा.
मिसळपाव स्थापन झाल्यापासून अनेकांना कंड सुटली आहे, आग आग होते आहे.
त्यांच्या मूळव्याधीच्या त्या वेदनांवर असले काव्यात्मक "कैलास जीवन" बोटावर घेऊन तेथे चोळत बसणे, याशिवाय ते काही करू शकत नाहीत. त्यामुळे असल्या जळफळाटातून निर्माण झालेल्या मूळव्याधी काव्यांना प्रतिभेचे निकष लावून गौरवण्यासारखे त्यात नाही.

बाकी या बाबतीत "नानांशी" सहमत ...

बाकी बिरुटेसरांनी म्हटल्यप्रमाणे "संस्थळावर काय लिहावे हा आपला प्रश्न . काय लिहिले, कसे लिहिले, त्याच्या आस्वादाबरोबर त्याचा उद्देश आणि योग्य समाचार घेण्याची ताकद आमच्यात नसली तरी, ती ताकद एकाच माणसात आहे, त्यांच्या पाठीशी आम्ही सतत असतो, आहोतच. तेव्हा एका दर्जेदार लेखकाने अशा भानगडीत पडावे याचे मात्र वाईट वाटत आहे, इतकेच सांगावे वाटते"

असो. गेट वेल सून !!!

संजोपरावांच्या लिखाणाचा पंखा पण कट्टर मिपाकर - छोटा डॉन
[ अपने अड्डे पे जरूर आना https://chhota-don.blogspot.com/ ]
बाकी अपनी किसी "गँग" के साथ सेटिंग नही है .....

मनोगती संजूबाबाच्या कवितेची दखल आमच्या मिपापरिवाराने अगदी यथास्थितपणे घेतली याचे बरे वाटले! :)

वा!, सुंदर!, अप्रतिम कविता! असे म्हणून आनंदित झालेले मिपाच्या अस्तन्यातले छुपे मनोगती कोण हेही या निमित्ताने पुन्हा एकदा कळले याचा आनंद वाटला! :)

असो, सर्व मनोगतींचं आमच्या मिपा परिवारात खुल्या दिलानं स्वागत! :)

आपला,
(मिपाकर!) तात्या.

मुळ मुद्दा असा आहे की "कोण कुठले आहे, कोणाची पाठ खाजवून कोणाचे तळवे सुजले, प्रतिसादाचे राजकारण, सभ्य / असभ्य पातळीचा तौलानीक अभ्यास " यासारख्या व इतर अशाच गोष्टींमध्ये आम्हाला काडीइतका इंटरेस्ट नाही व आम्हाला तो असण्याची अपेक्षा सुद्धा नाही.

आम्ही आपले आपल्या आनंदात , नशेत [ मग त्याला कुणी गुत्ता का म्हणेना ] मिपावर वावरत असतो व हे स्थळ "जिवंत" राखण्याचा प्रयत्न करत असतो. आम्ही कधी "दुसरीकडे" कुणाच्याही वाटेला गेलो नाही मग असे असताना ती गोष्ट "इथे" व्हावी याची अपेक्षा आम्ही का करावी ? जर ती घडत असेल तर गप्प का बसावे ?

सच्च्या मिपाकराना एव्हधच सांगावंसं वाटतं... मिपाची सर दुसर्‍या कुठल्याच संकेतस्थळाला नाही हे तर जगजाहीर आहे... आपण आपली आनंदाने मीठ-भाकरी खात असतो व जो अतिथी येतो त्याला ताटातली अर्धी भाकरी काढून देतो पण जर समोरुन "आपल्याच अन्नात माती कालवायचा प्रकार घडत" असेल तर गप्प राहू नका....

बाकी इतर कुठल्या अनावश्यक वादात आम्हाला काडीमात्र रस नाही...

कट्टर मिपाकर छोटा डॉन
[ अपने अड्डे पे जरूर आना https://chhota-don.blogspot.com/ ]
बाकी अपनी किसी "गँग" के साथ सेटिंग नही है .....

हे म्हणजे चांगल्या नांदणार्‍या घरात पाहुणचार घेण्यापेक्षा कुरापती काढून काड्या लावण्याचे काम झाले!
असो. आम्हाला त्याने काडीमात्र फरक पडत नाही.
कारण आम्ही इथे तत्त्वज्ञान वाचायला अन् पाजळायला कधी येतच नाही मुळी!
आपण किती प्रकांडपंडित आहोत हे सिद्ध करण्याची किंवा भासवण्याची गरज पण वाटत नाही.
आम्ही ४ टाळकी (आता १००० +) येतो, विचारांचे आदानप्रदान करतो आणि आमच्या घरात मनसोक्त बागडतो.
ऑलरेडी रस काढलेल्या ऊसाच्या चोथ्याचा रस काढण्यात अगदी इतका म्हणजे इतका इंटरेस्ट असेल.. अहो तर खुशाल काढा की.. इथे कोणी तुम्हाला काहीही म्हणणार नाही! पण तो रस इथे कुणाला पाजायचा आग्रह धरु नका बाबा.. आम्हाला नाही आवडत!

मनस्वी
"मृगजळाला पाहुन तुम्ही फसला नाहीत तर स्वतःच्या बुद्धीची तारिफ करु नका. हे मान्य करा की तुम्हाला तहान लागली नव्हती."

निरिक्षण :

१. आता मधुबाला, ओ पी नय्यर, मदन मोहन किंवा कोणत्यातरी एखाद्या जुन्या चित्रपट कलाकारावर वाचल्यावर टिपे गाळली नाहीत तरी हळहळ वाटण्याजोगा पण सुंदर लेख येणार किंवा सिंहासनचे परिक्षण! मग इथले पिडा, सहज, बिरूटे, तात्या वगैरी जुनी (वयाने) मंडळी त्या हळहळीत विरघळणार.

२. पिरंगुट आधीच झाल्याने आता कलंगुटच्या बंगल्यात मिपा संमेलन भरणार. त्यात डॉन, मन, मदनबाण, तात्या* इ. नवी (वयाने आणि अनुभवाने) मंडळी बाटली-जेवणात विरघळणार.

३. मिपाच्या पहिल्या वाढदिवशी इथल्या सर्व मंडळींना गुदगुल्या करेल असा एक लेख येणार आणि मग हे वरचे प्रतिसाद आम्ही दिले होते हो! पण त्यावेळी गोष्ट वेगळी होती. इतक्या प्रचंड प्रतिभेला आम्ही काहीबाही बोललो हा आमचा करंटेपणा या हळहळ कम गुदगुल्यांत मनस्वी आदी सगळया मंडळींची अस्वस्थता जन्माला येऊन नष्ट होणार.

सारांशः

मग काय होणार, काही नाही, पुढचा पिच्चर रिलीज होईपर्यंत जय आणि विरू दोस्तीच्या आणाभाका घेणार. एकमेकांच्या मनात "चंचीप्रवेश" करणार आणि पुढचा चित्रपट रिलीज झाला की...पुढच्या चित्रपटाचे नाव असेल - ये रे माझ्या मागल्या!

४. आमच्यासारखे काही अशा चर्चांत पूर्वी भाग घेतलेले आणि फारसा संबंध नसलेले आमच्यासारखे हक्का-बक्का राहणार. सांभाळ हो प्राजु

अनुमान :

मिपा असो की मनोगत, माणूस सर्वत्र सारखाच असतो. एखाद्याला आपला समुदाय (कल्ट) बनवण्यासाठी वेगवेगळ्या गिमिक्सची गरज लागते. सदर लेखकाची इश्टाईल आता आम्हाला माहित आहे.

या रोजच्या नाटकांना, संधी आणि ताटातूट, स्त्रियांची मासिक पाळी आणि मराठी साहित्य आणि वरील कविता वगैरे विषयांना सरावलेली

आपली (प्रशिक्षित)
प्रियाली.

* तसं मला वयाने मोठं कोण लहान कोण ते माहित नाही पण तात्या नं. ४ सोडून सर्वत्र असणार.

३. मिपाच्या पहिल्या वाढदिवशी ____
केंव्हा असतोहो? मिपाचा वाढदिवस. जरा आमच्या सारख्या नवीन सभासदास माहिती मिळाली तर बरं होईल.
आपला
( अनेक गोष्टी नवीन समजलेला) केळकर

या रोजच्या नाटकांना, संधी आणि ताटातूट, स्त्रियांची मासिक पाळी आणि मराठी साहित्य वगैरे विषयांना सरावलेली

वा ........बरे वाटले वाचुन...........हे वर नमूद केलेले असले शब्द या लेखकाचा हातखंडा. ते लेखकराव कोठे लिहीत असतात ते सर्वानाच ठाऊक आहे........हिडीस ,गलिच्छ लिहिले की त्यामुळे लेखन क्रान्ती होते हा आमचा अपसमज नाही.
"पिंजरा" चित्रपटाचे तीस वर्षानन्तर परिक्षण लिहिणारे कोण हे सर्वानाच माहीत आहे.
इथले काही लोक एकत्र येतात. गप्पागोष्टी करतात. त्यांची मैत्री होते. मिपा ला कल्ट म्हणत असतील तर त्या कल्टचे आम्ही अनुयायी आहोत हे आनन्दाने सांगु. मनमोकळे लिहिणे हे गिमिक मानले जात असेल तर मनमोकळेपणा हा मिपाचा प्राण आहे.
एखाद्या प्रतिसादचा राग आला म्हणुन मिपा वर लेखनच करणार नाही म्हणुन शपथा घेणारे कोण आहेत हेही लोकाना माहीत आहेत.
आम्ही मिपा कर जसे आहोत तसे आम्ही एकमेकांमुळे घडलेले आहोत. कोण्या ईतर संस्थळाच्या मेम्बरांमुळे नाही
या असल्या प्रतिसादांमुळे मिपावर हल्ली वादळे येत नाहीत. की मिपाकरांत झोडाझोडी होत नाही.

एकमेकाना आदराने प्रेमाने बोलावतो . उगाच इतराना कमअसल्ल म्हणुन हिणवत नाही. हाच काय तो मिपाकरांचा दोष.
आम्ही सारे अस्सल मिपाकर आहोत. मिपावरचे आमचे लिखाण येतच रहाणार. आपपल्या मकदुराप्रमाणे प्रतिसाद देत रहाणार.
वयाने लहानमोठे कसेका असू.......एकमेकांची विचारपूस करणार
:::::::::एक अस्सल मिपाकर विजुभाऊ

अहो राजे,

त्यांना फुले नकोत, कैलास जीवन द्या. त्याची गरज आहे. फुले का तिथे लावता येतील?

नाना फडणवीस

"कविता" म्हणून चांगलीच आहे. पण आत्ता लिहीण्याचे प्रयोजन कळले नाही.
मिपा जसे रोज असते तसेच खेळकरपणाने चाललेले आहे. काही विशेष कविता करण्यासारखे घडले आहे असे वाटले नाही.

"दुज्या सुरांचे, हाणा त्याला, कोण मध्ये हे घुसले" हे मिपावर विशेष झाले आहे असे वाटत नाही, उलट इतरत्र झालेले पाहिले आहे.

बाकी हे नेहमीचेच. चालू द्या. असल्या विषयांवरचा माझा हा शेवटचा प्रतिसाद.

तसं काव्यातलं आपल्याला फार काही कळत नाहीच, पण छान वाटतेय ही कविता :)
अर्थात सन्जोपरावांच्या सिध्दहस्त लेखणीतून उतरलेली कोणतीही साहित्यकृती नक्कीच सरस असते असे आमचे निरिक्षण आहे, त्यामुळे तिच्या दर्जाविषयी प्रश्नच उद्भवत नाही...उच्चच असणार !

पण पुन्हा वाचली आणि आशयगर्भ उमगला. राग्....राग नाही आला...वाईट वाटलं !
सन्जोपराव उत्तम लेखक आहेतच, वादच नाही. आम्हाला साहित्यातला सा देखील लावता येत नाही, आणि सन्जोपराव म्हणजे साहित्यचंद्रच जणू आमच्यासाठी!
तरीही लहान तोंडी मोठा घास घेऊन विचारतो, माफ करा, पण...........
का...का असे करावेसे वाटले ? का सन्जोपराव?
अहो, तुमच्या लेखांवर इथं मिपावर देखील उड्या पडतात...लोक आवडीने वाचतात. हां आता आमच्यासारख्या तद्दन टवाळांसारख्या 'मासेस' ला सोडलं एकवेळ तरी 'क्लास' वाले कित्येक वाचक आहेतच ना मिपावर?
अहो, मग त्यांच्यावर असा अन्याय का? त्यांनादेखील ही दुषणे लागू पडतातच की! मिपाचे सदस्य ह्या नात्याने.
बाकी, आपलं कोणतं लेखन कुठे प्रकाशीत करावं हा नक्कीच ज्याचा-त्यचा प्रश्न आहे. पण इतरत्र उत्तमोत्तम साहित्य सादर करुन मिपावर मात्र एखाद्याच्या अंगणात येऊन त्यालाच शिव्या देण्यासारखा हा प्रकार वाटतो मला (व्यक्तिगत मत!)
एक आदर आहे तुमच्याबद्द्ल आम्हा सर्वांच्या मनात! हे असं अति-अतिसर्वसामान्यासारखं वागून का त्याला धक्का लावताय शेठ?
मान्य आहे, प्रत्येक माणूस आपल्या भाव-भावनांच्या कल्लोळात बुडालेला असतो, कधी त्या भावनांचा जोर वाढल्यावर भावनेच्या आहारी जाऊन माणूस असं काहीबाही करतो. शेवटी माणूस हा माणूस असतो, देव नव्हे! आम्हीही एकमेकांना शिव्या देतोच की! सगळेच करतात असे. पण कोणि फक्त शिव्या देण्यापुरता नक्कीच इथं येत नाही हो.
एकंदरीत मिपाच्या खेळकर कौटुंबिक वातावरणात विष कालवल्यासारखं वाटतंय हे असं वागणं :(

पाठ खाजवुनी एकमेकाची तळवे सुजुनी बसले

असेल बुवा तसेही. कोणी एव्हढा विचार केलाय? मिपा हे घर आणि मिपाचे गावकरी हे कुटुंब असं एकदा स्विकारल्यावर आपल्या घरातल्या एखाद्यावर कोणी राळ उडवली तर त्याच्या बाजुने बोललं तर हे असं असाव? आश्चर्य आहे बॉ !
मग इतरत्र जे चालतं ते काय असतं? 'तू माझ्या साडीला छान म्हणालास तरच मी तुझ्या शर्टाला नावाजेन' अशी परिस्थिती निदान मिपावर तरी नक्कीच नाहीये ना हो रावसाहेब?

दुज्या सुरांचे, हाणा त्याला, कोण मध्ये हे घुसले

हे कुठे घडत नाही ? थोड्याफार प्रमाणात ते सगळीकडेच घडतं ना? मग? निदान मिपावर चाळणी तरी नसते...आपल्याला हवं तेच निवडून सर्वत्र 'गुडी गुडी फील' आणण्यासाठी!

बघता बघता कट्टे सगळे गुत्ते होऊन बसले

साहेब....ही फक्त सुरुवात आहे..कट्टे भरण्याची...आगे आगे देखो होता है क्या....
आम्ही बालिश आहोत...मूढही आहो...आम्ही आपल्या परीने कट्टे भरवले...एक कट्टा तर भर दुपारी वाडेश्वरला झाला..खुद्द पुण्यात. प्राजुताई साक्षीला आहेच. तो बरा नाही दिसला..आणि त्यालाही कोणा गुत्ते म्हणणार्‍याची उपस्थिती नाही दिसली बुवा?

आणी गुत्त्यावर असतात ती भांडणे, शिवीगाळ, आणि बिभत्सपणा...
पुण्यातल्या पहिल्या कट्ट्यावर ॐकारच्या गज़ला, चित्तरशेठच्या गज़ला, डॉ.प्रसाद दाढ्यांच्या आवाजातली सदाबहार गाणी ह्यांचा विसर पडला की काळ्या चष्म्यामुळे दिसलंच नाही?
मिपाचा छापिल अंक काढण्याबद्द्ल झालेली चर्चाही आपल्यास माहित नसेलसं नाही वाटत मला! ह्या गोष्टी गुत्त्यांवर होत नसतात सरकार!!!!!!

असो!
कमीजास्त बोललो असेन तर मिपाचं शेंडेफळ समजुन माफ करा! तुम्हीही मिपाकर आहातच की :) मग घरातल्या लहानांना सांभाळून घेणं मोठ्यांनाच जमतं नै ?
पायरी सोडून बोललो असेन तर चुक पोटात घाला...पण अश्याप्रकारचे हिडीस प्रकार करुन इथलं वातावरण कृपया बिघडवू न्का!

आपला कृपाभिलाषी
- ध मा ल.

आवाज कोणाचा , फक्त तात्याचाच आणी मिसळपाव चा

एक मी.पा. चा चाहता
शरुबाबा