बिहार निवडणूक निकाल

आँ ! येवढ्यात मतमोजणी संपली?

उत्तम ... शेवटी बिहारची जनतसुद्धा आजकाल 'विकास, सोईसुविधा, नोकरी-धंदा आणि सुरक्षा' ह्या मुद्द्यांना प्राथमिकता देत आहे हे पाहुन आनंद झाला. लालुंचा आक्रस्ताळ्या आणि राहुलच्या बालिश प्रचाराला जनता बळी पडली नाही म्हणुन त्यांचेही अभिनंदन :) बाकी सविस्तर निकाल अजुन बाकी आहे, पण नितीशकुमार मैदान मारतील ह्यात शंका नाही. नीतिश कुमार यांचे अभिनंदन !!!! अवांतर : 'भाजपा' चे नाव बिहारमध्ये कुठल्याच बाबतीत घेण्याच्या लायकीचा तो पक्ष आता राहिलेला नाही, बाकी असो. - छोटा डॉन

त्याबद्दल नीतिश कुमार यांचे अभिनंदन !!!! अगदी असेच काँग्रेस प्रवक्त्या जयंती नटराजन म्हणाल्या आहेत. ;) नीतिश कुमारांचे अभिनंदन! काँग्रेसने एकट्यानेच सर्वच्या सर्व जागा लढवणे, जे नीतिश कुमारांनी देखील केले नाही, ती योग्य स्ट्रॅटेजी होती का?

चला त्या निमित्ताने हा राहुल गाम्धींचा आणि पर्यायाने सोनिया गांधींचा पराभव समजायचा का? आणि त्यांना लोकांनी नाकारले असे समजायचे का? कारण जिंकले असते तर त्या दोघांमुळेच जिंकलो असे प्रत्तेक काँग्रेजी टिर्र्या बडवत बोंबलला असता....

अजून लागलेला नाही, आघाड्या आहेत असे आताच हि. टा. च्या संस्थळावर वाचले. तरीपण हा ट्रेंड स्पष्ट आहे. पाकिस्तान बलशाली झाला की भारतास त्याचा फायदा होईल, ही एक रेकॉर्ड पूर्वी वाजवली जायची (आताही मेणबत्तीवाले तशी वाजवीत असतील कदाचित). त्याच धर्तीवर आता बिहार सशक्त झाला की त्यांचे अतिउर्मट व कायद्याला 'ह्याच्या'वर बसवणारे लोंढे महाराष्ट्रात यायचे थांबतील, व मग केवळ आमचे आम्हीच उरू (आम्ही काय कमी उर्मट आहोत?) अशी आशा करूयात!

रालोआचे अभिनंदन! (१०९ सं. जनता दल+ ८६ भाजपा ?) मुख्यमंत्री नितीशकुमार यांचे कार्य आजपर्यंत चांगले झालेले आहे. यापुढेही ते बिहारच्या प्रगतीस अग्रक्रम देऊन आदर्श राज्यकारभार करतील अशी अपेक्षा करूया. या निवडणुकीने स्पष्ट केले की जात-धर्म विरहित, स्वच्छ आणि प्रगतीशील राज्यकारभार केल्यास बिहारसारखे 'तथाकथित अशिक्षित आणि असंस्कृत' राज्यही योग्य व्यक्तींना मतदान करू शकते. इतर राज्येही असा विचार करतील तेव्हा समस्त भारताची प्रगती होईल.त्याबरोबरच नरेन्द्र मोदी, शिवराज सिंग चौहान, नितीशकुमार या उदाहरणांवरून असे दिसते की शीर्षस्थ व्यक्ती जर प्रगती हेच ध्येय मानत असेल तर सामान्य जनतेचा विकास होतो आणि सामान्य जनतेची दिशाभूल केली नाही तर जनता त्याच नेत्यांना मतदान करते. इतर राज्यांच्या आणि भारताच्याही प्रमुखांना यावरून बरेच शिकता येईल. या निवडणुकीत सर्वात जास्त फायदा भाजपाला झालेला आहे. (+३०) अर्थातच भाजपाने 'हिंदुत्ववादी / सांप्रदायिक' नेते नरेन्द्र मोदी आणि वरुण गांधी यांना प्रचारात उतरवले नाही त्याचा उपयोग झाला असेही म्हणता येईल.

बिहारमधलील जनतेचा जर काँग्रेसबद्दल भ्रमनिरास झाला असेल तर मला वाटते काँग्रेसचा अंत आता जवळ आला आहे असे समजायला हरकत नाही. हे वाईट होईल पण मला वाटते त्यातूनच काहितरी चांगले उदयास येईल. मला वाटते की महाराष्ट्रच भविष्यात काँग्रेसला परत उर्जित अवस्था प्राप्त करून देईल. अर्थात हे माझे विचार आहेत, चुकीचे असण्याची शक्यता जास्त आहे.

लोखंडी घमेल्यातून प्रचंड ओझे वाहणार्‍या अनवाणी महिलेच्या मागे प्लास्टिकचा रिकामा टब घेवून एक युवराज परदेशी बनावटीचे स्पोर्ट शूज घालून जात असल्याचे फोटो प्रसिद्ध झाले होते. (कदाचित बनावट स्वदेशी असू शकते, पण मालकी परदेशीच असावी) ह्या नौटंकीचा आता सामान्य बिहारी जनतेला उबग आलेला दिसतोय. हा कदाचित त्यांचाच 'विधायक' सूड असेल ...

मला दोन बाबतींचा आनंद झाला! एक म्हणजे 'रास्वसं' आणि 'सिमी'ला एकाच मापाने मोजणार्‍या राहुलचा धुव्वा उडणे व दसरी बाब म्हणजे कसलीही लायकी नसलेल्या राम विलास पासवान यांचा नि:पात होणे! यातली कुठली जास्त आनंददायी आहे ते अद्याप ठरविलेले नाहीं. विदूषक लालू आणि त्यांच्या 'कर्तबगार' अर्धांगाची-राबडीदेवी-सद्दीही संपली आहे. आता उरल्या इंपोर्टेड राबडीदेवी! त्याही संपल्या म्हणजे सुटली भारताची जनता!

देशात गुजरातपाठोपाठ बिहारी जनतेने विकासकामांना महत्त्व देणा-या राजकीय पक्षांना भरभरून मतदान करण्याचा सेट केलेला ट्रेंड त्या त्या राज्यांच्याच नव्हे, तर एकंदरीत देशाच्या भवितव्यासाठीही मार्गदर्शक ठरणार आहे, एवढे निश्चित... नितिशकुमारांचे भरभरून अभिनंदन ! असेच पुढे जात राहा आणि देशाला हि पुढे न्या !

'बैलजोडी', "गायवासरू", "पंजा", "पणती", 'विळाकणीस", "कमळ", "कंदील" पाहून मतदार शिक्का मारायचा....मग त्या चिन्हाच्या मागे एखाद्या गाढवाचे [वा गाढविणीचे] का नाव असेना.... पुढे बटन आले, मतदार निव्वळ सुशिक्षित न राहता तो शहाणाही झाला - किंवा होत आहे - आणि आता तो 'थोर इतिहासाकडे' न पाहता काल केलेल्या कामाकडे पाहून उद्या त्या नेत्याला कामासाठी खुर्ची द्यायची का नाही हे ठरवू लागला आहे. गुजराथ ही सुरूवात म्हटले तर बिहार आता 'पुढचे पाऊल' म्हणावे लागेल. मोदी आणि नितिशकुमार दाखवून देत आहेत की जनता त्यांच्याबरोबर का आहे तर ते जनतेसाठी आहेत. केवळ एक आडनाव आहे म्हणून मला निवडून द्या असे यापुढे कुणीही म्हणू नये हेच सार बिहारचे निकाल दर्शवितात. नितिशकुमार आणि आघाडीला मनःपूर्वक शुभेच्छा ! इन्द्रा

नितिशकुमारांचे अभिनंदन केल्याबद्दल नितिन थत्त्यांचे अभिनंदन :)

बिहारची हि निवडणुक संयुक्त जनता दल व भाजपाने" बिहारी अस्मिता' या विषयावर देखिल काही प्रमाणात लढवली आहे .........मला या निमित्त्ताने सावरकरांची आठवण झाली ......सगळ्याच प्रांतांना या निमित्ताने प्रांतिय अस्मितेची लागण होवू लागली आहे आता याची सुरुवात महाराष्ट्राने केली की गुजराथने हा प्रश्न वेगळा!.....बहुमत असाव तर अस! उगिच याच्या त्याच्या कुबड्यांची गरज लागणार नाही आणि बिहार बद्दलचे महत्वाचे निर्णय घेताना आता नितिशकुमार यांना कुणावर अवलंबून रहावे लागणार नाही ........बिहारची समस्त जनता अभिनंदनाची पात्र आहे...... सत्तेच्या उन्मादाने माजलेल्या सगळ्यांचाच माज योग्य वेळी उतरवून त्यांना त्यांची योग्य जागा बिहारच्या सुज्ञ जनतेने दाखवून दिली याचा आनंद जास्त आहे....काँग्रेसला मिळालेल्या जागा बघता हा पक्ष १२५ वर्षे जुना आहे यावर विश्वास ठेवणे कठीण ...भारतिय राजकारणातला सगळ्यात जुन्या पक्षाचा सुपडा साफ झालेला बघुन अंमळ अत्यानंद झाला...उत्त्तरोत्तर अश्याच प्रकारचे चित्र समस्त हिंदुस्थानात निर्माण होवो हिच सदिच्छा! नितिश कुमार व नरेंद्र मोदी यांनी विकास या मुलभुत विषयावर देखिल निवडणुका लढवुन बहुमत प्राप्त करता येते हे दाखवून दिले....महाराष्ट्राची जनता देखिल यावरुन काही धडा घेईल अशी आशा करावी कि न करावी या विवंचनेत आहे.. अवांतर्-थत्तेचाचांनी लालूंप्रमाणे फक्त नितिशकुमारांचे अभिनंदन केले आहे ते बघुन गंमत वाटली .जय हिंद! जय महाराष्ट्र!

हा विजय खरोखरच आश्चर्यकारक असा आहे. १५५ जागा पकडल्या होत्या ,त्या एकदम २०१ झाल्या . राहुल गांधीचे देखिल अभिनंदन त्याना ५ जागा मिळाल्या. तसेच श्री लालु यादव व रामविलास पासवानह्याचे देखिल अभिनंदन. अजुन त्याना जनतेने थोडा का होईना पाठिंबा दिला आहे. रामविलास पास्वान व रामदास आठवले ह्याच्यात काहीतरी साम्य आहे.

अभिनंदन. उद्याच्या लोकसत्तेत कुमार केतकर काय 'थियरी' मांडतात बघुया!!राहुल गांधींना जबाबदार न धरता स्थानिक कॉन्ग्रेस नेत्यांमुळे पराभव झाला असे नक्की सांगणार. अवांतर- महाराष्ट्रात बिगर्-काँग्रेस पक्षांना असे यश कधीच का नाही मिळाले?

महाराष्ट्राची जनता देखिल यावरुन काही धडा घेईल अशी आशा करावी कि न करावी या विवंचनेत आहे..

सहमत आहे.महाराष्ट्रातील राजकिय पक्षांनी देखील भाषा,धर्म,ईतिहास ह्यावरून टगेगिरी न करता विकासाच्या मुद्द्यांवरच सत्ताधार्‍यांना कोंडीत पकडावे.

जाती, धर्म, भाषा असल्या पोकळ मुद्द्यांपेक्षा विकासाच्या मुद्द्यावर मतदान होत असेल तर, सर्वच पक्षांसाठी तो एक चांगला धडा ठरेल.

काँग्रेसच्या पतनाची ही सुरवात आहे. महाराष्ट्रातली जनता कधी शहाणी होणार ?

टाईम्स ऑफ इंडियामधील बातमीप्रमाणे आताचा लेटेस्ट आकडा २०७!! नितीशकुमारांच्या नेतृत्वाखाली जद(यु) आणि भाजप युतीने अभूतपूर्व यश संपादन केले.त्याबद्दल त्यांचे अभिनंदन. जातीपातींच्या गलिच्छ राजकारणातून बाहेर पडून मतदारांनी विकासाच्या मुद्द्यावर मतदान केले आहे असेच दिसते.जनमताचा कौल इतका निर्विवाद आहे की त्याविषयी कोणालाही शंका घेता येणार नाही.१९९० ते २००५ या काळात माकडचाळे करून बिहारी जनतेला खोटी आशा दाखवत लोकांच्या डोळ्यात धूळ फेकणाऱ्या लालू यादवांच्या पक्षाचा पुरता पाडाव झाला हे सगळ्यात चांगले झाले.लालू यादव यांच्या बरोबर युती करून निवडणुक लढविणारे रामविलास पासवान आणि लालूं-राबडींच्या भ्रष्ट आणि अकार्यक्षम सरकारला पाठिंबा देणाऱ्या कॉंग्रेस पक्षाचाही मोठा पराभव झाला यावरूनच लालूंच्या सरकारशी संबंधित प्रत्येकाला जोरदार धडा लोकांनी शिकवला आहे असे दिसते.असे म्हणतात की in politics, you can fool some people all the time, you can fool all the people some time but you cannot fool all the people all the time. लालूंना त्याची प्रचिती आली असेल. मागे मिसळपाववरील विविध वेगळ्या चर्चांमध्ये ’ही कसली लोकशाही’ अशा स्वरूपाची मते अनेकांनी व्यक्त केली होती.अशांचे शंकानिरसन आजच्या या निकालाने झाले असेल अशी आशा करू या. तसेच २०७/२४३ म्हणजे पाच-षष्ठांशापेक्षा जास्त बहुमत नितीशकुमारांना मिळाले आहे.असेच किंबहुना यापेक्षाही मोठे बहुमत जयललितांना १९९१ मध्ये तमिळनाडूत मिळाले होते.पण नंतरच्या काळात आपल्या सामर्थ्याची नशा चढलेल्या जयललितांनी काय केले हे वेगळे सांगायलाच नको. यापासून धडा घेऊन नितीशकुमार आपले पाय जमिनीवरच ठेऊन बिहारमधील विकासप्रक्रिया पुढे नेतील अशी आशा करू या. क्लिंटन

नितीश कुमारांचे आणि रा.लो.आ. चे अभिनंदन. विकासाची तहान लागलेल्या बिहारी जनतेने नितीशकुमारांचे काम बघुन त्यांना दुसरा चान्स दिला. या सूज्ञपणाबद्दल बिहारी जनता देखील अभिनंदनास पात्र आहे. आता राहिला मुद्दा कि महाराष्ट्रात असं काहि होईल कि नाहि... मला वाटतं, शक्यता कमी आहे. सगळ्यात मुख्य कारण म्हणजे लालूंची जी इमेज बिहार मध्ये होति/आहे तेव्हढी खराब इमेज महाराष्ट्रात काँग्रेस नेतृत्वाची नाहि. बिहारी जनता रा.ज.द. पेक्षा "लालूंना" कंटाळाली होती. महाराष्ट्रात काँग्रेस एक पक्ष म्हणुन सक्षम आहे. इथे पक्षाला एकच एक चेहरा नाहि कि ज्याच्या विरोधात मते एकजूट व्हावीत. दुसरं असं कि बिहारमध्ये "लालूंचा काटा काढायला नितीश" असं समीकरण जमलं. महाराष्ट्रात विरोधी पक्षाचा असा कोण नेता आहे कि ज्याच्यावर महाराष्ट्राने विश्वास ठेवावा ?? तीसरं कारण काँग्रेस पक्षाची रा. काँग्रेससोबत असलेली युती. हे दोन पक्ष आपापसात कितीही लट्ठालट्ठी करोत, पण दोघांपैकी कुणी एकाने जरी थोडं चांअगलं काम केलं तरी फायदा त्यांच्या युतीला होतोच. मराठी जनता काँग्रेसशी नेहमीच प्रामाणीक राहिली आहे आणि शरद पवारांची इमेज चांगलीच आहे. ह्म्म्म... आता जर एव्हढ्यात महाराष्ट्रात निवडणुका असत्या तर कदाचीत भा.ज.प.-सेना युतीला बिहार मधल्या निकालांचा थोडा फायदा झाला असता... तसही "आदर्श" वगैरे प्रकरण मराठी जनता बघतेच आहे. असो. अर्धवटराव