आज लॉर्ड व्हॉल्डेमॉर्ट यांची पुण्यतिथी. डंबलडोरवधाबद्दल व्हॉल्डेमार्ट यांची हत्या करण्यात आली. डंबलडोर हे अहिंसेचे पूजक, समर्थक व प्रसारक. 'डोळ्याला डोळा' या न्यायाने सगळे जग आंधळे होईल असा युक्तिवाद डंबलडोरवादी 'हिंसेला हिंसा हे उत्तर नाही' याचे समर्थनार्थ करतात. (आणि क्रुशिअ‍ॅटस कर्स ऐवजी स्टुपिफाय, किंवा एक्स्पेलिआर्मस वापरतात.) अवारा-केडावरा म्हणजे हत्या हे समजत असतानाही लॉर्ड व्हॉल्डेमार्ट यांची हत्या करण्यात आली? तो हॅरी पॉटरचा निर्णय होता असा युक्तिवाद कदाचित डंबलडोरवादी करतीलही, पण एकाही ऑर्डर ऑफ फीनिक्स वाल्याने या हत्येला अक्षेप घेतला नाही, त्याविरुद्ध आंदोलन केले नाहीवा कुणी आमरण उपोषणासही बसला नाही हे सत्य आहे. (वास्तविक व्हॉल्डेमार्टला अझकबानला पाठवता आले असते.) आपल्याच तत्त्वाच्या विपरीत वर्तन डंबलडोरवाद्यांना कसे काय आवडले? की हिंसेचा बळी हा त्यांचा प्रिय हेडमास्तर असल्याने त्याच्या वधकर्त्याला वेगळा न्याय त्यांना अभिप्रेत होता? (मला मिनिस्ट्री ऑफ मॅजिकचे ब्रीदवाक्य आठवले - "मॅजिक ईज माईट") ही हत्या म्हणजे डंबलडोरवादाचा पराभवच नाही का?