प्रतीक्षा
नदीतटावर रात्रभर मी थकलो तुझी पाहुनी वाट
प्रिये तिष्ठत थांबली बघ क्षितीजावर येऊनी पहाट
नभात पाहा खोळंबून राहे चांदण्यांची वरात
अजून थोडा रेंगाळत फिरतो कालचाच सांजवात
सुगंधास्तव तुझ्या झुरते मुग्ध रातराणी एकांतात
दूर लवलवते तेल घालूनी ज्योत नयनी गवाक्षात
थरथरे पालवी अस्वस्थपणे तरंग उठवुनी डोहात
ताटकळते उभी तशीच ओल्या दवात भिजुनी चिंब रात
जागली तरी तशीच बसली ती पाखरे अजुनी कोटरात
तुझ्या आगमनाची अशी प्रतीक्षा राहिली भरुनी चराचरात
जरी होईल निस्तेज तो दिशा उजळता होऊनी प्रभात
तरी थांबला बघ तुला पाहण्या चंद्रमा अजुनी अंबरात...
वर्गीकरण
वाट बघावी तर तुम्ही नगरी , अन
In reply to वाट बघावी तर तुम्ही नगरी , अन by स्पंदना
+१
अतिशय सुंदर कविता .. नदीतटावर
हं
कविता आवडली (तरीही हा
फारच मस्त आहे कविता.
मस्तच!! खूप छान कविता.
ऊत्तम कविता.
नभात पाहा खोळंबून राहे
सुंदर.
छान रचना..
सुरेख!