पाककृती टीप्स

नमस्कार मंडळी. माहित असलेल्या, नसलेल्या सर्व पाकृ बद्दलच्या छोट्या- मोठ्या टीप्स जमवण्याचा हा एक प्रयत्न आहे. त्यामुळे आयटी नवर्‍यांना/लग्नाळु लोकांना याने मदत होईल. ;) आणि आयटीवाईव्ज ना नवर्‍याला स्वयंपाकात या टीप्स देऊन नवर्‍याला बसल्या जगेवरुन टीवी सिरियल बघता बघता मदत करता येईल. =)) टीप्स: १. अ‍ॅल्युमिनियमची भांडे/कुकर शक्यतो टाळावेत, आणि वापरलीच तर त्यात जास्त वेळ जेवण ठेवु नये. २. लोखंडी, पितळी भांड्यांमधला स्वयंपाक हा रुचकर आणि सत्वयुक्त होतो, शक्य असल्यास वापरावेत. (भांडी जास्त घासण्याचा थोडा त्रास सहन करावा लागतो) ३. जेवण, दुध फ्रीजमधुन काढुन लगेच गरम करु नये, थोडा वेळ रुम टेंपरेचर ला आणावीत, एनर्जी जास्त लागते आणि जेवणाची चव थोडी बिघडते (अनुभवावरुन) ४. कुकर मधे वेगवेगळ्या भांड्यांमधे अन्न शिजवत असलात तर बटाट्याची साले (असल्यास, उगाच तेवढ्यासाठी बटाटे सोलु नयेत आणि आता बटाट्यांच काय करु हे विचारु नये. ;) ) टाकावीत, कुकर बर्‍यापैकी स्वच्छ होतो. ५. कोणत्याही रश्शाच्या भाजीला कमी तेलात चांगला तवंग यावा असे वाटत असेल तर भाजीत थोडीशी साखर (थोडी म्हणजे थोडी, आवडते म्हणुन लगेच बचकाभर टाकु नये.) टाकावी. चांगला तवंग येतो. ६. मटण, चिकन, यांच्या रश्श्यामधे बाजरीचे थोडेसे पीठ भाजुन घालावे, हलकासा घट्टपणा येतो आणि चव सुपर्ब. कॉर्नफ्लोर टाकु नये त्याने घट्टपणा येतो पण चव नाही. ७. कोणयाही कोरड्या भाजीला चांगला सुगंध येण्यासाठी अगदी थोडीशी दालचिनी आणि ईलायची सुरुवातीलच तेलात परतुन घ्यावी. छान सुगंध येतो. ८. बिर्याणि, पुलाव करताना भांड्याला तुपाचा हात लावुन घ्यावा, भात भांड्याला लागत नाही, आणि जळका वास जेवताना येत नाही. ९. टोमॅटो नरम झाले असतीत तर मिठाच्या पाण्यात ठेवावेत, कडक होतात. १०. जेवणाचा सुगंध, रंग, स्वच्छता आणि प्रेझेंटेशनकडे विषेश लक्ष द्यावे, त्याला फारच महत्व आहे असे मला वाटतं. ११. जेवण गरम असावे आणि जेवताना नेहमी आनंदी असावे आणि जेवण बनवणार्‍याला काँप्लिमेंट्स (कमेंट्स नाही ) नक्की द्याव्यात. ;) १२. जेवण झाल्यावर ढेकर द्यायला विसरु नये. =)) अजुनही भर पडेलच याची खात्री आहे, कारण ही लिस्ट फारच छोटी आहे. :)