Skip to main content
लेखक निवेदिता-ताई यांनी सोमवार, 11/10/2010 14:04 या दिवशी प्रकाशित केले.
From -----------------------------------------------------------------------------------------------------------------------
From साहित्य:- एक वाटी भिजवलेला शाबूदाणा, दोन बटाटे (उकडून), दोन मिरच्या,एक टे.स्पून साखर, चवीनुसार मिठ, तळण्यासाठी रिफाईंड. ज्यांना उपवासाला जिरे चालत अशांनी थोडे जिरे घालावेत. कॄती:- बटाटे सोलुन कुस्करुन घ्यावेत, त्यात भिजवलेला शाबूदाणा, मिरची तुकडे, मीठ, साखर चवीनुसार,जिरे इ. सर्व एकत्र करुन चांगले मळुन घ्यावे,पाणी थोडे सुद्धा घालू नये. त्याचे लहान लहान चपटे वडे थापून मध्यम आचेवर तळून घ्यावेत. हे वडे गोड दही किंवा नारळाच्या चटणीबरोबर खावेत. टीप-- यात शेंगदाणे कुट अज्जिबात घातले नाही, त्यामुळे हे कुरकुरीत होतात.
वाचने 5541
प्रतिक्रिया 3

प्रतिक्रिया

मनि२७ सोमवार, 11/10/2010 15:46
छानच लागतात हे वडे...... मला खूप आवडतात.. माझी आई कुट घालून करते... ह्यावेळी तिला असे करायला सांगेन...:-) माझी शंका कम प्रश्न:- ह्यात आपण रताळी पण घालू शकतो का बटाट्या ऐवजी..???

प्राजु सोमवार, 11/10/2010 21:34
यामध्ये थोडी उपास भाजणी सुद्धा छान लागते. किंवा, वरई थोडीशी शिजवून घातली तर एक कुरकुरीतपणा येतो.