Skip to main content

गुपित !

लेखक अथांग यांनी सोमवार, 27/09/2010 01:45 या दिवशी प्रकाशित केले.
शब्दांचे किती-कसे, उभे आडवे वळसे.. भाव ओथंबले त्यात, ओठीं काही येत नसे ! हो, डोळे बोलतात कधी, भाषा एक साधी-सुधी.. ज्याची त्याला समजावी, कुणी-कुण्णी नको मधी ! काही हलके इशारे, उभ्या अंगाला शहारे... भर उन्हातही जणु, मनभर गार वारे ! क्षणी असे हरवणॆ, आणि पुन्हा गवसणॆ... तुझी-माझी लपाछपी, सार्‍या गावाचे बहाणे !!
लेखनविषय:
वाचने 1239
प्रतिक्रिया 4

प्रतिक्रिया

राघव सोमवार, 27/09/2010 02:32
मनभर गार वारे ... ही शब्दयोजना आवडेश. पु.ले.शु.

राजेश घासकडवी सोमवार, 27/09/2010 10:50
तिसरं कडवं मस्त जमलंय. शब्दांचे वळसे, गावाचे बहाणे हेही आवडलं. तिसऱ्या कडव्यात लयही छान जमली आहे. ती जर इतर कडव्यांत जमली असती तर बहार आली असती. लिहीत राहा.

नगरीनिरंजन सोमवार, 27/09/2010 10:55
अप्रतिम! हो, डोळे बोलतात कधी, भाषा एक साधी-सुधी.. ज्याची त्याला समजावी, कुणी-कुण्णी नको मधी ! हे खासच.