Skip to main content

निसर्गाची भाषा

लेखक शुचि यांनी शनिवार, 25/09/2010 02:33 या दिवशी प्रकाशित केले.

आई फक्त माणूसच बोलू शकतो का?
नाही बाळा, सारी सृष्टी बोलते आपल्याशी ऐक जरा. फक्त भाषा भिन्न असते.
____

चंद्राची भाषा चांदणे, सूर्याची भाषा रवीकिरणे
वार्‍याची भाषा झुळकेची, समुद्राची अलवार गाजेची ||१||
पिंपळवृक्षाची सळसळ, नदीनाल्यांची खळखळ
सार्‍यांचे मन उमगेल तुला, स्तब्ध शांत करशील मना||२||
कमळ बोलतसे उमलण्यामधुनी, मधमाशी ती कष्टांमधुनी
पहाड बोले अचलपणांतुनी, नभ ते त्याच्या पोकळीतुनी||३||
मौन होउनी संवाद साध बघ, आकळेल निसर्ग तुला
सार्‍यांचे मन उमगेल तुला, स्तब्ध शांत करशील मना||४||

काव्यरस
शांतरस
लेखनविषय:
वाचने 1738
प्रतिक्रिया 5

प्रतिक्रिया

अथांग शनिवार, 25/09/2010 04:16

सुरेख कल्पना! आपल्य रोजच्या धबडग्यात हे निसर्गाचे शब्दं/भाषा निसटतच जातात नाही का, आपल्या जाणीवेतुन?

स्पंदना शनिवार, 25/09/2010 06:55

सुं सुं बोले वारा , भरे आसमंत सारा,
आहे ॐ काराचा नारा, सार्‍या विश्वामध्ये ...!!

सुन्दर शुची, कुणाला मुलीला सांगते आहेस?

शुचि शनिवार, 25/09/2010 07:28

>> सुं सुं बोले वारा , भरे आसमंत सारा,
आहे ॐ काराचा नारा, सार्‍या विश्वामध्ये ...!! >>
सुंदर!!!!

हो ग मुलीला सांगतेय :)