पुतळे हटवा! इतिहास घडवा !!

लवासाच्या मुद्यात दम आहे.

इतिहास घडवा कसला इतिहास बदला लेको. **ची जय यांच्या. मि पा वर शिव्या दिल्या तर चालतात का? कचकुन शिव्या द्यायची इच्छा होत आहे आत्ता. शेपुट्घाले, कणाहीन लोक साले. आणि निर्णय कोण घेणार तर तो yz राजपाल. त्याला मराठ्यांचा इतिहास तरी माहिती आहे का विचारा आधी.

ज्या लोकांनी नको त्या कंड्या पिकवल्या ते राहिले बाजूलाच आणि आता सरसकट भुई धोपटण्याचा प्रकार चालू आहे. वर्तमान 'सुजाण' राज्यकर्त्यांकडून दुसरी अपेक्षा नाहीचे म्हणा. शिवाजी महाराज जन्मलेच नसते तर बरं झालं असतं असं म्हणायची वेळ आणली आहे दोन्हीकडच्या काही लोकांनी. धन्य ती मराठी अस्मिता आणि धन्य ते मराठी जन.

तुम्ही पुणेकर अभिजन २१ व्या शतकातल्या 'जाणत्या राजा' ला मानत नाही ; पण १७ व्या शतकातल्या जाणत्या राजापुढे कायम नतमस्तक होता, त्यांच्या पायाची धूळ अजूनही आपल्या कपाळावर लावता. आणि इथे सध्याच्या जित्या-जागत्या, कर्त्या-सवर्त्या, आशास्थान, भारतवर्षाचे भावी आणि एकमेव आधारस्तंभ अश्या महान 'जाणत्या राजा'पुढे मान तुकवत नाही म्हणजे काय? मग आम्ही १७व्या शतकातल्या जाणत्या राजाची आठवणच एक्-एक करून पुसून टाकतो, आम्हाला कोण आडवणार?

विनाकारण वाद घालण्याचा राज्यकर्त्यांचा डाव आहे. सुजाण पुणेकरांनी उधळून लावायला पाहिजे अमोल

त्या पुतळ्याचे काय करणार? सन्मानाने विसर्जीत करावा अशी एक सुचना (जर कुणाच्या भावना दुखत नसतील तरच!)

काकोंशी सहमत..

आता ज्ञानेश्वरी ला भंपक साबित केले किंवा ती ज्ञानेश्वरांनी कुणाकडून तरी (कुणा ब्राह्मणेतराकडून) ढापली हे सिद्ध केले कि ताबूत थंडे होतील यांचे.

विश्वनाथाशी सहमत.. तसेच हुप्प्याच्या प्रतिसादाशीही सहमत.. आपला, (शिवभक्त) तात्या.

वा वा वा ! हलवणार का एकदाच तो पुतळा ? बर्र झालं. तिथे पलिकडेच एक बामणी वाड्याचे अवशेष अजुन शिल्लक आहेत, शनिवार वाडा काय काय ते. ते पाडुन तिथे भांडारकरच्या धर्तीवर एक मोठी संस्था उभारुन बहुजनांचा खरा इतिहास जो आजवर दाबुन ठेवण्यात आला आहे तो उकरुन काढण्याचे कार्य करता येईल.

आपल्याकडील विद्वानांनी जरा इतिहास निट सुधरून घेण्यासाठी एकत्र यावे. इतिहास लिहिण्याची व तपासण्याची काही शास्त्रीय पद्धत आहे की नाही? सबळ पुराव्यानीशी सिद्ध झाले की दादोजी कोंडदेव महत्वाचा माणूस नव्हता. तर संबंधितांवर पुतळा हलवण्याचे आपोआप बंधन येईल. निदर्शने, मोर्चे, हुल्लडबाजीने इतिहास बदलण्याचा प्रयत्न हा मुर्खपणाचा आहे. कोळसेपाटलांचं ठिक आहे. पण न्या. पी.बी.सावंतही त्यांच्या नादाला? याचं आश्चर्य वाटतं. महाराष्ट्रातल्या विचारवंतांना काय झालंय? सगळीडेच ‘राडा’ संस्कृती माजलेली आहे. अविनाश

आपल्या कडे शास्त्र पद्धतीने सत्य इतिहास बदलण्याची पद्धत पेशवाई पासुन सुरु आहे... उगाच काहीही उफराटे आरोप केल्याने पुतळा लाल महालात राहणार नाही..... तो उचलण्याची तयारी केंव्हाच सुरु झाली आहे... पेशवाई गेली पण शेपुट राहिले वळवळ करायला...

शास्त्रीय पध्दतीने एका जातीला बदनाम करण्याची वळवळ चालु झाली आहे

परिकथेतील राजकुमार सर्व प्रथम आपण बहुजनांचा हुशार नेता आज कोण आहे ते दाखवा मग बहुजनांचा इतिहास शोधा तस ही महाराजांन नंतर शनिवार व ब्राम्हणानाच इतिहास आहे. हुप्प्या हुप्प च बसायच काय तर बहुजनातले विद्वान लोक उचित मानधन देऊन याकरता नेमावेत. नीदान बहुजना न साठी बहुजनांनी फुकट हे काम कराव व खर्‍या इतिहासाची नव्याने मांडणी करावी (असल्यास). आपण काय बोलतोय काय नाही ते पहा उगाच गायकवाड/ कोळसे/ खेडेकर अशा भपंक लोकाच्या नादी लागु नका. (वीनायक मेठे मराठा आरक्शना साठी बाहेर पड्ले आमदार झाले पुठे काय ? ) मराठ्यांशी त्याला काहीही देण घेण नाहीये आपल्य आमदारकीत मस्त आहेत तेव्हा सबुरी ने घ्या. पुढील शंभर वर्षे उच्चवर्णीयच शिवरायांचे नाव घेणार आहेत.असो

आत्ताच हाती आलेल्या बातमी प्रमाणे ... 'तो' पुतळा हलवू नये म्हणून संभाजी ब्रिगेड च्या लोकान्नी लय राडा केला आहे म्हणे. आणी आता समीती स्थापन करून निर्णय घेणार आहेत. लोकशाही जिंदाबाद :) ---

>>सध्या १३९ पाहुणे "कार्यरत" आहेत हो! ..वाढूही शकतो हा आकडा! आत्ता १५६.....

त्यातून ही बातमी हातात लागली. सरळ आहे जिथे पैसा तिथे साहेब. अरे इथल्या समस्यांच काय..? साहेबांच चप्पलफेकीपासून संरक्षण हो. महाराष्ट्राचा अर्थसंकल्प: १०४६९८ कोटी रु. क्षेत्रफळ :३०७६९० चौ. कि.मी. लवासा : ७३००० कोटी रु. क्षेत्रफळ :१०० चौ. कि.मी. श्रीकृष्णानं अधर्म, पापाचा नाश करण्यासाठी पुन्हा अवतार घेण्याचं वचन काय दिलं. या राजकारण्यांना, राज्यकर्त्यांना त्याची घाई झालेली दिसते.

लवासाचे प्रकरण गाजत असतानाच हे प्रकरण कसे काय सुरु झाले???

आमची तर मागणी आहे की मागचा सगळा इतिहास हा खोटा असुन भारताचा खरा इतिहास हा इ.स. १९२० पासुन सुरु होतो. त्याच्या आधीच्या सर्व खुणा पुसुन टाकल्या पाहिजेत. गो-या इंग्रजांनी काळी माकडे घेवुन त्यांवर प्रयोग करुन काळी माणसे तयार केली ज्यांना लोक भारतीय असं म्हणतात. २०-२५ वर्षे झाल्यावर महात्मा गांधीजींच्या (कानाच्या पाळीला हात) प्रयत्नाने ब्रिटिश इंग्लंडमधुन भारताचा कारभार पाहु लागले. पण काही मुर्ख आणि अर्धवट लोकांना भारताला स्वातंत्र्य मिळाले असे वाटते. अहो पारतंत्र्य नव्हतेच तर स्वातंत्र्य कुठ्ले मिळणार? गप्पा नुसत्या तंमाखु खाउन पचापच थु़कणार्‍यांच्या ! तरी बरे आमच्यासारखे काही विचारवंत त्यांना शहाणे करत आहेत. येईल ! यश येईल प्रयत्नांना !! लवकरच हा खरा इतिहास आम्ही लोकांसमोर आणणार आहोत ... नक्की वाचा "भारतीय इतिहासाची चंदेरी पाने अर्थात भारत एक समृद्ध वसाहत " मागणी नोंदवा .. आज मागणी नोंदवणार्‍यास आमच्या सहीसह पहिल्या आवृत्तीची प्रत बिना पोस्टेज खर्चाची २० टक्के सवलतीत.

सदा सर्वकाळी एतद्देशियांनी एकमेकांचे उणे दुणे काढुन, पाय ओढुन आत्मघात करुन घेतला... स्वातंत्र्यप्राप्ती नंतर अवघा हिंदुस्तान (आणि हिंदु विशेषकरुन) एक होइल/व्हावा अशी आशा स्वा. सावरकरांसारख्याना वाटली. पण हि हजारो वर्षाची सवय आहे हो. हे वाकडे शेपुट सरळ होणे नाहि. पण शिव-समर्थ भक्त या प्रसंगाला पुरुन उरतील. तयारीला लागा. (दुरुन मजा पाहणारा) अर्धवटराव

वसुंधरा माझा ग्रह आहे. सारे वसुंधरा वासी माझे बंधू भगिनी आहेत, माझ्या वसुंधरेवर माझे प्रेम आहे. माझी वसुंधरा महान. माझ्या वसुंधरेशी एकनिष्ठ राहण्याची पात्रता (लायकी) माझ्यात यावी म्हणून मी नेहमी प्रयत्नशील राहील.

पण जेम्स लेन आणि एका विकृत विनोदाची पार्श्वभूमी या वादाला आहे , म्हणून तो पुतळा याला खतपाणी घालतोय असा बर्याच लोकांच मत आहे . दादोजीन चा पुतळा तेथून काढू नयेच, पण ते शिल्प अधिक widescope करावा आणि त्यात शहाजीराजे, कान्होजी जेधे, बाजी पासलकर यांचीही शिल्पे अंतर्भूत करावीत , म्हणजे आपोआपच दोन्ही बाजूंचे वाद शमतील आणि तोडगा निघेल ! यावर तुमचे मत काय आहे !

"रामदास आणि शिवाजी यांच्यातही दृढ संबंध होते असं मानणारा मोठा समुदाय महाराष्ट्रात आहे." सुमारे ८० प्रतिसादामधील सर्वात शहाणपणाचा (आणि समंजसपणाचा) श्री.पु.पे. यांचा हा प्रतिसाद. मागील जनगणनेत महाराष्ट्राची लोकसंख्या ९ कोटी ६८ लाख नोंदविली गेली आणि समाजनिहाय एक निष्कर्ष असा निघाला की, या जवळपास दहा कोटीच्या लोकसंख्येत "मराठा (आणि कुणबी)" समाज ४० टक्के आहे. याचाच अर्थ अदमासे पावणेचार कोटी मराठ्यांपैकी "पुतळे काढा, फोडा, इतिहास जाळा, ग्रंथभांडारांचा विध्वंस करा" आदी नाझी परंपरा चालविण्याची खुमखुमी असणारे पाऊणहजार वेगळे केले तर बाकीचे ९९% पेक्षा जास्त मराठे "रामदास आणि दादाजी कोंडदेव हे शिवाजी महाराजांचे गुरु होते, दैवत होते" हेच मानतात. मुंबई-पुणे वगळता अगदी कालपर्यंत लेनलागण राज्याच्या बाकीच्या ३५ जिल्ह्यांना शिवलीदेखील नव्हती. पण जातीचे कावेबाज राजकारण करण्याचे विलक्षण कसब असलेल्या मुरब्बींना महाराजांविषयी बेगडी प्रेम दाखवायला एक आयते कोलित मिळाले (ज्याला टीआरपीची खाज असलेल्या वाहिन्यांनी सुफला खत घातले), आणि त्याचे परिणाम काय होत आहेत हे आपण पाहतच आहोत. मिपावर या विषयांवर वारंवार चर्चा होत आहेत. धागे आणखीनही निघतील आणि वाभाडे काढणारेही बाह्या सरसावून आपली मराठी भाषा धारदार करीत राहतील. तेव्हा विनंती एकच की, संभाजी ब्रिगेड वा त्या प्रणालीचे समर्थन करणारे म्हणजेच "समस्त मराठा समाज" अशी गृहितके कृपया मांडू नका. शिवाजी महाराजांना मानणारा जसा ब्राह्मणवृंद आहे तसाच सावरकरांना मानणाराही मराठा वर्ग आहेच आहे. इन्द्र पवार

सर्वश्री जयंत कुलकर्णी (ज्यांच्या 'मराठा लाईट इन्फंट्री' मालेचे मी मित्रांत जाहीर वाचन केले होते), , क्लिंटन, मृत्युंजय आणि धागाप्रवर्तक कापूसकोंडा.... या चौघांच्या समतोल प्रतिक्रियांचे कुणीही सारासार विवेकबुद्धी व्यक्ती स्वागतच करेल कारण त्यांच्या शब्दात ते प्रतीत झाले आहे ती खरी काळाची गरज आहे. काही मुद्यांचे निराकरण किंवा अधिक स्पष्टीकरण या संदर्भात आवश्यक आहे आणि ज्या अर्थी हा विषय आता वैचारिक पातळीवर घेतला गेला आहे त्याचे स्वरूप रुंदावण्याची काळजी घेत आहे. चांगले असो वा वाईट, पण भारतीय समाजरचनेतील अनन्यसाधारण वैशिष्ट्यांमुळे लोकशाहीतील 'जनतेच्या सहभागाचे' रुपांतर 'जातींच्या सहभागात' झाले व जातीय पातळीवर उभे केलेले राजकीय पक्ष एकमेकांशी आपल्या जातीला अधिक प्रतिनिधित्व मिळवण्यासाठी भांडू लागले. हिंदु महासभा आणि रा.से.संघ जसे जन्माला आले तसेच मुस्लिम लीग आणि जमाते इस्लामीही जन्मल्या. आरक्षणाच्या नावाने द्रमुकने मिळविलेले राजकीय यश अन्य राज्यातील एस.सी.,एस.टी.ना हुरूप देवून गेले. आता हे जातीचे राजकारण नेत्यांनी जनतेच्या "हिता"साठी केले की जनतेने "आम्हाला असे जातिनिहाय उन्नतीसाठी वागवा" म्हणून नेत्यांना निवडून दिले हा वादाचा जरी नसला तर तार्किक मुद्दा होऊ शकतो. आजची कोणतीही निवडणुक (अगदी टिनपाट ग्रामपंचायतीपासून ते दिल्लीपर्यंत) प्राधान्याने जातीच्या ढालीवर लढविली जाते हे नाकारण्यात अर्थ नाही (मी दिल्लीत आहे आणि पुढील दोन महिन्यात कोल्हापूर महानगरपालिकेची पंचवार्षिक निवडणूक आहे. सहज आमच्या भागातील मतदार संघाचा कानोसा घेण्यासाठी तेथील दोनचार मित्रांना ई-मेलद्वारे विचारले, त्यापैकी एकाने मला लिहिले, "तू काय आता इकडे येऊ नकोस. आपला मतदार संघ रिझर्व्ह झाला". त्याला मी पत्रातून झाडले, तर हा माझ्यावरच वैतागला आणि वर "तुझ्यासारखी दोनचार टाळकी मराठ्यांत आहेत म्हणून आपली प्रगती होईना" हा शेरा. काय बोलायचे या युक्तीवादावर? म्युनिसिपालिटीच्या निवडणुकीवर जर 'मराठा' समाजाची प्रगती अवलंबून आहे तर ती कशा प्रकारची प्रगती असेल हे सांगण्यास कुठल्या रमलज्ञाची गरज भासणार नाही. फासेच काय लायकीचे खुळखुळणार आहे हे त्याच्या वाक्यातच आहे.). कॉलेजच्या वर्ग प्रतिनिधीच्या निवडणुकीतदेखील तो किंवा ती "आपल्या" जातीतीलच आहे का हे विद्यार्थीच नव्हे तर संबंधित "मॅनेजमेन्ट" देखील पाहते. हे कटू असले तरी सत्य आहे. ही लागण (दुर्दैवाने) कलाक्षेत्रालाही लागली आहे. अमुक एका स्पर्धकालाच "एसएमएस करा" असा कुठल्यातरी गडावरून हुकूम सुटतो आणि साखर कारखान्यांचे चेअरमन आणि त्यांचे बगलबच्चे शेअरहोल्डर शेतकर्‍यांना तसे आदेश देतात. फार विचित्र स्थितीत आलो आहोत आपण या क्षणी. दादोजी कोंडदेवांचा धडा क्रमिक पुस्तकातून काढून टाकणे किंवा त्या नावाने दिला जाणारा पुरस्कार रद्द करणे ह्या घटना वा निर्णय एका गटाने "इतिहासाला विरोध" केला म्हणून नव्हे तर बहुजन समाजाच्या "फिक्स्ड व्होट बँके" ला नजरेसमोर ठेऊन घेतलेल्या बाबी आहेत हे समजणारा वर्ग आज इथे या क्षणी मिपावरही आहे, पण जसे सुभाषित आहे 'कावळ्यांच्या कलकलाटापुढे राजहंसही मानससरोवर सोडून जातो'.... नेमकी हीच हतबलता नेमस्त विचारांच्या झाडाखाली वाढलेल्या तुम्हाआम्हामध्ये आली आहे. त्यामुळे एक सच्चा लोकशाहीप्रेमी म्हणून नियत मार्गाने जितके करता येईल तितके आपण करीत आहोतच. ज्या लोकप्रतिनिधींकडे आपण आशेने पाहतो तेदेखील एकाच टांकसाळीत तयार झाल्याचे चित्र समोर येत आहे. संभाजी ब्रिगेङच्या कृत्याचा निषेध करणार्‍यामध्ये बीजेपीचे आमदार होतेच. पण वेळ आली तर "आपणही अशा मनगटगिरीमध्ये मागे नाही" हे दाखविण्याची संधी ही मंडळी सोडत नाही. जामनेर (जि.जळगांव) चे बीजेपीचे आमदार श्री.गिरिश महाजन, ही एक अभ्यासू आणि संतुलित भूमिका मांडणारी सुशिक्षित अशी व्यक्ती मानली जाते. पण मिडियाच्या कॅमेरे आपल्यावर रोखले जाणार आहेत हे त्यांच्या लक्षात आल्यावर त्यांनी ब्रिगेडच्याच आवेशात आज जळगांव सिव्हील सर्जनच्या इमारतीवर हल्ला बोल केला आणि 'हॉस्पिटलची मॅनेजमेंट व्यवस्थित नाही" म्हणून सर्वासमक्ष सर्जनना बांगड्यांचा आहेर दिला. त्यावर कडी म्हणजे "स्टार माझा" सारखे एकेकाळी सारासार विचार करून बातम्या देणारे चॅनेलही "स्टार माझाच्या बातमीचा दणका. सिव्हील सर्जनला बांगड्या भरल्या..." असा ब्रेकिंग न्यूजचा फ्लॅश देत राहिले. का? तर, आदल्या दिवशी लोकमत "आमच्या बातमीचा दणका" असा दिवसभर थयथयाट करीत होते. ही रॅट रेस आज नागरी जीवनाचा अविभाज्य घटक बनली आहे. अशिक्षित, निमशिक्षित, उच्चशिक्षित आमदार हे जर अशाच तराजूच्या पारड्यात (एकत्रीत) बसून अशा मार्गाने आपल्या मतदारांना वारा घालणार असतील तर झाली महाराष्ट्र राज्याची सर्वांगाने प्रगती ! संत रामदासांनी करुणाष्टके लिहिताना हीच अगतिकता व्यक्त केली आहे : "स्व-जन-जन-धनाचा कोण संतोष आहे | रघुपतिविण आता चित्त कोठे न राहे || जिवलग जीव घेती प्रेत सांडोनि देती |" ~~ हे जीव घेणारे जिवलग आपलेच आणि आपल्यातच आहेत. इन्द्रा

जाहीर वाचना बद्दल आभार ! आता कोल्हापूरला येतो फी वसूल करायला. फार काही नाही..... १/२ बीअर आणि तांबडा पांढरा रस्सा व गप्पा. :-)

चर्चा आणि प्रतिसाद माहितीपूर्ण आहेत. धन्यु...! -दिलीप बिरुटे