मिसळपाव
काय सांगू अंधकारा या चिरागाची व्यथा?
काय सांगू या प्रकाशा आंधळ्याची मी व्यथा?
ही मिजाशी आज कोत्या काजव्यां व्हावी कशी?
पौर्णिमेला ग्रासलेल्या चंद्रम्याची ही व्यथा
मेंढरांनी गांजलेला शक्तिशाली सिंह मी
काय सांगू या गजांना अंतरीची ही व्यथा
राजझेंडा होउनीया काय चिंध्या जाळती,
रक्तरंजी भर्जरी या क्रांतिवस्त्राची व्यथा?
बोलणेही खुंटले जेव्हा मला फर्मावले
कर्णदोषी, मूक लोकां सांग जा तूझी व्यथा
ब्राह्मणाची रक्तशोषी दानझोळी, तीतल्या
कुंडलांना का कळावी विद्ध कर्णाची व्यथा?
काव्यरस
| लेखनविषय: |
|---|
वाचने
2003
प्रतिक्रिया
3
प्रतिक्रिया
कविता आवडली. व्यथा काळजाला
कविता आवडली. व्यथा काळजाला भिडली.
कल्पना आणि मिसरे
काही कल्पना, मिसरे चांगले आहेत.
इ.
यावरून इथला हा शेर आठवला -
उकंड्यातल्या फडक्याला त्या मिंध्या चिंध्या ठिगळत जाती -
कुणा कळावे कशाकशाचा येथे झेंडा फडकत जातो?
:). असो.
अजून गझला याव्यात ही अपेक्षा.
वा!!!!
>>>ब्राह्मणाची रक्तशोषी दानझोळी, तीतल्या
कुंडलांना का कळावी विद्ध कर्णाची व्यथा?
वा!!!!
--असुर