Skip to main content

ओझर्डे धबधबा

लेखक स्वानंद मारुलकर यांनी बुधवार, 11/08/2010 15:58 या दिवशी प्रकाशित केले.

कोयनानगरहून 'नवजा'ला जाताना कोयनानगरपासून ९ किमी अंतरावर ओझर्ड्याचा मोठा धबधबा आहे. १ ऑगस्टला इथे गेलो होतो.

इथे जाताना अजून दोन मोठ्ठे धबधबे लागतात. पण यांच्या मोहात फार न पडलेलंच बरे... कारण खरे आकर्षण तर पुढे आहे.

(धबधबा क्र. १)

(धबधबा क्र. 2)

उजव्या बाजूला पसरलेला 'शिवाजी सागर'...

वळणावळणाचा रस्ता मागे टाकत आपण मुख्य धबधब्याला पोचतो. याला 'पंचधारा' असेही म्हणतात. का ते खालच्या फोटोवरून समजेल. :)

धबधब्याच्या डाव्याबाजूने एक वाट जाते, ती थेट त्याच्या तळाशी, जिथे वरून जोरदार पाणी पडत असते तिथे घेउन जाते.

वाटेवरून दिसणरे फेसाळते पाणी

पंधरा-वीस मिनीटे चालल्यावर आपण धबधब्याच्या तळाशी पोचतो. इथं पोचल्यावर जे काही वाटते त्याचे काय वर्णन करावे...पूर्ण वेळ धबधब्याचे पाणी वरून पडत असते, तुषार तर इतके असतात की वरून पडणारे पाणी पाहाताना डोळे उघडेच राहात नाहीत.

कितीही काळजी घेतली तरी सोबत आणलेले सगळे काही इथे भिजते... तेव्हा काळजी सोडावी आणि मनसोक्त भिजावे. :)

टीपः मिपावर पहिल्यांदाच लिहतो आहे. सांभाळून घ्या.

लेखनविषय:
वाचने 6564
प्रतिक्रिया 16

प्रतिक्रिया

भिरभिरा बुधवार, 11/08/2010 17:01

कलादालन माझा आवडता विभाग .सर्वच फोटो खुप छान.
मीपावरील चांगल्या सुरुवातिबद्दल आपले अभिनंदन.
असेच येउन जाउदे..

जिप्सी बुधवार, 11/08/2010 17:37

पैल्याच दणक्यात १००,जबर्‍या . आम्हाला पण सांगा राव असल्या मस्त जागा !

सुहास.. गुरुवार, 12/08/2010 08:51

हे लाव्हारसाचे कठीण कातळ
त्यावर नाजुक हिरवाई....
गहाण पडलंय काळीज आपलं
सह्यकड्यांच्या पायाशी! >>>>

अगग !!

पदापर्णातच शतक !! मस्त रे कांबळे !!

हेम बुधवार, 11/08/2010 20:37

..जंगली जयगडहून नवजा,कोयनानगर, हेळवाकमार्गे भैरवगडला जातांना हा ओझर्डा ओझरत्या पाण्याचा दिसलेला. आमच्यातल्या एकाने वाटाड्याला विचारलं 'हा धबधबा १२ महिने नसतो?' ..त्यावर वाटाड्या- ' धबधबा १२ महिने असतो पण त्याला पाणी फक्त ५ महिने असतं..!'?????????? :) :-) :smile:

स्पंदना शुक्रवार, 13/08/2010 13:42

किती वेळ गेला एखादी सुरेख उपमा शोधण्यात, पण एक ही नाही मिळाली , जी; या सुन्दर फोटोंच, तितकच सुन्दर वर्णन करु शकेल.
सांगु? तुषार इथवर आले.
शब्दातित फोटो. विलोभनिय, ते तुषार उडुन वातावरणात तयार झालेले ढग तर अगदी तिथ्थ घेवुन गेले.
आप डालते रहो हमे भी सफर हो जायेगी ।