मिपाकरांनो, आपली मदत हवी आहे

प्रथम सर्वांचे अभार. चित्रे अस्पष्ट आहेत कारण स्पर्धेत दिलेल्या प्रतिमा आकाराने बर्‍याच मोठ्या असल्या तरी अनेक चित्रे चढवायची असल्याने संयोजकांनी लघुप्रतिमा उतरविल्या आहेत. प्रतिमांविषयी विचारणा केली असता आयोजकांकडुन ही माहिती मिळाली. स्पर्धा केवळ मुंबईत नोकरी करणार्‍या व नोकरदारांसाठी होती, मुळात सर्वांसाठी होती की आणखी अटी होत्या याची कल्पना नाही. आम्हाला ही सुचना मनुष्यबळ विकास विभागाद्वारे आली कारण प्रवेश वैयक्तिक नसुन अस्थापनांसाठी होता व २८ तारिख चित्रे देण्याची अखेरची तारिख होती. शिवाय मतदान हा प्रकार काल आयोजकांची मेल आस्थापनेला आल्यावरच समजला. अर्थात सर्व माहिती बरीच आधी असती तर सर्व मिपाकरांना दिली असतीच. पुन्हा एकदा सर्वांचे आभार. चित्र आवडले नसताही मत देणार्‍यांचेही आभार, मात्र असे मत अपेक्षित नव्हते. केवळ मते छापायचीच असती तर सहज सोपा उपाय एकाने सुचविला होता, ज्यायोगे कुठेही वाच्यता न करता स्वतःच बसल्या बसल्या अनेक मते देता आली असती. अर्थात कुणाचाही अनादर करायचा हेतू नाही पण अशी मते घेणे बरे वाटत नाही. चित्रांची निवड गुणवत्तेवरच होणार असुन सर्वाधिक मतांसाठी वेगळा क्रम आहे हे मी लिहिले होते.