अभिनव वाचनालय योजना ! ( पुण्यात फक्त )

म्हणजे पुस्तक परत केलं तर ३०% कापणार, आणि तेच जर विकत घेतलं तर १५% मूळ किंमतीत सूट देणार का?

उपक्रम आणि उद्देश स्तुत्य आहे. परंतु योजना चांगली आहे असे मात्र म्हणवत नाही.

इथे तुम्ही १०० रुपयाच्या पुस्तकाचे उदाहरण दिले आहे.

आता कल्पना करा की तुम्ही शांताराम वाचायला नेले (वाचनालयात हे पुस्तक आहे असे मानुयात). रु. १००० चे पुस्तक. ते एखादा वाचनप्रेमी १० दिवसात वाचुन काढु शकतो. १० दिवसानी वाचुन झाले म्हणुन परत करायला गेलात की ३०० रुपये उडाले.

हेच जर मी इतर एखाद्या चांगल्या वाचनालयातुन आणले तर महिन्याची वर्गणी साधारण रुपये १०० असु शकेल. म्हणजे मी ३०० रुपयात ३ महिने पुस्तके वाचु शकेन. म्हणजे रुपये १००० ची साधारण ९ पुस्तके मी त्याच किमतीत वाचु शकेन.

म्हणजे योजना वाचनालय म्हणुन तरी किमान चांगली नाही.

आता पुस्तक खरेदीची सुविधा लक्षात घेउयात. सुट १५% मिळत आहे. इतर दुकानदार १००० रुपयाची पुस्तके घेतली तर असेही कदाचित २०% सुट देतील. (प्रदर्शनात याहुन जास्त मिळते त्यामुळे दुकानदार २०% देतील असे म्हणतो आहे). हा विचार करता पुस्तक खरेदी साठी सुद्धा हा पर्याय योग्य होत नाही.

काय झाले तुमच्या वाचक योजनेचे?

निरंजन पाठक हे गृहस्थ इंद्रधनु वाचनालय व स्वागत मंगल केंद्र असा व्यवसाय चालवतात. त्यांचा पत्ता तारकेश्वर प्लाझा,सनसिटी रोड, निर्मल टाउनशिपजवळ (सुर्यनगरी मागे) आनंदनगर सिंहगड रोड, पुणे असा आहे. फोन नं २४३४५९८५ मोबाईल ९४२३५८४९७४
घरपोच पुस्तक मिळतात. १५ दिवसातुन एकदा घरी येउन नवीन पुस्तके देउन जुनी घेउन जातात. १५० रु डिपॉझिट व मासिक फी अंतरा नुसार. उदा. सिंहगड रोड असेल तर १५०, गावात २००, औंध बाणेर २५० ते ३००/- विमान नगर वगैरे ३५०/-
आपल्याला हवी असलेली पुस्तके अगोदर सांगितले कि घेउन येतात. अर्थात काही मर्यादा असणारच.
आमच्याकडे हेच गृहस्थ येतात. पुस्तकाच्या अंतरंगा विषयी त्यांना चांगली माहिती आहे. घरगुती संबंध प्रस्थापित झाल्यावर पाच च्या ऐवजी ८ ते १० पुस्तके देखील देतात. वाचनाच्या बाबतीत माझी बायको ही सखाराम गटणेची बहिण आहे. पुस्तकांचा फडशा पाडते.
आजच त्यांना विचारल कि पुस्तकाच्या किमती पहाता डिपॉझिट एवढे कमी कसे? ते म्हणतात या निमित्ताने लोक वाचतात हेच खुप झाले.
ग्रंथालयाचे जाचक नियम नको वाटतात. मला ग्रंथालय कथा आणि व्यथा आठवते.

ही योजना म्हणजे लोकांना मामा बनवण्याचा अभिनव पुणेरी धंदा आहे. मृत्युंजय यांच्या प्रतिसादाशी सहमत. सहसा पुस्तकांवर सूट मिळतेच. आणि १५% हा काही फार आकर्षक आकडादेखील नाही. समजा मी महिन्याला एक या हिशोबाने पुस्तक वाचले आणि मला एकही आवडले नाही तर गेलोच की खड्ड्यात. शिवाय दर वर्षी १०० रुपयांचा मलिदा आहेच. त्यापेक्षा मी वाचनालयात जाउन वाचेन आणि जर आवडलेच तर जागोजाग लागतात त्या प्रदर्शनातून विकत घेईन.

अभिनव वाचनालय योजना ! ( पुण्यात फक्त )
हे बाकी आवडले. पुण्यातच असू देत.