गीत: अरे अरे रिक्षावाल्या

संध्याकाळची वेळ झाली, नाही मिळेना वाहन
थांबून थांबून कंटाळले, उरले नाही त्राण
शेवटचा उपाय म्हणूनी बोलावली तुझी रिक्षा
का उगाच लांबून नेतो, मला माहीत आहे रस्ता
असं कसं करतोस, भलत्याच भागात आणले मला इकडे
जायचे आहे मला तिकडे तू नेतोस भलतीकडे ||१||

लांब माझे घर आहे, रिक्षा ने की घराजवळ
मिटरने जे काही होईल तेच पैसे मी देईल
नकोस मागू जादा भाडं, नेहमीच करते मी रिक्षा
काहीबाही बोललास तर करीन तुला शिक्षा
आरेरावी केलीस तर जाईन मी हवालदाराकडे
जायचे आहे मला तिकडे, तू नेतोस भलतीकडे ||२||

अरे अरे रिक्षावाल्या तू चाललास कुणीकडे
जायचे आहे मला तिकडे तू नेतोस भलतीकडे

- पाषाणभेद (दगडफोड्या)
२२/०६/२०१०