Skip to main content

सचिनचा अजून एक विक्रम...

लेखक विकास यांनी शुक्रवार, 04/06/2010 01:41 या दिवशी प्रकाशित केले.
क्रिकेटमधला विक्रमादित्य सचिनने आज अजून एक वेगळा विक्रम केला आहे: वास्तवीक रेनवॉटर हार्वेस्टींग / पर्जन्य संचय हे आता नवीन बांधकामासाठी मुंबई महापालीकेने सक्तीचे केले आहे. पण, "शेजारी करतील मी कशाला करू?" अथवा "असले नियम सामान्यांसाठी असतात, व्हिव्हिआयपींना नसतात" असे गृहीत धरले जाते... मात्र नुकताच बांद्र्याला नवीन बंगला घेत असताना तेंडूलकर दांपत्याने पर्जन्य संचय करण्यासाठी टाकी बांधून अतिरीक्त वापरासाठी १० लाख लीटर्स पाणी पावसातून गोळा करायचे ठरवले आहे. अर्थात त्यामुळे एकट्या सचिनच्या कुटूंबाकडून मुंबईचे १० लाख लिटर्सचे पाणी वाचणार आहे! आता किमान सचिन करतो म्हणून का होईना इतरपण स्वतःच्या हातात असेल तितके पाणी जिरवा पाणी वाचवा करणे मनावर घेतील का? म.टा. मधील बातमीचा दुवा: सचिन वाचवणार १० लाख लि. पाणी
वाचने 4167
प्रतिक्रिया 17

प्रतिक्रिया

शुचि शुक्रवार, 04/06/2010 02:01
छान बातमी. धन्यवाद या माहीतीबद्दल. सवतचि भासे मला| दूती नसे ही माला|| नच एकांती सोडी नाथा| भेटू न दे हृदयाला||

संदीप चित्रे शुक्रवार, 04/06/2010 02:03
निदान सचिन करतोय म्हणून आपण करावं असं वाटून लोकांनी हे योग्य पाऊल उचलंलं तर बरंच आहे. (एकूण आपल्याकडे , "अरे बाबा, तो 'सचिन' आहे; त्याला परवडू शकतं म्हणून करतोय" अशी पळवाट एव्हाना निघाली असेल(च) ;) )

अमोल केळकर शुक्रवार, 04/06/2010 10:22
कंसातील वाक्याशी सहमत :) अमोल केळकर -------------------------------------------------- भविष्याच्या अंतरंगात डोकावण्यासाठी इथे टिचकी मारा

शेखर काळे शुक्रवार, 04/06/2010 04:58
पाणी तो स्वतःच वापरणार आहे की इतर लोकांनाही देणार आहे ?

पांथस्थ शुक्रवार, 04/06/2010 10:03
हावो येव्हढ्या म्होट्या बंगल्यात बर्र्याच मंडळींचं येणंजाणं होणार. त्यांच्यासाठी येव्हढ्या भरपुर पाण्याची सोळ केली आहे तेव्हा सक्काळ सक्काळ्ची सोळ पण भरपुर मोठीच असणार की? आणि सक्काळचे आवरले की शीक्रेट एनेर्जी साठी बुष्ट पन देईलच की तो (आत्ता हे एवढ्या दुरुन बादल्या घेउन जाणार तेव्हा पाहुणचार नको?) एकदा एनर्जी आली की हाय काय आन नाय काय. घेतली बादली भरलं पाणी. चला चला घाई केली पाहिजे नाय तर पाणी संपायचं! - पांथस्थ माझी अनुदिनी: रानातला प्रकाश... माझी छायाचित्रे - फ्लिकर

टारझन शुक्रवार, 04/06/2010 21:25
चला चला घाई केली पाहिजे नाय तर पाणी संपायचं!
तसा सचिण चा आणि आपल्या दिदींचा आवाज मला अल्मोस्ट सेम वाट्टो .. त्या आवाजात सचिन सर्वांना ... "तुझी घागर णळाला लाव ... पाणी सुटाया लागलं " हे फटु रसग्रहीत गाणे म्हणतोय असे "चलचित्र" डोळ्यांसमोर गेल्याने डोळे पाणावले ;) - ग्रामस्थ

jaypal शुक्रवार, 04/06/2010 10:18
घरी बादल्या घेउन जाण्याची कलप्ना छानच आहे ;) =)) =)) =)) rer सचिन चे कौतुक आणि अभिनंदन =D> *************************************************** दुरितांचे तिमीर जोवो/विश्व स्वधर्मसुर्ये पाहो/जो जें वाछील तो तें लाहो/प्राणिजात/

llपुण्याचे पेशवेll शुक्रवार, 04/06/2010 12:00
आयला हा जयपा कुठून काय काय शोधून काढेल सांगता येत नाही. :) पुण्याचे पेशवे आम्ही हल्ली विडंबनं करणे बंद केले आहे Phoenix

चतुरंग शुक्रवार, 04/06/2010 21:12
ए जयप्या तुझ्या चित्रं शोधून काढायच्या शीक्रेट वेबसाईटची लिंक व्यनि कर रे! ;) (मेंढपाल)चतुरंग

सुधीर काळे शुक्रवार, 04/06/2010 08:40
सचिन हल्ली कर्करोगपीडित मुलांसाठीही पैसे उभे करून मदत करतोय्! 'भारतरत्न' या पदवीला अतीशय पात्र असे हे व्यक्तिमत्व आहे. क्रिकेटच्या क्षेत्रांतील विक्रम करायलाच एक आयुष्य पुरणार नाहीं आणि हा तर अनेक अशा सामाजिक कार्यातही रमलाय्. असा पुरुषोत्तम क्वचितच जन्माला येतो! ------------------------ सुधीर काळे, जकार्ताला परत आलो! 'ई-सकाळ'वरील फसवणूक मालिकेचे दुवे: प्रकरण सहावे: http://www.esakal.com/esakal/20100602/5613121356525005343.htm आधीच्या प्रकरणांचे दुवे 'सकाळ'ने लेखाच्या सुरुवातीला दिले आहेत.

इन्द्र्राज पवार शुक्रवार, 04/06/2010 11:12
मन प्रसन्न करणारी बातमी आहे ही.... आपला मुलगा "सचिन" सारखा आदर्श विश्वविक्रमी व्हावा म्हणून देवाजवळ नवस करणारी लाखो जोडपी आहेत, त्यातील निदान दहा टक्क्यांनी स्वतःच्या घराचे बांधकाम करतेवेळी सचिनचा हाही आदर्श आपल्यासमोर ठेवला तर त्याचा आनंद खुद्द सचिनला देखील होईल यात शंका नाही. (मला वाटते, मागेदेखील एकदा सचिनने आपल्या बंगल्याचे बांधकाम चालू असताना होत असलेल्या ध्वनी-प्रदुषणाबाबत तेथील सर्व रहिवाश्यांकडे, वैयक्तीक सहीने, पत्रे पाठवून क्षमायाचना केली होती...) "कॅन्सर" फंडापाठोपाठ ही बातमी....सचिन आणि त्याला अशा उपक्रमासाठी साथ देणारे त्याचे समस्त कुटुंबीय आपल्या महाराष्ट्राचे खर्‍या अर्थाने वैभव आहे ! ------------------------------------------------------- "चन्द्रकिरणांनो, तुम्हा वाजते का कधी थंडी स्वतःची ? मध्यरात्री?"

पाषाणभेद शुक्रवार, 04/06/2010 11:32
सचिन पाणी वाचवणार हे ठिकच आहे पण हा विक्रम कसा ठरू शकतो? अन रेन हार्वेस्टींग हे कोणत्याही बांधकाम प्रकल्पात दाखवल्याशिवाय प्रकल्प मंजूरच होत नाही. अर्थात खोटे खोटे दाखवून प्रकल्प मंजूर करणारे बरेच आहे म्हणा. सचिनने त्यात पळवाट काढली नाही हे ठिक. बरेच आर्कीटेक्ट रेन हार्वेस्टींग करायचे म्हणून अंडरग्राउंड पाण्याच्या टाक्या बांधतात/ रेखाटतात हे बाकी खरे आहे. त्यात महानगरपालिकेचे पाणीच साठवले जाते. म्हणजे सामान्यांचेच पाणी तेथे जाते. The universal symbol for diabetes मधुमेहा विरुद्ध लढा माझी जालवही

ऋषिकेश शुक्रवार, 04/06/2010 11:45
सचिन भारताचा नागरीक आहे (आणि तरीही) एका सुजाण नागरीकाप्रमाणे भारतातील नियम पाळतो हे बघुन/वाचून आनंद झाला. मात्र यापासून इतरांनी स्फुर्ती घेण्याची शक्यता कमीच दिसते. ऋषिकेश ------------------ इथे दुसर्‍यांच्या ब्लॉगची जाहिरात करून मिळेल. योग्य बोलीसह संपर्क साधावा.०

३_१४ विक्षिप्त अदिती शुक्रवार, 04/06/2010 11:46
'अमक्याचा कुत्रा हरवला' आणि 'तमक्या फिल्सस्टारच्या घरात या वर्षीतरी पाणी शिरणार नाही' असल्या बातम्या पहाण्यापेक्षा कोणीतरी, आपल्या सचिनने, एक चांगलं काम केलं आहे ही बातमी उत्साहवर्धक! अदिती

बेभान शुक्रवार, 04/06/2010 22:03
सचिनला धन्यवाद आणि पुढील कार्यासाठी शुभेच्छा..!! पर्यावरणामध्ये होणारा बदल पाहता सर्वांनीच असले पाऊल उचलले पाहीजे. गेल्या वर्षी एका मित्राने मला एक तूनळीवरच्या चलचित्राची लिंक पाठविली होती. नांव होते "स्टोरी ऑफ स्टफ" माहीतीपुर्ण आणि महत्वाच्या परंतू सहज लक्षात न येणा-या प्रश्नांवर प्रकाश टाकणारा हा धागा. कदाचित ब-याच मिपाकरांनी ही पाहिलीही असेल. मिपाकर यावर स्वतंत्र धागा सुरू करतीलच अशी आशा आहे. जरी ही अमेरिकन नागरींकासाठी असली तरी भारतीयांचे ही डोळे उघडण्यासाठी (वेळेआधी) उपयुक्त. तर आपल्यासाठी सादर आहे- छोट्या गोष्टींची मोठी कहाणी (पडद्यामागची)