Skip to main content

झटपट मसाला खिचडी

लेखक अरुंधती
Published on शुक्रवार, 14/05/2010
घटक : तांदूळ १ कप तूरडाळ १ कप बटाटा १ कांदा १ लसूण ३ पाकळ्या तिखट २ टीस्पून गरम मसाला दीड टी स्पून मीठ हिरवी मिरची १ कढीपत्ता ७-८ पाने फोडणीसाठी : तेल २ टेबलस्पून मोहरी १ टीस्पून जिरे १ टीस्पून हिंग १ चिमट हळद अर्धा टीस्पून तयारी : तांदूळ व तूरडाळ किमान अर्धा ते पाऊण तास भिजवून ठेवावी. बटाट्याच्या साली काढून त्याचे लहान चौकोनी तुकडे करावेत. कांदा, मिरची व लसूण बारीक चिरून घ्यावे. कृती : फोडणीत मोहरी,जिरे, हिंग, हळद घालून त्यात भिजलेले तांदूळ - तूरडाळ खमंग परतावेत. त्यांना जरा शिजू द्यावे. पाच कप (अडीच पट) पाणी घालावे. त्यात चिरलेला बटाटा, कांदा, लसूण, मिरची, तिखट, गरम मसाला, कढीपत्ता घालून झाकण लावून शिजवावे. खिचडी थोडी ओलसरच राहिली पाहिजे. झटपट मसाला खिचडी तय्यार! वाढताना वरून तूप, कोथिंबीर घालून, हवे असल्यास लिंबाचा रस पिळून द्यावे. सोबत दही, चटणी/ लोणचे, सलाड, पापड द्यावे.
याद्या 11440
प्रतिक्रिया 22

प्रतिक्रिया

शुचि शुक्रवार, 14/05/2010
छान :) मला वाटतं मूग डाळ पण चालेल. सवतचि भासे मला| दूती नसे ही माला|| नच एकांती सोडी नाथा| भेटू न दे हृदयाला||

अरुंधती शुक्रवार, 14/05/2010
हो, मूग डाळ, मिश्र डाळी (मूग, मसूर, तूर, छिलका डाळ) असेही करता येईल. पण तूरडाळीच्या खिचडीची चवच वेगळी असते! त्यावर तूप -- यम्म्मी!! :-) अरुंधती http://iravatik.blogspot.com/

शिल्पा ब शुक्रवार, 14/05/2010
मी मुगडाळ घालूनच करते...पण पाणी दुप्पट घालते...बाकी फोटोवरून तर चमचमीत वाटतेय =P~ ...आज खिचडीच.. *********************************************************** http://shilpasview.blogspot.com/

अक्षय पुर्णपात्रे शुक्रवार, 14/05/2010
वाढताना वरून तूप, कोथिंबीर घालून, हवे असल्यास लिंबाचा रस पिळून द्यावे. सोबत दही, चटणी/ लोणचे, सलाड, पापड द्यावे.
खिचडीचे के चार यार दही, पापड, घी, आचार असे काहीसेसे ऐकल्याचे आठवते.

शुचि शुक्रवार, 14/05/2010
=D> =D> =D> :X :X :X >:D >:D >:D ;;) ;;) ;;) अन्नावर काव्य म्हटल की खूप एक्साईट्मेंट होते :D सवतचि भासे मला| दूती नसे ही माला|| नच एकांती सोडी नाथा| भेटू न दे हृदयाला||

अरुंधती शुक्रवार, 14/05/2010
शुचि, मग ''वदनी कवळ'' म्हणताना तर तुझं काय होत असेल? :D >:D अरुंधती http://iravatik.blogspot.com/

शुचि शनीवार, 15/05/2010
>> तुझं काय होत असेल?>> हा हा आवरा!!!! ......... इमॅजिनेसण =)) सवतचि भासे मला| दूती नसे ही माला|| नच एकांती सोडी नाथा| भेटू न दे हृदयाला||

अरुंधती शुक्रवार, 14/05/2010
व्वा! खिचडीचे के चार यार दही, पापड, घी, आचार >> हे खिचडी काव्य माहीतच नव्हतं! मस्तंय :-) अरुंधती http://iravatik.blogspot.com/

बेसनलाडू शुक्रवार, 14/05/2010
उत्तम पाककृती. अनेकदा करतो, खातो, खिलवतो. फार आवडते. बादशहाचा खिचडी मसाला मिळतो, तो घालूनही छान होते. (खवय्या)बेसनलाडू दही, लोणचे, पापड इ. ला आणाखी एक पर्याय म्हणून सांडगी मिरची/भरली मिरची किंवा सांडगेही छान लागतात. (पर्यायसूचक)बेसनलाडू तांदूळ व तूरडाळ अर्धा-पाऊण तास भिजत घालूनही खिचडीला झटपट का म्हटले आहे, असा वाह्यात प्रश्न पडला. इतका वेळ भिजवल्यास खिचडी न होता (भिजत) घोंगडी होईल ;) (टवाळखोर)बेसनलाडू

अरुंधती शुक्रवार, 14/05/2010
हा हा हा, बेसनलाडू, तांदूळ व डाळ भिजवून ठेवायची आहे, भिजत नव्हे! ;-) बाकी सांडगी मिरची तळून, सोबत बटाट्याची तळलेली मिरगुंडं, मठ्ठा....... 8> अरुंधती http://iravatik.blogspot.com/

पक्या शुक्रवार, 14/05/2010
ह्यात वेगवेगळ्या भाज्या घातल्या की बिसिबेळे भात होईल. जय महाराष्ट्र , जय मराठी !

शिल्पा ब शनीवार, 15/05/2010
ढोबळी नव्हे..तर लांब खूप कमी तिखट जाडसर मिरची मिळते...एकदा त्यात कसलेसे सारण (बहुतेक बेसन )घालून केलेली भाजी खाल्ली होती...मिरची मध्यभागी चिरून, आतल्या बिया काढून सारणाने भरतात...जर कोणाला पाककृती माहिती असेल तर please इथे लिहा... *********************************************************** http://shilpasview.blogspot.com/

स्वाती२ शनीवार, 15/05/2010
मस्त! अशी खिचडी आमच्या होस्टेलच्या मेसमधे असायची. जोडीला कढी आणि पापड.

मदनबाण शनीवार, 15/05/2010
गरम गरम खिचडीवर लिंबाच तिखट-गोड लोणच....आहाहा... :) मदनबाण..... When you are in Love you can't fall asleep because reality is better than your dreams. Dr Seuss

अविनाशकुलकर्णी शनीवार, 15/05/2010
लसुण सा~या मसाल्यांची चव तर मारणार नाहि ना? एक शंका :?

अरुंधती शनीवार, 15/05/2010
लसूण इथे फोडणीत न परतता खिचडीबरोबर शिजवला जात आहे. तूरडाळीचा स्वतःचा एक उग्र दर्प असतो, त्यामुळे लसूण स्वाद वाढवतो, मारत नाही हे नक्की!! [परवाच ही खिचडी केली होती घरी.... नेहमीप्रमाणेच तेव्हाही मस्तच लागली!] अरुंधती http://iravatik.blogspot.com/

अस्मी शनीवार, 15/05/2010
सह्ही :) छानच...!!! झट्पट खिचडी एकदम मस्त आणि खिचडी बरोबर आमच्या कोकणात तिखटी पण करतात...ट्राय करुन बघ. :) *~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~* - अस्मिता

अरुंधती शनीवार, 15/05/2010
व्वा! मस्तच गं मधुमती! आम्ही हा प्रकार लसूण न घालता करतो.... त्याचं नाव नव्हतं माहीत... थॅन्क्स!:) अरुंधती http://iravatik.blogspot.com/

मेघवेडा शनीवार, 15/05/2010
खिचडी भारीच आणि तिखटी तर.. अहाहा!! :) -- मेघवेडा! भय इथले संपत नाही, मज तुझी आठवण येते मी संध्याकाळी गातो, तू मला शिकवीली गीते..!