मिसळपाव
आभास
आभास फक्त होता, मी थांबले कितीदा
माझ्याच सावलीने धास्तावले कितीदा
आभास फक्त होता, मी थांबले कितीदा
माझ्याच सावलीने धास्तावले कितीदा
पाने झडून गेली,पक्षी उडून गेले
मातीस घट्ट धरूनी मी ठेवले कितीदा
गर्दीत माणसांच्या का ओळखू न आला?
मी चेहऱ्यास माझ्या धुंडाळले कितीदा
पत्ता जुनाच होता, रस्ता तसाच होता
मुद्दाम आठवांना त्या टाळले कितीदा
होऊन वाघ फिरणे होते तसे नफ्याचे
( गाढव मनात त्याच्या ओशाळले कितीदा)
नव्हते म्हणे कुणाच्या यादीत नाव माझे
मुद्दाम त्यास त्यांनी डागाळले कितीदा
सोनाली जोशी
वाचने
8824
प्रतिक्रिया
16
प्रतिक्रिया
छान
सर्व सुंदर अशआरांपैकी १, २, ३, ४, ६वे अधिक आवडले. पैकी सर्वाधिक :
गर्दीत माणसांच्या का ओळखू न आला?
मी चेहऱ्यास माझ्या धुंडाळले कितीदा
+१
In reply to छान by धनंजय
सुरेख. ५ वे कडवे नसते तर अर्थ वेगळा लागला असता का?
छान
दुसरा शेर सर्वात अधिक आवडला.
नंदन
मराठी साहित्यविषयक अनुदिनी
मस्त
मस्त काव्य.
मीनल.
छान!
सशक्त गजल!
मराठी भाषा हा माझा प्राणवायू आहे
दुसरा शेर सर्वाधिक आवडला!
पाचव्याचा संदर्भ लागला नाही पण एकूण सुरेख गज़ल!
चतुरंग
५वा
In reply to दुसरा शेर सर्वाधिक आवडला! by चतुरंग
वाघाचे कातडे पांघरून वागणारे गाढव या गोष्टीचा संदर्भ या शेरात आहे.पण अर्थ वेगळा - प्रत्येक व्यक्ती वर सोंग आणून वावरत असली तर आपली कुवत ओळखून असते असे म्हणायचे आहे...
ते स्पष्ट झाले नाही .. जरा वेगळे लिहून बघेन
दर्जेदार..!
पाने झडून गेली,पक्षी उडून गेले
मातीस घट्ट धरूनी मी ठेवले कितीदा
क्या बात है सोनाली! अत्यंत दर्जेदार काव्य!
जियो....!
तात्या.
सुंदर !!!
आभास फक्त होता, मी थांबले कितीदा
माझ्याच सावलीने धास्तावले कितीदा
पाने झडून गेली,पक्षी उडून गेले
मातीस घट्ट धरूनी मी ठेवले कितीदा
वा क्या बात है, एकदम मस्त गझल !!!
फक्त पाचव्या शेराचा आस्वाद नाही घेता आला बॉ :(
क्या कहने...
हे छानच...गज़ल वाचताना, पटकन लक्ष वेधून घेणार्‍या ओळी !
आहाहा !!! कसं माझ्या मनातलं उतरवलंय गज़लेत.
मस्त.
पण शेवटच्या कडव्याचा अर्थ नाही लागला. वैयक्तिक गोष्टींशी संबंधित नसेल तर जरा उकलून सांगणार का?
-------
अवांतरः आ.का.का.क.ना.हे.वे.सां.न.ल. अशी झोकात सही ठोकणारा मी, हल्ली आवडीनं कविता बिविता वाचतोय, गज़लेतल्या कडव्यांचे अर्थ विचारतोय....मिपानं पार बिघडवलं बुवा आम्हाला!
असेच
In reply to क्या कहने... by धमाल मुलगा
म्हणतो, बर्‍याच दिवसांनी काहितरी छानसे वाचायला मिळाले. शेवटचे कडव्याचा मात्र वरच्या सगळ्या कडव्यांच्या संदर्भात अर्थ लावता आला नाही. :(
होऊन वाघ फिरणे होते तसे नफ्याचे
( गाढव मनात त्याच्या ओशाळले कितीदा)
भारी !!
-(गाढव) आनंदयात्री
सुरेख !
सोनाली जी,
अतिशय सुरेख !
या काही ओळी कश्या वाटतात बघा :
पाहून आज तुजला, बसले चितेत ताठ
असुनी तुझाच "खांदा", सुस्तावले कितीदा?
होती सदाच जेंव्हा धुंदावली पहाट,
"उदया"विनाच तेंव्हा , अस्तावले कितीदा?
सुरेश भट साहेबांची आठवण झाली.
माझ्या काही कलाकृती तुम्हाला खाली दिलेल्या २ ब्लॉग्ज वर पहायला मिळतील, वेळ झाल्यास बघून अभिप्राय कळवा.
उदय "सप्रे"म
https://uday-saprem.blogspot.com/
आणि
https://uday-sapre.blogspot.com/
धन्यवाद
सर्वांचे आभार.
छान
वाचता वाचता काव्य कधी वाचुन स॑पते कळ्त नाही, फक्त आमचे घोडे ही गाढवार आडकले.
फारच छान
फारच छान सोना . गझल॑ सुरेख होती .
अशाच गझल करीत रहा. वाचायला आवडतील.
शेवटचा बाजीराव.
दर्जेदार !
दर्जेदार काव्य ! खूप दिवसांनी वचायला मिळाले !
धन्यवाद !!