Skip to main content

('रेशमीया' मेल्यानी)

लेखक चतुरंग यांनी गुरुवार, 10/04/2008 21:34 या दिवशी प्रकाशित केले.
आमची प्रेरणा 'ती' गाढवी आरोळी आणि अर्थातच शांताबाईंचे सुंदर गीत 'रेशमाच्या रेघांनी' (टीप - आधी प्रकाशित केलेली आवृत्ती सुधारणा करुन पुनःप्रकाशित करतो आहे.) 'रेशमीया' मेल्यानी, गाढवाच्या जोरानी पुन्हा आहे गळा आज काढीला खरारा करावा जसा घोडीला! जुनी सारी गाणी लाखमोलाची काय सांगू गोडी सूरतालाची ऐकते मी 'पंचम'दा, 'मदना'च्या जोडीला खरारा करावा जसा घोडीला! लावलेला 'किशोर' मी तोर्‍यात अवचित आले त्याच्या मार्‍यात त्यानं माझ्या कानाचा, मुडदा का पाडीला? खरारा करावा जसा घोडीला! भीड काही ठेवा 'रफी''मन्नाची' मुर्वत राखा साता सुरांची काय म्हणू बाई बाई, गाढवी ह्या खोडीला खरारा करावा जसा घोडीला! चतुरंग
Taxonomy upgrade extras
विरंगुळा
लेखनविषय:
वाचने 3814
प्रतिक्रिया 7

प्रतिक्रिया

ठणठणपाळ गुरुवार, 10/04/2008 22:33
>>ऐके कशी 'किशोर' मी तोर्‍यात अवचित आले त्याच्या मार्‍यात त्यानं माझ्या कानाचा का, पडदा गं फाडीला? हात नगा लावू त्याच्या सीडीला! मस्त.

प्राजु गुरुवार, 10/04/2008 22:44
अगदी मनातलं..... भीड काही ठेवा 'रफी''मन्नाची' मुरवत राखा सात सुरांची भेकायाला कोणी नाही, गाढवाच्या जोडीला हात नगा लावू त्याच्या साडीला! गाढव कसला...ते ही बरे ओरडत असेल :))) - (सर्वव्यापी)प्राजु http://praaju.blogspot.com/

बेसनलाडू गुरुवार, 10/04/2008 22:47
विडंबन आवडले. मुरवत ऐवजी मुर्वत चालले असते असे वाटते. भेकायाला कोणी नाही च्या ऐवजी भेकायाला नाही कोण असे सुचले. (सूचक)बेसनलाडू

चतुरंग शुक्रवार, 11/04/2008 00:00
ठणठणपाळ, प्राजू आणि बेसनलाडू ह्यांचे प्रतिसाद आलेले होते. त्यामुळे ते थोडे विसंगत वाटतील पण तो दोष माझ्या मूळ काव्याकडे जातो. क्षमस्व. चतुरंग

विसोबा खेचर शुक्रवार, 11/04/2008 09:04
क्या बात है रंगा! केवळ अप्रतिम विडंबन केलं आहेस. प्रत्येक कडवं रंगतदार झालंय! भीड काही ठेवा 'रफी''मन्नाची' मुर्वत राखा साता सुरांची काय म्हणू बाई बाई, गाढवी ह्या खोडीला खरारा करावा जसा घोडीला! हे तर मस्तच! तात्या.

विदेश मंगळवार, 15/04/2008 11:06
एक वेळ खरारा केल्यावर घोडीसुध्दा सुसह्य सुस्वरात गळा काढील की हो........