मधे कुठल्याशा ऑनलाईन पेपरमधे - "संशोधकांना शिवाजी महारांजांबद्दलचा संदर्भ "लंडन गॅझेट" या पत्राच्या १६७२ च्या आव्रुत्तीत सापडला" ही बातमी वाचली होती. तेव्हापासून ""लंडन गॅझेट" च्या साईटवर याची ऑनलाईन आव्रुत्ती मिळत्ये का ते बघायचं ठरवलं होतं पण कामाच्या व्यापात विसरून गेलो. आज थोडी हुडका-हुडकी केल्यावर ही आव्रुत्ती सापडली. मराठ्यांनी सुरतेवर केलेल्या हल्ल्या-संदर्भात, त्यावेळी त्या भागात कार्यरत असलेल्या कोणा इंग्लीश अधिकार्यानी (English President residing at Suratte) पाठवलेल्या पत्राच्या आधारे छापलेल्या या बातमी वरून, त्याकाळी शिवाजी महाराजांचा देशभर असलेला दबदबा आणि मुघल आणि इंग्रजांमधे असलेली मराठ्यांची दहशत लक्षात येते. बातमी तशी चार ओळींचीच. पण त्या ओळीसुद्धा खूपकाही सांगतात. Two days since we received Letters from India, written by the English President residing at Suratte, who acquaints us with the daily fears they have there, from Sevagee the Rebel, who having beaten the Mogul in several Battels, remains almost Master of that Countrey संपूर्ण पीडीएफ चा दुवा हे वाचायला मिळाल्यावर काय वाटलय हे शब्दात सांगण कठीण आहे. कोणाला दाखवू नी कोणाला नाही अशी अवस्था झाली होती. माझे सगळे कलीग्स अमराठी. त्यामुळे उत्साहानी त्यांना हा दुवा दिला तरी त्यांचा थंड प्रतिसाद. ठरवून ठेवलेलं की घरी आल्या-आल्या इथे हा दुवा डकवायचा. सगळ्यांनी जरूर वाचा. जय महाराष्ट्र