रेज

आता शाळेत जात नाही तेच बर आहे म्हणायचे.

वेताळ

संकेतस्थळावर बी अशी तपासणीची सोय असते म्हणे
प्रकाश घाटपांडे
आमच्या जालनिशीत जरुर डोकवा.

हे खरं असेल तर ..... अतीच होतय. नाही या लोकांना फटकावलच पाहीजे. लहान मुलांच बालपण तुम्ही हिरावून घेताय. यांची डोकी तपासा आधी.
**********************************
या जगात दुर्लभ असे काही असेल तर ती सद्वासना आहे - वाचनात आलेला सद्विचार (ज्ञनेश्वरीतील ओवीवर आधरीत)

अशी तपासणी होण्यावर पालक बंदी घालू शकत नाहीत का?

शाळा आपल्या जाहिरातीत हे घालतात - याचा अर्थ असा आहे की बऱ्याच पालकांना अशी तपासणी आवडते - किंवा निदान आवडेल असं शाळेला तरी वाटतं. हे कसलं द्योतक आहे?

थोडे पालक विरोध करणारे/असे प्रकार न आवडणारे असतात पण त्यांची संख्या कमी आणि एकजूट नसते त्यामुळे अशा शाळांचे फावते!

(माझी आई गेली २० वर्षे वय वर्षे ४-५ साठी बालवाडी चालवते .
प्रवेश घेतानाचा संवाद बहुसंख्य पालकांचा -
पालक - "बाई ह्याला/हिला काय काय शिकवणार?"
आई - गाणी, गोष्टी, खेळ, चित्रकला, चांगल्या सवयी.
पालक - "बास इतकंच? काय ए, बी, सी, डी आकडे वगैरे नाही का?"
आई - "नाही त्यांचं ते वय नाही! मोठी झाल्यावर शिकतीलच."
पालक - "अहो पण बाई काँपिटिशन किती आहे! आलं पाहिजे ना मुलांना लवकर लवकर सगळं."
आई - "तुम्ही दहावीची गणितं पाचवीत सोडवली होतीत?"
पालक - "?"
आई - "त्यामुळे तुमचं काही नुकसान झालं?"
पालक - "नाही सगळं नीट चालू आहे"
आई - "मग मुलांचंही सगळं नीट चालू द्या. त्यांना त्रास देऊ नका! तुम्हाला पटत नसेल तर दुसर्‍या शाळेत घालू शकता!")

चतुरंग

अविनाश धर्माधिकारी त्यांच्या विवेकानंदांवरच्या भाषणात म्हणाले होते कि "लहान मुलांनी बंडखोर असलच पाहिजे." मला ते पटलं.

मला माझ्या मुलाशी (वय वर्ष ३)मारामारी करायला आवडते. त्याचं डिवचल्यावर त्वेषाने अंगावर धावून येणं मला फार आवडतं. तसा जर तो एखाद दिवस नाही आला तर काळजी वाटते कि याला बरं नाही कि काय?

मग यांच्या मते आम्ही दोघेही "रेज" चे बळी का? (तसंही मला काही फरक पडत नाही त्यांना काय वाटतं पण माहिती असावं म्हणजे ती शाळा टाळता येईल.)

-(भावे प्राथमिक शाळेत तुफान दंगा केलेला) एक.