'मराठी भाषा दिनाच्या' शुभेच्छा!

काकांशी सहमत सकल मराठी जनांनी कमीत कमी एकमेकांशी मराठीत बोलावे.

तरीही आम्हाला 'मराठी भाषा दिन' साजरा करावा लागतोय..तोही महाराष्ट्रात....हे आमचेच दूर्दैव... हे फक्त मराठी लोकच करतात का? त्यातलेही बहुसंख्य लोक हा दिवस खरेच साजरा करतात असे दिसत नाही. इतर भाषिक लोक त्यांच्या भाषेचा दिवस साजरा करतात का आणि तो कसा साजरा करतात? आनंद घारे मी या जागी चार ओळी खरडल्या आहेत, जमल्यास वाचून पहाव्यात. http://anandghan.blogspot.com/

मराठी भाषेस अपेक्षित महत्त्व,स्थान न मिळणे आणि 'मराठी भाषा दिन' साजरा करणे, शुभेच्छा देणे या वेगळ्या गोष्टी आहेत. त्यात दुर्दैवी काय ते कळले नाही. म्हणजे अपेक्षित महत्त्व व स्थान न मिळणे हे नक्कीच दुर्दैवी आहे, पण हा दिवस साजरा करणे व शुभेच्छांचे आदानप्रदान दुर्दैवी कसे? या न्यायाने महाराष्ट्र दिन साजरा करणेही दुर्दैवी ठरायचे नाही काय? एखादी भाषा, लोकसमूह, संस्कृती यांना अपेक्षित महत्त्व मिळण्यासाठी किंवा सध्याची दुरवस्था सुधारण्यासाठीचे पाऊल म्हणून असे दिन साजरे करणे/करावे लागणे हे दुर्दैव, असे म्हणायचे आहे काय? तसे असल्यास समजू शकतो. पणा तो मला काहीसा संकुचित विचार वाटतो. आपल्याच भाषेविषयीचा आदर, प्रेम आणि अभिमान यांचा सोहळा या दृष्टिकोनातून हा दिन साजरा करण्याकडे पहावे. असो. सर्वांना मराठी भाषा दिनाच्या हार्दिक शुभेच्छा!! महाराष्ट्रातच मराठीची अवस्था काय आहे, या बद्दलचे गळेकाढू साहित्य विविध माध्यमांतून समोर येतच असते. देशाच्या राजधानीत मराठीची काय अवस्था आहे, हे सांगणारे अनुभवकथन येथे वाचता येईल. (मराठी)बेसनलाडू

कुणाला प्रयत्न करायचे असतील आणि आदर दाखवायचाच असेल, तर कुठल्याही राज्यात असे स्थानिक भाषे संदर्भा आदर दाखवण्याची कृती गाजावाजा न करता होऊ शकते असे वाटते. पुर्णपणे सहमत....... आज प्रियांका चोप्राला एका हिंदी चित्रपटात अत्यंत शुद्ध मराठी संवाद बोलताना ऐकले.....प्रयत्न केला कि सगळ जमत पण उगीच का कू का करतात तेच कळत नाही.. विधायक व वैध मार्गाने कुणालाही न दुखावता आपल्या भाषेबद्दलचा सार्थ अभिमान जागृत करणे व तिचे महत्व इतरांना पटवून देणे सहज शक्य आहे हे मराठी अभिमानगीताच्या निमित्ताने कौशल इनामदार यांनी दाखवून दिले आहेच.... "अनामिका" जो करी कर्म अहेतु,वेद तयास कळो न कळो रे। ओळख पटली ज्यास स्वतःची,देव तयास मिळो न मिळो रे।