कोडगं सूख.....

कोडगं सूख..... अंदाज पावलांचा माझ्या मला न आला हातात हात माझा ,घेता तुला न आला ! सर्वस्व उधळले अन् मी जाळले स्वतःला तो प्रेम'चांदवा' पण , बघता तुला न आला ! केसांत मोकळ्या मी हरवून स्वतःला गेलो चेहेरा कधीच माझा , धरता तुला न आला! तू चुंबतेस आता निष्प्राण हात माझे सत्कार असा ओठांचा , करता तुला न आला! मी कोडगा किती पण , तरिही सुखावलो बघ ! हुंदका दाटुनी येता , आवरता तुला न आला !

लेखनविषय:	गझल

वाचने 2470

प्रतिक्रिया 11

प्रतिक्रिया

सॉलिट्ट्ट

मदनबाण शुक्रवार, 22/01/2010 18:33

सॉलिट्ट्ट्ट्ट....गझल. :) मदनबाण..... At the touch of love everyone becomes a poet. Plato

मी कोडगा

प्राजु शुक्रवार, 22/01/2010 19:51

मी कोडगा किती पण , तरिही सुखावलो बघ ! हुंदका दाटुनी येता , आवरता तुला न आला ! जबरदस्त!!! अतिशय प्रभावी. - प्राजक्ता http://www.praaju.com/

कविता फार प्रभावी.....

sanjubaba शनिवार, 23/01/2010 10:14

कविता फार प्रभावी....अन् भावना अगदी नेमकेपणानें मांडल्या आहेत....छान !!संजूबाबा

खुपच छान

jaypal शनिवार, 23/01/2010 10:29

मस्तच आहे कविता. अजुन येउद्यात वाट पहतो आहे. *************************************************** दुरितांचे तिमीर जोवो/विश्व स्वधर्मसुर्ये पाहो/जो जें वाछील तो तें लाहो/प्राणिजात/

कोडगं सुख-

विदेश शनिवार, 23/01/2010 10:43

कविता आवडली. तरी (आपलेपणाच्या अगांतुकपणामुळे-) बदल सुचवावे वाटतात.. केसांत मोकळ्या मी हरवून स्वतःला गेलो केसांत मोकळ्या मी का हरविले स्वतःला हुंदका दाटुनी येता , आवरता तुला न आला ! दाटून हुंदका येता, आवरता तुला न आला !

विदेश जी,

उदय सप्रे सोमवार, 25/01/2010 14:27

केसांत मोकळ्या मी हरवून स्वतःला गेलो केसांत मोकळ्या मी का हरविले स्वतःला हे नाही पटलं , वरील (पहिल्या) ओळीतील गेयता कमी होते. हुंदका दाटुनी येता , आवरता तुला न आला ! दाटून हुंदका येता, आवरता तुला न आला ! हे मात्र अगदी चपखल बसते आहे , धन्यवाद ! माझ्याकडील प्रतीत हा बदल करत आहे. या आपलेपणाबध्द्ल (हा अगंतुकपणा आहे असे खरंच नाही वाटले मला !) आपला ऋणी आहे ! उदय सप्रेम