Skip to main content

रिती पोकळी

लेखक क्रान्ति यांनी गुरुवार, 17/12/2009 21:50 या दिवशी प्रकाशित केले.
रिती पोकळी तशी दशा या आयुष्याची उद्या वेगळी पुन्हा दिशा या आयुष्याची इथे संपली पहाट, तेथे दुपार झाली कुठे सांज अन कुठे निशा या आयुष्याची? जरा लाभले म्हणे म्हणेतो दुरावलेही, हमी द्यायची कुणी अशा या आयुष्याची? प्रवाहातल्या दिव्यासारखे वहात जाते, हवा नेतसे तशी दिशा या आयुष्याची कुठे कालच्या उन्मादाचा कैफ उडाला? कशी आज ना चढे नशा या आयुष्याची?
लेखनविषय:
वाचने 2779
प्रतिक्रिया 13

प्रतिक्रिया

भानस गुरुवार, 17/12/2009 22:08
क्या बात हैं! शेवटचा खासच.

jaypal गुरुवार, 17/12/2009 23:11
नेहमी प्रमाणेच अप्रतीम गझल "इथे संपली पहाट, तेथे दुपार झाली कुठे सांज अन कुठे निशा या आयुष्याची?".....हे बाकी आगदी खर बघा. *************************************************** दुरितांचे तिमीर जोवो/विश्व स्वधर्मसुर्ये पाहो/जो जें वाछील तो तें लाहो/प्राणिजात/

मदनबाण शुक्रवार, 18/12/2009 09:36
व्वा... :) मदनबाण..... Love is life. And if you miss love, you miss life. Leo Buscaglia

विजुभाऊ शुक्रवार, 18/12/2009 09:45
सन्माननीय क्रान्ती तै जी शीर्षक जरा चुकलय कवितेचे. त्यात द्विरुक्ती अलंकार का डोकावतोय? पितांबर हा पिवळाच असतो ( पीत अंबर = पिवळे वस्त्र) पोकळी ही रीती च असते. ( भरलेली असेल तर ती पोकळी कशी राहील?) असो .मराठी भाषा वर्धिष्णु व्हावी म्हणून आपण कविता करता ते प्रयत्न स्तुत्य आहेत.

क्रान्ति शुक्रवार, 18/12/2009 19:47
आपली शंका तशी बरोबर आहे, पण पोकळी रिती नसते, तिच्यात अंधार असतो, हवा असते, जी दिसत नाही. इथे तर तेही नाही, इतकं प्रचंड रितेपण आलेलं आहे या अर्थाने ती पोकळी रिती आहे. क्रान्ति अग्निसखा

विजुभाऊ शनिवार, 19/12/2009 10:03
पण पोकळी रिती नसते, तिच्यात अंधार असतो काय कळले नाही बॉ. भौतीक शास्त्रानुसार प्रकाशाचे आस्तित्व नसणे म्हणजे अंधार. अंधाराला स्वतंत्र आस्तित्व नसते. अन्यथा प्रकाश पाडण्यासाठी जसे बल्ब ट्यूब आहेत तसे अंधार करण्यासाठीही डिव्हाईसेस निघाले असते.

श्रावण मोडक शुक्रवार, 18/12/2009 10:35
तिसरी आणि पाचवी द्विपदी सकस!

दशानन शुक्रवार, 18/12/2009 19:44
सुरेख !!!! ***** राज जैन, सध्या नर्‍हे, पुणे येथे मुक्काम

सुधीर काळे शुक्रवार, 18/12/2009 20:36
क्रांती, मलाही दुसरा व पाचवा 'शेर' आवडला! खरं तर सगळेच शेर अर्थपूर्ण आहेत. इथे संपली पहाट, तेथे दुपार झाली कुठे सांज अन कुठे निशा या आयुष्याची? प्रवाहातल्या दिव्यासारखे वहात जाते, हवा नेतसे तशी दिशा या आयुष्याची व्वा! झकास!! काका ------------------------ सुधीर काळे, सध्या फ्रेंमाँट, कॅलिफोर्निया येथे मुक्काम

दिपक शनिवार, 19/12/2009 12:37
अप्रतिम!!
कुठे कालच्या उन्मादाचा कैफ उडाला? कशी आज ना चढे नशा या आयुष्याची?
व्वा मस्तच. खुप आवडली