Skip to main content

स्वप्न आणि सत्य !

लेखक विशाल कुलकर्णी यांनी सोमवार, 23/11/2009 14:44 या दिवशी प्रकाशित केले.
कधी उन्मादाच्या भरात तिला चंद्राची उपमा देतो विसरतो सोयिस्कररित्या… चंद्र.. तो स्वत:च शापित असतो ! कधी प्रेमाने तिलाही गंगेसम निर्मळ ठरवतो तिथली आत्मार्पणं पाहून… मी ही… शुद्धतेच्या व्याख्या विसरतो ! तुला चांदण्यांची फुले आणु? उत्साहाने स्वप्ने पाहतो … तुरडाळ शहाण्णव रुपये किलो? आम्ही दोघे… वास्तवाच्या चक्रव्युहात अडकतो ! विशाल.
लेखनविषय:
वाचने 4775
प्रतिक्रिया 12

प्रतिक्रिया

प्रभो सोमवार, 23/11/2009 21:30
मस्त...आवडली --प्रभो ----------------------------------------------------------------------- काय सांगावे स्वतः विषयी,आहात तुम्ही सूज्ञ !! एका सारखे एकच आम्ही,बाकी सगळे शून्य !!

गणपा सोमवार, 23/11/2009 21:48
हा हा हा स्वप्नाच्या दुनियेतुन एकदम धाडकरुन वास्तवात घुसली कविता.. मस्तच.

उमराणी सरकार मंगळवार, 24/11/2009 07:25
तुरडाळ शहाण्णव रुपये किलो? आम्ही दोघे… वास्तवाच्या चक्रव्युहात अडकतो !
"कात्रज च्या घाटात अडकतो" असे असते तर अधिक वास्तववादी वाटले असते. असो, कवितेतला विषाद आवडला. उमराणी सरकार
न करा चिंता असाल सुखे| सकळ अरिष्टे गेली दु:खे

विसोबा खेचर मंगळवार, 24/11/2009 09:08
तुरडाळ शहाण्णव रुपये किलो? आम्ही दोघे… वास्तवाच्या चक्रव्युहात अडकतो !
हे बाकी मस्त रे! :) तात्या.

विशाल कुलकर्णी मंगळवार, 24/11/2009 09:53
सगळ्यांचे मनःपूर्वक आभार ! :-) सस्नेह विशाल ************************************************************* आम्ही इथेही पडीक असतो "ऐसी अक्षरे मेळविन!"

अवलिया मंगळवार, 24/11/2009 11:22
तुरडाळ शहाण्णव रुपये किलो? आम्ही दोघे… वास्तवाच्या चक्रव्युहात अडकतो !
खरे आहे रे... !!! --अवलिया ====== आमचे कडे कशाचाही कशाला बादरायण संबंध लावुन विनोदी लिहुन मिळेल. चिल्लर मधे बसेस फोडुन मिळतील. अधिक माहिती व्यनीमधुन.