केळ्याचा शिरा

माझ्या "अंजिर बर्फी" या पाककृतीस भरघोस प्रतीसादांची आपेक्षा होती पण ५३२ वाचने आणि केवळ ५ प्रतीसाद !!! ( बहुत बडी नाईन्साफी है/ पण म्हणुन काही--- जातो,चाललो ,माझं नाव काढा असा त्रागा करणार नाही) त्याच सदरात मी हे देखिल नमुद केले होते की अल्प प्रतीसाद आले तर दुसरी रेसीपी टाकिन. मंडळी मी दिल्या शब्दाला जागुन आता वचन पुर्ती करतो आहे . सादर आहे साधी, सोपी , पण पौष्टीक पाककृती "केळयाचा शीरा" साहीत्य १. नमुनेदार पिकलेली केळी साधारण ५ नग २.रवा १.५ कप ३.साखर १.५ कप ४.साजुक तुप १.५ कप ५.दुध १.५ कप (गरम) ६.मुठभर बेदाणे ७. वेलची ४/५ नग ८. सजवटीसाठी केशर ९. चवी प्रमाणे मिठ तुप घालुन रवा चांगला लालसर रंगावर खरपुस भाजुनघ्या गरम दुध, केळ्याचे काप, वेलची पुड, साखर व मीठ बेदाणे घालुन मंद आचेवर चांगले शीजु द्या सर्व्ह करताना वरुन थोडे केशर टाका. ता.क. हा शिरा गरम तसाच थंड देखिल चांगला लागतो. ह्याला बनविताना आपल्या आवडीनुसार ईतर फळे / सुकी फळे उदा.अननस,अंजिर,काजु,बदाम ई. देखिल वापरता येतात.