नक्की करणार! चवीला गुळाच्या शिर्‍यासारखे लागते का? अवांतर : साखरेऐवजी गूळ घालून केलेल्या पदार्थांना वेगळीच मस्त चव असते.

स्वाती ताइ ; गुजराती लोक खांडवी अशी करतात. गुजराती खांडवी..... बेसन पीठ , खवलेला नारळ, मिर्ची , कोथिंबीर , लिम्बु , मीठ , साखर , जिरे , मोहोरी फोडणी साठी प्रथम बेसन पीठ पाण्यात पातळ भिजवावे.पिठले करतो तसे ते उकळावे....घट्ट होत आल्यावर त्याला मोहोरी ची फोडणी द्यावी. चवी पुरते मीठ. घालावे. खवलेला नारळ त्यात मिर्ची बारीक तुकडे करुन घालावी , थोडी साखर, लिम्बु ,मीठ ,जीरे याचे मिश्रण थोडे तिखटच करावे बेसन पातळच करावे. ते एक पसरट थाळीत थाळीला थोडे तूप लाउन पातळ थापावे (पोळी इतक्या जाडीचे) गार झाले की त्यावर खवलेल्या नारळाचे मिश्रण भुरभुरावे........ थंड झाल्यानन्तर थाळीत चाकुने सरळ पट्ट्या कराव्या. त्या पट्ट्यांची बाकर वडी सारखी गुंडाळी करावी. वड्या नाजुक होतात्...वाढताना त्यावर कोथिंबीर घालुन वाढावी. सु. बेसन करताना लाल तिखटाचा वापर करु नये..मिर्ची च वापरावी...पिवळ्या खांडवी वर हिरवी कोथिंबीर छान दिसते कळावे आपला...........खाण्यापेक्षा प्रयोग करण्यात मजा जास्त घेणारा विजुभाऊ

विजुभाऊ, मस्त रेसिपी आहे. याला आम्ही महारष्ट्रात "सुरळीची वडी" म्हणतो. आणि फोडणी मधे भाजलेले तीळ सुद्धा टाकतो. अवांतर : तुमचे पण स्वयंपाकघरामधील अनुभव/रेसिपी येऊ देत. आम्हालाही आवडेल नविन नविन शिकायला. वाट पाहात आहे.:))))

'खांडवी' खाऊन किती दिवस झाले? एकदम आईच्या आठवणीने हळवा झालो हो! आता भारतभेटीत आईला ही फर्माइश असणारच. चतुरंग

स्वाती मला का कोण जाणे नेहेमी वाटायचं की खांडवी आपण शिरा करतो त्या रव्याची करतात्..तिथे असताना फक्त खायचं काम करायचे ना..कुठला रवा कोण जाणे मस्त लागतंय ना मग झालं आता करुन पाहेन नक्की सोप्पी वाटली....आल्याची चव लागते का खूप? मी खाल्लेल्या खांडवीत आलं असल्याचं आठवत नाही...

पटलं....

छान रेसिपी दिलीस स्वाती. ह्यालाच खांतोळी म्हणतात का गं? जम्ल्यास एखादा फोटो पणा टाकत जा.

मिपाच्या अन्नपूर्णादेवी स्वातीताई यांस, स न वि वि, आम्ही खांडवी हा पदार्थ बहुत करून श्रावणात करतो. आपल्याकडे बर्‍याच घरी नागपंचमीला श्रावणी करायची पद्धत आहे. तुम्ही इथे भर उन्हाळ्यात खांडवीची इतकी सुंदर पाकृ दिलीत आणि मला सुखद श्रावण आठवला! तुमच्यासारख्या सिद्ध सुगरणीच्या लेखणीतून उतरलेली ही पाकृदेखील नेहमीप्रमाणेच केवळ सुरेख! बाकी खांडवी हा खास ठेवणीतला पदार्थ! या पदार्थाची स्वत:ची एक शान आहे, एक मिजास आहे! साजूक आणि खमंग! क्या केहेने! :) आमची म्हातारीही फार सुरेख खांडवी करते बरं का स्वातीताई! :) छ्या! काय स्वातीताई तुम्हीपण! अहो सोबत तुम्ही केलेल्या खांडवीचा फोटू जोडला असतात तर मिपाच्या मुखपृष्ठावर झळकवला असता! असो, पुन्हा केव्हातरी तुम्ही केलेल्या एखाद्या पदार्थाचा फोटूही पाहायची इच्छा आहे. तुमच्यासारख्या अन्नपूर्णेने केलेले पदार्थ फोटूस्वरुपात नुसते बघूनदेखील आम्हाला आनंद होईल! :) आपला, (खांडवीप्रेमी) तात्या.

एक विसरलेला कोकणी पदाथर्