नव्या `इतिहासा'ची `नांदी'?

लेख चांगला लिहीला आणि मांडला आहे. प्रदीप यांचा प्रतिसादही आवडला. राज ठाकरे काय करतात यावर मनसेचं भवितव्य अवलंबून आहे हेही मान्य! अदिती

चांगला आढावा आहे. प्रदीप यांचे उत्तर पण आवडले. केवळ निवडणूकांमधील एका काळात झालेल्या निकालांवरून नवा इतिहास घडतो आहे की पुढल्या काळासाठी हे इतिहासातील केवळ एक पान ठरत आहे, हे अजून माहीती होण्यास वेळ आहे. कुण्या एखाद्या व्यक्तिस, व्यक्तिसमूहास नुसता आपला (आपल्या परिने 'जाज्वल्य' वगैरे) इतिहासच दाखवत रहावयाची पाळी येते तेव्हा ती व्यक्ति, तो समूह संपलेला आहे, असे समजावे. सहमत. चांगले वाक्य. "सांगे वडीलांची किर्ती..." सारखाच मुद्दा आहे. यावरून सावरकरांचे या अर्थाचे वाक्य आठवले की आम्ही इतिहास नुसता वाचत बसण्याऐवजी घडवत आहोत... राज ह्यांनीही आता फारसे भावनाविवश न होता, आपला पुढील कार्यक्रम आखणे व त्यानुसार स्वतःची व पक्षाची वाटचाल सुरू करणे हे जरूरी आहे. ते काम एका रात्रीत घडणारे नाही. त्याला पेशंन्स लागतो. तसेच खरेच इतिहास घडवायचा असेल तर व्यक्तिगत महत्वाकांक्षेच्या (ती असण्यात काही चूक नाही पण तिच्या) पुढेही जाउन तळमळ आणि सामाजीक/राष्ट्रीय विचार करणारे नेतृत्व आत्ता हवे आहे. राज तसे नेतृत्व देऊ शकणार आहेत का, यावर केवळ त्यांचेच नाही तर त्यांच्याकडे नव्या दमाचे नेतृत्व म्हणून पहाणार्‍या आशावादी आणि निराशावादींचे भवितव्य अवलंबून आहे. ते जर त्यांच्याकडून दिसले नाही तर मग काय परत आहेच, "उडदा माजी काळे गोरे, काय निवडावे निवडणारे, कुचलिया वृक्षांची फळे, मधुर काय असतील" :-(

कुण्या एखाद्या व्यक्तिस, व्यक्तिसमूहास नुसता आपला (आपल्या परिने 'जाज्वल्य' वगैरे) इतिहासच दाखवत रहावयाची पाळी येते तेव्हा ती व्यक्ति, तो समूह संपलेला आहे, असे समजावे. राजकिय पक्षांना नुसताच इतिहास असून काय उपयोग? तुम्ही आता काय करता आहात, व ह्यापुढे काय करणार आहात, हे महत्वाचे.

+१ प्रकाश घाटपांडे आमच्या अनुदिनीत जरुर डोकवा.

तूर्तास तरी भाजपा आणि सेना या दोन संघटना प्रभावी नेत्याच्या अभावी मार खात आहेत असे दिसते.. मनसेवरची जबाबदारी वाढली आहे हे निश्चित, आणि मनसे ती कशी आणि कितपत निभावते यावर मनसेची पुढील वाटचाल अवलंबून आहे. सहमत. राजच्या प्रभावी भाषणांमुळे, मराठीच्या मुद्द्यांमुळे तूर्तास तरी मनसे जबरदस्त फॉर्मात आहे. येती मुंबै महापालिका मनसेच्या ताब्यात जाण्याची बरीचशी शक्यता दिसते.. असहमत. मुंबई महानगरपालिका आघाडीच्याच ताब्यात जाण्याची शक्यता जास्त दिसत आहे. बघू काय होते ते. तशी जर ती गेली आघाडीच्या ताब्यात तर मुंबई महानगरपालिकेचा कारभार हिंदीत सुरु होईल ही शक्यता दुसरी. पुण्याचे पेशवे आम्ही हल्ली सहीत वाक्यं लिहिणं बंद केले आहे. Since 1984

हा लेख `सकाळ'च्या २४ ऒक्टोबर २००९ च्या अंकात संपादकीय पानावर मुंबई वार्तापत्र या सदरात अगोदर प्रसिद्ध झाला आहे. वृत्तपत्रात वा प्रिंट माध्यमात आधी प्रसिद्ध झालेले लेख `मिपा'च्या वाचकांसाठी देण्यात काही गैर असावे, असे मला वाटत नाही. उलट, त्यामुळे मिपावरही एखाद्या विषयावर व्यापक वैचारिक देवाणघेवाण होऊ शकते. असे लेख `उडवून' ही प्रक्रिया थांबवू नये, असे माझे मत आहे. लेख उडविण्याच्या सूचनेतील `तत्परते'वर काय प्रतिक्रिया द्यावी हे कळत नसल्यामुळे, `नो कॊमेंट'!